+[.. الجزء التاسعـ.. ]+

+[.. منـ هو الذيـ ذليتـ لجلهـ ياسعيد ثمـ ذا اليومـ خلاكـ.. ]+
+[.. صابكـ بسهمهـ حينـ غفلهـ وبعد الوفا والود عداكـ .. ]+



اووه التليفوون يررن .. ياارب سعييد .. قوولوا اميين : الوووووو
سمعت صووت رقييق : الو مرحباا
من هااي : مرااحب هلا والله ..
: لو سمحتي بو سلامه موجود ..
استغرب منو بو سلاامه : منو بو سلاامه ..
: مب هاا مكتب سعييد بن فاهم ..
: هيه هو بس منو بو سلامه ..
ضحكت البنيه : ههههههههههههههه ..استاذ سعيد هو نفسه بو سلامه ..
هاا شوو بو سلاامه جنه حد صب علي مااي باارد .. معقوووله معرررس ..مااصدق .. بتخبر علاياا : اهاا .. لا اختي مساافر منو انتي .؟
: ويااج سكرتيرة بن ضاعن ..
: ايواا تبيني اقووله شي ..
: لا مشكووره ..

اول ماسكررت عنهاا سيده دقييت لعلااياا .. تمييت اسوولف وياها وتمت تعاتبني لاني مادقييت لها ..........الخ .. عقب تجرأت وسألتهااا : اقوولج سعيد عنده بنيه اسمها سلامه ..
حسييتها ارتبكت : هييه عنده عمرهاا 4 سنواات ..
: معقوووله ... تصدقيين ماكنت اعرف انه معرس الا عقب مادقت لي سكرتيرة بن ضاعن ..
حسيت نبرة صوتهاا تغييرت : هييه ماخذ بنت عمه من 5 سنواات ...
: ايوااااا ..خلاص عيل اخلييييييج ..باي
ماسمعت ردها لاني سكرت وانا غيييض الدنيا كله فيييه ..يعني كااااان يكذب علي النذل الحيواااااااااان .. معررس واونه يحبني .لا وبعد عنده بنيييييييييه .. لييش جي يلعب بعوااطفي ليييييييييييييييييييييييييش .. حرااام عليك ياسعييد ليييش جي تسوو فيني .. لييش خليتني احبك وانت عندك بنيه ومعررس ...لييييييييييييييش .. ليييش يادنيااااي جي تحرمييني من احلى ناااااس اول احمد عقب سعيييد .. "تمييت اصييييح"
عقب رن تليفوون المكتب ماكان لي خااطر ارد علييييه بس من حشررته رديت ..: الووو ..
: الووو هلا ريمااني ..
عصبببببت منه له ويهه يدق بعد : يا النذل يالحيواااااااان لك ويه دق تليفوون ..
رد علي بصووت كله عصبيه : شوو فيييييييييج ليييش معصبه .؟؟
قلت بقسااوه : اناا اكرهك اكرهك .. ليييش جي تسوو فيه ؟؟
: قووووووووولي شو سوويت ..
قلت له بغييض : لييش ماقلت لي انك معرس وعندك بنيه لييييييييييييش ..
سكتت مارد علي .. عقب قلت له : بلااااااك ساااكت قوووول .. لييييييييش ماقلت ..
رد علي بصووووووووت مجرووح : لاني احبج ماابا اخسررج ..
: جااااااااااااااااب .. انا مااحبك اكرررهك اكرهك مووووووووت يالحيواان " تمييت اصيييح من الخااطر هب راايمه اتحمل هالصدماات اللي تييني "
: ريماااني بس خلاص لا تصيحييين .. والله ياالريم اني احبج واول ماارد بخطبج من اهلج ..
: قصوورك بعد تيي تخطبني .. هاللي قاااصرر ..
قال بغييض : ليييييييييييييييييييييييش؟
: لاني مااحبـــــــــــــــــك ..
: بس اناا والله احبج قسم بالله اني احبج واحب كل ماافيييييييييج ..وابااج تكونيين لي رووحي ...
: انت ماااتفهم انا مااباااك مااباااااااااااك .."ورقعت التليفوون بويهه "
وسيده دقيت على سيهاام تييني .. من عقب هاليووم بوقف التدرييب ولا ابى اداووم في مكاان فيه سعييد ..دقت لي سيهاام انها وصلت ... ركبت السيااره وانا همووم الدنيا كلهاا فييه ..اول شي يمووت احمد ونفقده وعقب انصدم بسعييد وانا بحرم عمري منه ... مابكذب علييكم والله اني حبيييييييييييييته ... بس هب لدرج انه يخبي علي انه معررررررررررس .. هااي صدمتي عمرري .. صدمه جرحتني ..لييش يااسعييد لييييييييش ماقلت ليي ؟؟؟ حراااااااااااااام علييك والله ؟؟

وصلت البيت لقييت خالي حمد قاعد في الصاله : السلام عليكم ..
: وعلييج السلاام ..لييش يايه من وقت ..
زخييت دمووعي وعقييت النقااب : مابى ادااوم خلااص بقعد عند خوااني البيت احسن ..
سكت عقب قاالي : وانا اقول بعد ..
سرت صووب حجررتي ابى ارتاااح واغلقت تليفووني ..عسب ارقد بدوون ازعااج وحشره .. انسدحت ع الشبرريه تمييييييييت افكرر بهالانساان .. معقووله اليوم يوم كان يقوولي احبج كاان قاصدنهاا ومن خاااطر .. افففففففف اصلا شو تفييد هالكلمه خلااص ..طابت النفس من صووبك ..ذبحتني يااسعيييد حراام عليييييييييك ..لييش اوول رياال يدخل حيااتي انصدم فييه .. ليييش ؟؟اااااااااه منك قسم بالله ماتوووقعت انك معررس .. وحتى لوو انك معررس لييش تطاالع غيير حرمتك للييش دخلني بحيااتك غصب .. حتى لوو تحبني انا ماابى اكوون عذووول .. الله يساامحك يااسعييد .. خلني اقرأ قرأن احسلي من التفكيير بإنسان وصله صاار من المستحييل ....



عقب صلاة المغررب ...ظهرت من الحجرره بعد مانشييت من الرقاد .. وسرت صوب الصاله لقييت سيف وساره بعد .. يالله شكثر استانست يوم شفتهاا في الصااله ..من متى ماشفتهاا .. اول ماشافتني ابتسمت : هلا والله وينج مااشوفج ..
اوووويه فديتهاا : والله انتي اللي متخققه علينا 24 ساعه في الحجرررررررره ..
ابتسمت لي : قالوا بتوقفييين الدوااااااام ..
حسييت بنغززه بقلبي وقلت لها بأسف : هييه..
: لييييييييش ..
تمييت اطالع سيف اللي يلعب بتليفوون امايه واذنه عندنا خخخخخ : عقب بقوولج ..
وحل الصمت من بييناا .. وسيف حااشر الدنيا بصووته .. اوونه يرمس خليفه بالتليفوون اماايه ..سمعت سااره تقووله : انت محد يعطييك تليفوون ..اونك بترمس ربيعك ومنااك ماعندك ربع الا خلوووف ..
رد عليها : اييه صرصوور مايخصصج ..هب تليفوونج تليفوون اماايه ..
رديت علييه : وين تليفونك ..
وقال بحزن : عطيته فلاح يلعب فييه وفرره ع الارض وانكسر ..
ضحكت ع شكله : ههههههههههههههه دواك ..
سكرر من عند خلييفه وتم يلعب بالتليفوون وعقب فجأه سمعناا صووت يقول :

ابي تعذرين احساسي اذا قصر .. وابي تعذرين لو قصرت في حقك

وعقب انا نقززت لسيف وسحبت التليفوون وسكرت الاغنيه وعقييت التليفوون في الارض .. اما سااره ربعت صووب الحجررره تصييح .. انا ماصدقت تظهر من الحجرره وترد كله من هالسييف : انت ماتخااف ربك ..
سيف منصدم مايعررف شو مستووي : بلااااج لييش جي تسووين بالتليفوون ..
عصبت علييه : انت تعررف ان هذا اللي يغني المرحووم احمد اخووي ..
سكت سيف وظهر من الصااله .. ياااالله يا سيف شوف شو سويت ...
يوم كان يلعب بالتليفوون امايه اللي تستخدمه سااره ..وتم يبطل النغمااات وظهرت هالمقطع بصووت المرحووم احمد .. اغنية محمد عبده بس بصووته ...
يمكن هالمقاطع المسجلهن لسااره .. ااااااه ياسااره .. احسها كل ماتحااول تنسااه شي يذكرهاا فييه ... الله يهدييج يااختي .. كان بودي اربع وراها بس قلت بخلييها ع رااحتهاا .. شلييت تليفوون اماايه وسرت صوب الحجرره وبطلت الاب توب .. وطرشت الشلات اللي بصوت احمد للاب مالي وسيفتهن .. اما اللي في تليفوون امايه مسحتهن كلهن .. وشلييت تليفوون امايه وحطييته ع تلفزيون الصاله ..


عقب مرور يوميين .... احوال البيت حزيينه ...بس هب شراات قبل ..توقعت ساره عقب اخر موقف تعتكف الحجرره بس بالعكس ثااني يووم ظهررت عاادي .. بس مااقولكم انهاا هي ساره الاولانيه .. المرااهقه الخبله .. لا بالعكس تغييرت شخصييتهاا وااايد 24 سااعه ساكته ماترمس الا اذا حد سالهاا وضعفاانه وااايد ..وااايد متغييره .. اما امااايه خلاص ماعادت تسيير بيت عمووه مريم لانها خلاص عمووه ..تقبلت مووت ابنهاا والحيين يعالجوونها عند طبييب نفسي ..اما انا .. اعتزلت في البيت ودواام سحب خالي حمد اوراقي منه .. وطبعا بتتخبرووني عن سعيييد .. مااعرف عنه شي بس سمعت من علايا اللي ابد ماقطعتهاا انه مرره رد بالبلاد . حمد الله ع سلاامته ..والله يهنييه ويا حرمته وبنته ...
سرت صوب اماايه لقييتها مسوويه هرييييس ريحته تخببل .. وسمعتها تقوول لأليس شلييه بيت بابا حميد .. : امايه انا بشله لاني بسيير عند عمتيه اسلم علييها ..
امايه وهي تصب الهريس في المله : خلااص عيل ..سيري اتلبسي
سرت صووب حجرتيه اغير بجامتي ولبست كندووره مخوره لونهاا برتقالي ع بييج ..وحطيت وقايه ع راسي من نفس اللون .. ييت بظهر من الحجره بس رن تليفووني شفت رقم غريب فقلت بررد : الووو ..
: هلا الريم ..
عرفت صوووووته ..وندمت اني ردييت ..كله مني ..قطع تفكيري : دخييلج سمعييني لا ترقعيين التليفوون بويهي ..
بدوون نفس : قوول اللي عندك بسرعه لاني مستعيله ..
: الريم حراام عليييج لييش تسحبيين اورااقج من دواام ...
: ماايخصك .. الحيين فكني شوو تبى ..
عصب : ريييييييييييييييييييييييييم اصطلبي ورمسييني عدل لا اييج البيت الحيين ..
: تعاااااااااااال لو ترووم .. تروعت منك ..بااي "رقعت التليفوون بويهه"
تمييييييييت اصييييييييح .. والله اني احبه قسم بالله .. بس هب قادره اصدق انه معررس وعنده بنييه هب قاادره .. سمعت اماايه تزقرني ..فمشييت دمووعي وكحلت عيووني ع الخفييف وسرت صووب المطبخ ..
اماايه : حشااااا ..شو كنتي تسووين ..
ابتسمت لهاا : اماايه اتلبس ..
: كل هاا تلبسيين حشاا .. اندووج المله و ياويلج ان طيحتيهاا ..
هههههههههه ضحكت ع اماايه وشلييت منها المله وظهررت من الباب الصغيير .. مشيت يمكن خطوتيين وتقربت مني سيااره .. يماااا ترووعت .. اكيد هاييل من عيال الشعبيه .. صدق قلة ادب .. تقربت مني سياااره ... يوم وصلت عدالي نزل الجامه : الشيخه ********
نقعت من الضحك : ههههههههههههههههههه خالي حمد شوو عندك ترقم برقم البيت ..
طالعني بنقمه : انتي شوو مظهررنج فهالوقت ..
: اللي يسمعك بقول ساعه 1 في الليل الا الساعه 7 المغرب ..
تم يطالع المله : سايره بييت حميد ..
: هييه .""وطالعته بنظراات رجاا"" دخيلك اترياني بوصل المله وعقب خلنا نحوط بسياارتك ..
: اوكي يالله بسرعه مارووم اردج ..
دقييت جرس بيت خالي حميد وظهرت البشكااره عطييتها المله وشردت .. وسيده ركبت سيارة خاالي حمد ..: الله ونااسه من زماان ماركبت وياااك..
: ههههههههههه وياراسج .."زخ تليفونه ودق ع البيت وقال حق امايه تقول لساره تلبس وقاايه وبيظهرهاا وياناا "
خمس دقايق ويتنا ساره : شو عندكم وين بنسيير ..
سالنا خالي حمد : وين تبن تسييرن ..
: شو رايكم نسيير المبزره ..
قالت ساره : أي مكاان مانبى نتشررط ..
خطفنا ع المطعم وخذنا عشا وعقب شلنا صوب المبزره .. كاانت فااضيه مافييها حد ..لان نحن في فصل الصييف وفي هالفصل تلاقوونها فاضيه محد فييهاا .. وقفناا صووب النافوره وقعدنا في الكرااسي اللي هنااك عسب نتعشى ع راحتناا ..
الكل فيينا سرحاان خالي بصوب وساره بصووب .. وحتى انا في صوب ..حسييت كلنا تجمعناا جرووح قاسيه ..بوسط قلوبناا .. كلن له حكاايه وكلن متملك البطوله في هالحكااايه .. تمييت اطالع خالي حمد هو الوحيد اللي حكايته غاامضه مااعرف عنها شي ..فقلت لييش مأسأله : اقوول خالي حمد ..
صد صووبي : شوو عندج انسه ريم ..
ابتسمت له : ابى اعرف لييش ماتبى تعرس ..
حسييت سؤالي ضاايقه بس انا لازم اعرف سالفته ويهالميره لازم ارضي فضوولي : شو سالفتك ويا اخت ريل خالوه منى ..
تم يطالعني بحزززن : ليييييييش هالسؤاال يالريم ؟؟
سكت ماعرفت شو اقوول .. بس سمعته يقوولنا ..: انا يوم كان عمري 19 سنه كنت دوومي مطيح في بيت خالتكم وريلها .. لاني كنت احب اخته الصغيره ميره
مرره كنت قاعد في الحووي اللي ورى الفله وهي بعد قاعده ويانا .. شافني ريل خالتك وراغني من البيت بدون حتى مايسمعني ... ادري ان غلط نقعد برووحنا .. بس صدقووني ابد ماكنا نسووي شي غلط .. حبناا كاان عذري طااهر .. يوم كونت عمري واستوى عمري 22 سنه سرت اتقدم لها بس هو ردني .. قلت له لييش قالي كيفي مابى اختي تاخذك .. عقب فترره سمعنا انهاا عرست وصدقووني عرست مغصووبه ..
رحمته من خااطريه .. يعني ريل خالتيه هب هيين : خالتيه مادافعت عنك ؟؟
: خالتكم مارامت تقوول شي لان عاادي يطلقهاا وياخذ عيالهاا ومنعها مني ..
قالت له ساره : ونحن ويينا عن كل هذا .....
: كانت امكن بعدهاا ع ذمة ابوكن .. وابوكم ماكاان ويانا وااايد ... فيوم تطلقت امك كان عمري 25 سنه يعني عقب سالفتي بثلاث سنواات .. يعني العلاقاات مقطووعه من بيني وبين خالتكم وريلهاا ... بس امك تكلمهاا دووم في تليفوون وخالكم حميد دوم يسيير يسلم علييهاا ...
قلت له : حراام القطاعه ..لازم تصلوون الرحم ..
رد علي بصووت هاادي : انا لوو علي اسيير لهاا بس ريلها مابيستقبلني ..
سكتنا عنه .. وندمت اني سالته حسييت فتحنا له جرووح قديمه ..داواها الزمن والكبر .. قاطعتني تفكيري سااره : خالووه كم عندهاا عيال ..
ابتسم لها : العود منصور يمكن عمرره 28 سنه وعقبه حسن 27 وبعدين لطيفه 22 سنه وبعدين اظني اسمها اليازيه 17 كبرج سارووه ..وعقب ضاعن 11 سنه ..
يوم سمعت اسم ضاعن استغربت ..لان الاسم مرر علي فتخبرت خالي : شو اسم ريلهاا ؟؟
: اسمه علي ضاعن ..
انصدمت .. لان مره دقت لي هااييج السكرتيره قالت علي ضااعن ..يعني سعيد يعرف ريل خالتي .. والله زييين .. شي طيب .. الله يعييناا ع قوم خالتيه طاريهم يرووع ..
سمعت ساره تقووله : خالي حمد شو رايك نخطب لك وتودر عنك ذكرى ميره ...
نقع من الضحك : هههههههههههههههههههههه انا مالي خااطر اعررس ..
قلت له بندفااع : والله البنيه طرررررررر بتعيبك ..ع ذوقنا نحن "وغمزة له"
سكت شوي عقب قال : ربيعتج الريم ..
: هييه ربيعتي .. تعرفت علييها بالدواام يوم كنت اتدرب ..
: ان شا الله عمرها 21 ولا 20 شراااتج ..
: هههههههههههههههههههه لا وين عمرها 27 سنه "وخبرته سالفة حمدان ريلها وانها ارمله "
وكملت سارووه : خالي حمد والله انهاا غرااااااااااااااام .. صدقني انها بتعيبك ..
: يصيير خييير ..
قلت له بغييض : هب يصيير خيير وعقب اكبر طااااااااااااااااااف .. لازم تفكر بالموضووع نبى نشووف عياالك ..
تم يضحك علي : ههههههههههههه اوعدج اني افكر ..
تميينا نسولف عاادي .. حتى سااره حسييتهاا غيرت جووو .. واكتشفنا سالفة خاالي وسالفة بعدنا عن خالتيه .. بصرااحه استانست يوم قال لي انها عندها بناات كبرناا .. عجيييييييييييييييييب خخخخخخخخخخخخخخ كنهن يعرفنااا ولا بنشووفهن .. يالله ان شا الله الاياام تجمعنااا ..
ردييت البيت وسرت صوب حجررتي اشيك تليفووني اشوف لو سعييد دق تليفوون .. بس مالقييت الا مكالمه وحده من ابووي .. يالله يابوووي .. لولا وقفته ويااي في موت احمد .. ماعرف شو كان حالي اليووم .. رغم زعلي منه والقسى اللي كنت احمله له في قلبي الا اني مااقدر اعيييش بدوونه .. فديتك يابوووي عسى ربي لا يحرمنا منك ...
دقييت له تليفوون سمعته يقووولي : لييش ماترديين علي يالخقااقه ..؟
ضحكت عليه : هههههههههههههههههههه خالي حمد ظهرنا كشته ونسييت تليفووني في الحجرره ..
: اهااا ..شحالج الريم وشحاال خواانج ..
: ههههههههههههههه بخير ربي يعافيك ومن صوبك شحالك انت وشحال الصغااريه ؟؟
: يسررج الحال .. فديتج عقب نص سااعه بخطف علييكم انا و الصغاريه ع قولتج ..
: خلااص عيل نتريااك ..
سرت صوب حجرة سارووه اقول لها ان ابوويه بيي يسلم علينا .. وقلت للبشكاره تحط الفواله في الميلس .. اما سيف اخووي سار بوظبي ويا خالي حميد وولده خليفه ... قلت حق امايه انه ابووي بي وكان ردها من طيب خاطرها " حياااه البيت بيته " طوول عمرها هالانساانه طيبه .. لو غيرهاا كانت بترووغ ابويه خخخخخخ
المهم خطفت نص سااعه ويا ابووي وياب ويااه نايف ونوف مااحيد اشكالهم بس اعرف ان عمرهم 3 سنوات ترااهم توأم .. اول مادش ابوي الحوي وايهته انا قبل عقب سارووه : اقررب ابووي البيت بيتك ..
دخلت الميلس ونايف ونوف متلصقيين بأبووي خايفيين منااا خخخخخخخخخخ وحوووش : تعالوا يالمفااعيييييييص انا اختك العوده ..
ساره ساكته الا تقرب لأبووي من الفواله وتصب له قهوه : تفضل ابووي ..
ابتسم لها ابووي : داام فضلج الغاليه ..
تمت سااكته وماقالت شي .. اما انا احاول في نايف ونوف .. هب طايعيين يقربوون صوبي .. قمت من مكااني وسرت صوبهم اول ماشافووني اقترب نوف تمت تصارخ وتضحك مستانسه : ههههههههههههههه تتحرااني العب وياها ..
قالت ساره ببرود : تروعت منج ..
حطيت اييدي ع خصري : لا والله ..
ضحكت ساره يالله فديت هالضحك : هههههههههههههه هيه اعوذ بالله منج ..
ابوي تم يضحك علينااا .. عقب سالني : ماتبيين تشتغلييين ؟؟
: لا هب الحيين خلني ارتااح عقب بقدم ..
عقب صد صووب ساره وقال لهاا : شدي حيلج نبى نسبه ترفع الرااس ..
ابتسمت له : ان شا الله ابووويه ..
قربت نوف من ساره وتمت تطالعهاا ومستغربه .. مدت سااره اييدها لنووف .. قربت نووف اكثر من ساره وزخت اديينهاا .. ساره سحبتها لثباانها لووت عليها وتمت تحبها ع غزوزها بقوو وهاييج تصاارخ وتضحك مستاانسه ..وعقب قالت سااره : بشلها بييب لها حلاوه ..
شلت ساره نووف صوب حجرتها ونايف يوم شافهن لحقهن .. اما انا قعدت ويا ابوويه .. سمعته يقولي : اختج حالها هب عاايبني ..
ردييت علييه بحززن : والله شو نسوي من عقب وفاة احمد تغيير حال الكل يا بووي ..
حط اييده بدييني : ماوصييج علييهاا حطيهاا بعيوونج .
عقب خمس دقايق ردت سارووه والصغاريه يوم شافهم قال : خلاص عيل نستأذن نحن شي في خااطركن ..
: سلالامتك بس توو النااس ..
: خلاص فديتتج تأخرنا والصغااريه لازم يرقدوون..
وصلته اليين الباب انا وساره .. بس انا ظهرت وكملت وياه اليين باب سياارته اما سااره تمت واقفه عند بااب ..وهمس في اذنيه : مثل ماقلت لج حااولي تغيرين من حالها ..
ابتسمت لأهتماامه يعله مديم ياربي ورديت علييه : ان شا الله
رد بسيااره ورى وعقب ساار .. وساره دخلت داخل ... تميييت واقفه خااري اطالع القمر .. اشووف حلالاته وبيااضه .. فجأه شفت حد يتقرب مني لابس كندووه ومتعصم .. اكيييد هذا خالي حمد ياااي من بيت خالي حمييد .. تقرب مني .. يوم شفته انصدمت : سعيــــــــــــــد ...