نتاجـــــــــــــــات الشاعر ( محمد العمران )

[اسطورة لن تتكرر]

انا اعتذر ‘‘

كلك على بعضك دلع
حتى الدلع منك يغار
اولعت قلبي بك ولع
وارميتني في وسط نار
الورد من خدك ينع
كادي وفل وجلنار
واشوف صبري ما نفع
عنك ولا فاد اصطبار
ياذا الغلا لا تندفع
فالامر يحتاج انتظار
و ان كان حبي ما شفع
عندك فلا تاخذ قرار
سامح حبيبي واستمع
للي تقدم باعتذار
تعال وانظر للدمع
تعال شوف الانهمار
وان قلت لي ما بقتنع
بروح انا لقرب مطار
و ارحل و اسافر وارتفع
واهيم انا في كل دار
عسي فؤادي يتسع
للصبر او نفتح حوار
ونرجع لحب قد جمع
قلبي و قلبك بقتدار

[اسطورة لن تتكرر]

خيول الشعر ..

قلت انا يااخيل شعري
فركبي
واطربي من كان يعجبه
القصيد
واتركي من كان في فهمه
غبي
وسفهي من كان في فكره
بليد
وإصهلي يااااخيل شعري
والعبي
دام ميدااانك علي القااف
الجديد
الشعر يعطيك كل اللي
تبي
لا عطيته في الجزااااله
مايريد
والشعر بحر(ن) جرا به
مركبي
والسواااحل عن نظر
عيني بعيد
اكتب احروفي علي كيف
اشنبي
واوزن ابيوتي علي كيف
القصيد
وآتفنن في بحووور
المذهبي
واقنص الضبي الحذوري
والعنيد
وازهم الفكره واناديها
اقربي
ثم ابلورها علي المعني
الفريد
ياخيووول الشعر لالا
تتعبي
لاركضت وياك في بحرن
مديد
ولا تحني من عناااك
وتنحبي
الشدايد تطلب الشخص
الشديد
حرف شعري في المحبه
يعربي
من زمن تبع وهارون
الرشيد
كم تفاخر بالشعر من
تغلبي
وكم تناجز بالشعر عبدن
وسيد
وكم شااااعر قد حسب
نفسه نبي
وكم شاعر قد حسب انه
وحيد
وانااا شااااعر والمشاعر
ملعبي
لا تجاااااكر بالشعر اهل
القصيد
وانا مغرم والغراااام
معذبي
وكم تعذب في الهوا من
اجل غيد
وجمرتي في جوف قلبي
تلهبي
مايطفيهااااا ولا برد
الجليد
وتمت احروفي وخيلي
مركبي
اقطع فجوجن بها في
كل بيد

[اسطورة لن تتكرر]

فك الرموز / مع التحية

يافطين الراي في فـك
الرمـوز
فكك ارمـوزي واترك
ذا اللمـز
والشويعر لو تهيأ
للقموز
كلما راااااام ايتقامز
ماقمز
ويوم قالوا للفواااارس
من يحـوز
شفت شيطان الشعر مني
قفـز
واسهلت عندي مغاليق
الحروز
اسرد القيفاااان من غيـر
العـوز
ولويجوز الجور لاكن
مايجـوز
لأجعل التيجان في شعري
خـرز
ولوتطير المقرحه بنت
العجـوز
فوق نسرن من على وكره
بـرز
طارت طيوري انا عنـد
البـروز
عند نجم اسهيل فوق
المرتكـز
شاش فكري يوم قالوا من
يفوز
يوم كلن من على خيلـه
نهـز
خذت رمحي مابدالي من
كـزوز
صوب ميدان الشعر كلي
حفـز
اسقي الضيفان من شعري
بكوز
كن شعري من على دجله
فـرز
لأجل عين اللي تفاديه
الكنـوز
ضبي سيح(ن) كيف موحاش
المعز
يافطين الراي في فـك
الرمـوز
فكك ارمـوزي واترك ذا
اللمـز

[اسطورة لن تتكرر]

مجرد خاطره ‘‘

انت ودك نفترق ؟؟
قلي اذا ودك نفترق ؟؟
انت ودك نحترق ؟؟*
مثل قرطاس الورق
وفي غيبتك ودك فوادي ينسرق ؟؟
ليش الجفا دام القلوب توالفت ؟؟:*
وليش العناد وعيني علي شوفك حفت ؟؟
وليش الدموع اللي على شاني اختفت ؟؟
الله اكبر يازمن
ماعاد لك للعاشق وليف
والله اكبر ياليالي
الصيف وش جابك على وقت الخريف؟؟*
وين الفرح لي مابقي له منه طيف
ام نصف طيف؟؟
وين الغيوم ووين زخات المطر ؟؟
نرجس::
غرامي من جفافك جاه الخطر
وارجع واقول اليوم بيعيد النظر
لكن حسافه ماحصل يوم الوليف ينسى وليف

[اسطورة لن تتكرر]

سكوووون الليل ‘‘

سكون الليل واشجونه
وقلب العاشق المحزون
وطرف(ن) يرقب الطيفان
وقلـب(ن) قلـب اعواقـه
ودفتر ذابت احروفه
ونص(ن) مات بـه مطعون
وحرف(ن) من طويل الهم
بكي في صفحة اوراقه
وحبر(ن) يشتكي لونه
تبعثـر حرفـه المجنـون
تخضب في قراطيسه
و غرق في لجة اعماقـه
وطيف(ن) يحتري نومي
يجيني والعيون اسكـون
يصحينـي مـن ارقـادي
يذكرنـي بميثاقـه
ورسم(ن) من سراب الود يخادعني وانا مفتـون
وتذكـار(ن) علـي قلبـي
يقطـع حبـل معلاقـه
تمنيت الزمن يازين
يجدد للغـرام اشجـون
ونهر الود ياشوقـي
يغذي زهـر عشاقـه
ويسقي زهر بستان(ن)
تداعت من عناه غصون
ويروي مابقى من ورد
تهاوت باقي اوراقه
محمد العمران

[اسطورة لن تتكرر]

تعبت من السفر في كل ديره ‘‘

تعبت من السفر في كل
ديره
ادور عن حبيب(ن) قد
رحل
رحل عني وخلاني
اسيره
ولا ادري في غيابي
وش فعل
تجفاني و لا حاسب
ضميره
ولا حس بفؤاد اللي
نحل
بقايا حب من يعرف
مصيره
تبعثر في مطاراااات
الدول
سالت البدر عنه
و الدبيره
و نجم سهيل مع كوكب
زحل
من همومي اناااا نفسي
كبيره
ولو جرح المحبه
مادمل
واناظر في السماء واقول
خيره
عسي غيث المحبه لي
همل
ونرجع والغلا نفس
الوتيره
ويرجع لي حبيبي
بالعجل
ويرجعلي ولو فتره
قصيره
يدااوي ما تبقى من
علل
تمر سنين عمري
واستجيره
حبيب الروح يدرك
ما فعل
احبه واعشقه ما اريد
غيره
وانااااا بين الرجاوي
و الامل
واشوف الزين لي ماله
نظيره
بلبااااااس الغواااااااشي
و الدبل
واشوف الورد باطراف
الحظيره
تحدي للجفاااااف
وماذبل
على فرقاه انا نفسي
اسيره
سجينه في محاريب
الامل
تري الايام ياااا خلي
قصيره
وقطع الوصل ياخلي
خلل
ترفق بالذي تسوي
نظيره
و دمعه لجل غيرك
ما نزل
وهذي قصتي في 1000
ديره
اجيهااااا كل يوم(ن)
وارتحل
واناظر في وجيه الناس
ميره
كوجه البدر يوم انه
كمل
وهذي قصتي في 1000
سيره
يترجمهاااا قصيدي
بالجمل
ظريبة من بغا يعشق
اميره
رضي بقدارهااا ولا
زعل

[اسطورة لن تتكرر]

بين الامل والياس ضيعت انا دربي ‘‘

ودعت نا دنياك لما تعب
قلبي
ويوم الصبر يا زين ما عاد
يغنيني
ودعت انادنياك والذنب مو
ذنبي
ذنب الليالي على فرقاااااك
ترميني
ابحرت عن مرساك والموج
يلعبي
والريح تعسفني وذا الموج
يطويني
وهم الجفاء مابين ظلعين
متخبي
يخفي لهيب الشوق من حر
مافيني
ابغى وداعك بس ماطاعني
قلبي
صعب الوداع اليوم ياقرة
العيني
سفن الوصال تروح للشرق
و الغربي
وسفني انااااا وياااااك للصد
تنحيني
بيني وبين الحظ يا صاحبي
حربي
دايم على فرقااااك يااااازين
يبليني
بين الامل و الياس ضيعت
انا دربي
ليت الامل يااازين مره
يصافيي
لول على لقيااااك و النااااس
تفرح بي
و اليوم من فرقااااك صارت
تعزيني

[اسطورة لن تتكرر]

اهداء الي جميع عشاق السبلة

وقـــف دقـيـقـه نـسـتـشـف
الحـقـيـقـه
والـكــل مــنــا يـتـضــح لــــه
طـريـقــه
لـحـظــه حـبـيـبـي خـلــهــا
بـالــرواقــه
حــق الـهـوي مـــن حـقـنـا
مـــا نعـيـقـه
نـبـغـي نـقــارن بـيـنـنـا فــــي
الـمـحـبـه
ونشوف من هو وافي (ن) مع
عشيقه
انــا الحـبـيـب الـلــي بـدعــت
الـبـدايـع
لألـجـلـك وهـزيــت الـقـلـوب
الرقـيـقـه
وانـا الحبيـب الــذي سبـقـت
الثـوانـي
لاجـــاك هــــم(ن) او تـبـلـتـك
ضـيـقــه
وانــا الصـبـور ولــو دهـتـنـي
اللـيـالـي
اصــبــر وصــبــري يــاغــلا
ماتـطـيـقـه
وانـا الـصـدوق الـلـي وفـيـت
المحـبـه
وانــا الــذي مـاخـنـت عـهــدك
دقـيـقـه
وانــا الــذي لامــن دعـيــت
الـدعــاوي
عـنــدي لـهـاذيــك الــدعــاوي
وثـيـقــه
وانـا الـذي قاسيـت سبـع (ن)
خـوالـي
بـرهـانـهـن ذيــــك الـسـنـيـن
العـتـيـقـه
وانـت الــذي حطـمـت حلـمـي
وقلبي
واشعـلـت لــي بـيـن الحـنـايـا
حـريـقـه
وانـــت الـــذي جازيـتـنـي
بالـتـجـافـي
وخـلـيـنـي وجــــروح قـلـبــي
عـمـيـقـه
والـيـوم اشـوفــك تـعـتـذر
والـمـدامـع
هـلـن عـلـي ذيــك الـخــدود
الرقـيـقـه
أقـبــل ولا تـخـشـي ضــيــاع
الـمـحـبـه
مـانـي مــن الـلـي يقطـعـون
الوشيـقـه
شــوف التـبـايـن بيـنـنـا فـــي
الـمــوده
والـبـون شـاسـع بينـنـا فــي
الحقـيـقـه

[اسطورة لن تتكرر]

قصيدة نوف أهداء الي ابن الريان مع وافر التقدير

تـغلا يـاغـلا داري وعــذرك يـاغــلا مـكـشـوف
وخاصمـنـي وجافيـنـي واتركـنـي عـلـي نـــاري
جنابـك يختبـر ودي وعنـدك ذا الخبـر معـروف
واشوفك تطلب اخباري و عندك جملة اخباري
تمنينـي وصاالـك دوم وانـا بـك هايـم متـلـوف
واذا حان الوصال تقـول لفونـا اليـوم خطـاري
وتتركني علي نـاري وتخلـف وعـدك المخلـوف
وتـرجـع تعـتـذر وتـقـول احـبـك يـاهــوى داري
واذا مني نويت الصد تجيني تشتكـي ملهـوف
توسـلـنـي تـرجـانـي وكــنــك قــــاري افــكــاري
وهذي حالتي ويـاااك مابيـن الرجـاء والخـوف
وقلـبـي فــي بـحـر ودك مع الاحلام
سماري
انـا ويـاااك فـي حيـره ومـدري حلهـا يااانـوف
ومــدري كـيـف بـاصـدق وداد البـايـع الـشــاري
انـا لـولا عهـود الـود نحـرت الـود لـك بسيـوف
قتـلـتـه واسـتــراح الـبــال لا عـيــب ولاعـــاري
الا يامستمـع شعـري وتعـرف قصتـي وتشـوف
دخـيـل الله دلـونـي عـلــي مايـطـفـي الـنــااري
تعالوا وانظروا حالـي ترانـي م العنـا متلوف
كـنــي مــــن غــريــب الــــدار لاجــــار ولا داري
وهذي قصتي ياناس كتبت احروفهـا بحـروف
من اركان الضمير اللـي يترجـم دايـم اشعـاري

[اسطورة لن تتكرر]

اهداء الى صدى صوت مع التحية والتقدير ..

يـاعيوني المهاتي وش عــــلام
الـنـظــر .
يرسل الطرف نحوي بالخجـل
مـن بعيـد ..
داعـي الشوق جـانـي من جـمـال
الـصـور ..
والـنـواظـر دعــنــي للهوى
مــــن جــديــد ..
من هوى الغيـد تايـب قبـل اشـوف
القمـر ..
ميـر حظي رمـانـي بـيـن رمــش
وجـيـد .
يـاعيوني المهاتي عـجــلــي
بـالـخـبــر ..
كـيــف وصـــل المـعـنـا للـقـريـب
البـعـيـد .
كيف وصل المعنا والسماء به
مطر ..
والعواااصف تراعد والهواااء
والجليد ..
والمعنااااا بليل (ن) يحتويه
الخطر ..
والدروب الطويله والمعناااا
وحيد ..
تبـتـلـيـنـا الـلـيــالــي بـالـعــنــا
والــســهــر ..
كـــل مـــازال هــــم طــــل هــــم
جــديــد ..
والـمـقــدر عـلـيـنــاا بـالـقـضــاء
والــقـــدر ..
مــاتـــرده مــنـــاوي والــحـــذر
مـايـفـيــد ..
ذااااب قــلــب الـمولع في الهوى
وانـصــهــر ..
مـثــل مـــاذاب ثلج في صفيح
الـحـديـد ..
ياصدي صوت قلبي من عذاب
القهر ..
مثل طفل تيتم واصبح بيوم
عيد ..
كلمـا ضــاق صــدري مــن اهـمـوم
البـشـر ..
ارتشفـت القواافـي مــن معـيـن
القصـيـد ..
انزف الحرف واكتـب مـن ادمـوع
النظـر ..
وارتقـي بالمعااانـي فـي السحـاب
البعـيـد ..
واحتري الصبح وانظر في عيون
السحر ..
كـود ينـزاح همـي فـي الصـبـاح
الجديد ..