رد مع اقتباس
المشهد 22
مجلس ابو الحبيبه وسالم في نص المجلس مع اصدقائه اللي حابهم معه للخطبه، والاب تلمع في عيونه نظرات الخبث.
الاب: شرفتونا جماعه، يا مرحبابكم.
سالم: تسلم عمي والله يشرف مقدارك.
الاب: جماعه انا رحت وسألت البنت وقالت موافقة، بس مثل ما انتو عارفين، هذا الرجال متزوح ومعه اولاد ومطلق كما سمعنا بس ما متأكدين.
سالم: ان شاء الله عمي قريب اخلص اجراءات الطلاق من المحكمه.
احد الجماعه الحاضرين: يصير الفراق والطلاق، والرجال ناصنكم وباغي من معكم حرمه.
الاب: ما قلت غير الخير الغالي، ولكن معنا طلبات والحريم بعد معهن طلبات.
سالم: تفضل عمي ايش طلباتكم.
الاب: انا بخبرك عن المهر تو. وبقية توابع العرس من قاعه وعشاء وشبكه وغيرها بنتكلم فيهن مره ثانيه ان شاء الله.
احد الجماعه الحاضرين: وكم طالبين مهر الوالد.
الاب: مثل ما تعرفوا البنت تشتغل، وبعدها صغيره وهذا الانسان معه اولاد، واحنا عشان نيسر عليه بنوافق مع العلم امها ما موافقه لكن ان شاء الله خير.
سالم: كم عمي المهر تريدو؟
الوالد: 15 الف
احد الجماعه: اذكر الله الوالد، المبلغ واجد كبير وانت عارف كل شي غالي والحياه صعبه.
الاخ الاكبر للحبيبه: صحيح، لكن البنت خطّابها كثيرين ومن احسن الوظائف معهم وعزاب بعد. وسالم معه اولاد، يعني بتربي اولاده.
احد الجماعه: وحال جيتنا معكم نبي مذهب، ونبيكم تخففو المبلغ واحنا بنقول 10 الاف، وش الراي.
الاب: عشان جيتكم بس بنزله الالفين والمهر 13 الف. هذا اخر كلامي وبعد نبي قاعة للعرس مع العشاء وشبكه للبنت بتروح مع امها تنقيها وبنخبره بالسعر.
سالم في ريبه وصدمه: ان شاء الله خير عمي اللي تبيه بيصير.
احد اصدقاء سالم جنبه يحدث سالم في اذنه: انا مجنون موه باغلها هالبنت بتوقف عليك ب20 الف وانت معك اولاد وعليك سلفيه،مالك مجنون وبعد كاذب ع الناس انك مطلق.
سالم: اللي يعين يا صديقي.
يخرج سالم واصحابه من المجلس على امل ان تتم الزيجه ان شاء الله.
المشاركة الأصلية كتبت بواسطة غلاتي ف حلاتي
