اصبحتوا خيرا :
ورجعنا مع تقرير العيد ..
ترا بالتفصيل الممل
يعني تحملو عااد じ
Saturday ( يوم العيد )
نشيت تقريبا الساعه (5) صليت وتجهزت ويوم طلعت حصلتهم عااد رايحين يصلوا ما واحيت اسلم عليهم
سلمت على امي وحريم خوااني وعلى وخواتي
رحت استهبل مع البشكارات اقولهن روحن تعدلن يالله عسب اصوركن وترسلهن للزواجكن
وروحت اشرف على الفواله ◑▂◐
وبعدها جلست اشوووف قناه عماان لما سمعت التكبيرات قلت ألحين بينقلوا صلاه العيد
بس ما نقلوها ˙︿˙ وفحطيت قناه السعوديه عسب اشوف الصلاه في الحرم ... ㋡
ويوم ردوا من الصلاه سلمت على ابووي وخوااني و شتغلوا الاخوه الكرام المكرمين في جلسات التصوير اهم حااااجه هذا يااخي احسه مدري كيف سبحاان الله هههههههههه ☺ ☺
وحدروا عمامي معنا بما انه بيتنا هو البيت الكبير هههه ( كيه انا افسره ^ـ^)
كل عيد لما اشوفهم كلهم في بيتنا استانس واايد مدري يعني بس احس ابووي وايد يفرح يشووف هالشي وكل عيد اقول يا ريت لو جدي وجدووه
موجودين ويشوفون اولادهم و احفادهم و اولاد احفادهم مجتمعين في البيت يالي هم عاشوا فيه
ويفرحون ويانا بس هم ان شاء الله عيدهم في الجنه افضل
(الله يرحمهم يغمد روحهم الجنه )
على الساعه 8 وشي روحوا اجتماااع الجماعه (الفخيذه )
وبعدين من ردوا على الساعه 10 تغدوا ( عيش ولحم ) اف كورس
اي نوو انه في منكم مستغرب بس نحن مال عبري وخااصه العراقي غير (Different in everything)
وعقب انطلفن 3 سيارات روحنا نسلم على اهل امي وعمامها وخوالها كلعاده كل عيد ما نجلس واايد بس في بيت جدووه وبعدها إذا جلسنا نص ساعه اما الباقين بس ينزلوا يسلموا لانه ابوي وعمامي يرحون العين يشوفوا خالتهم ويرحوا يسلموا على اهلنايالي هناك اوونه لانه ما يحصلوا وقت ثااني يرحوا فيه وبعد لانه هم بيجون عمان فيعني لازم يرحون اول يوم ... وعاد هالعيد لانه عمي ما عيد معنا لانه ولد عمي مريض ومرخص ليله العيد فختلفت الضروف على قولت عمي ..... فراحوا هالعيد من وقت ...
ونحن من طلعنا من بيت جدتي روحنا المستشفى نزور مرت اخووي لانها ما مرخصه ( هيه صح نسيت اخبركم زاااد فرد اخر في قائمه عيلتنا مريووم بنت اخوي مولده ليله الاربعاء )
وبعدها غيبوبه جمااعيه لحد الساعه 4 ... لما نشو كملنا سوالف وانا استهبل عليهم بالطبع وبعد المغرب طااح مطر
( احلى حاجه ) ❤
وبطبع البيت ما يفضى من الضيوف ...
,,
Sunday ( ثاني العيد )
كان معنا المقلاي ..
نشيت وحصلتهم مخلصين ذابحين وجالسين يقطعوا اللحم
جهزوا اللحم للغداء
جهزوا الشواء عسب يشلوونه في التنور في بنت عمي ..
المهم
جلست اشوف المسرحيه مال ابو ساره في العماره ويوم خلصت
روحت تجهزن وعلى الساعه 2 تغدينا عمامي كل واحد جايب غداه ويتغدوا معنا
روحت انخمد شويه ويوم نشيت حصلت حد جاي من العين جلست شويه معهم
وبعين روحنا المستشفى اشووف مريووووم هع ◑__◐
بالليل جلسوا يقطعوا اللحم المشاكيك ويشكوهن
وبالطبع لزم المسخره في شك المشاكيك ويالي يغاير والثاني اوونه ما يعرف يشك
وكالعاده البيت ما يفضى من الضيوف
Monday ( ثالث العيد)
نشيت تقريبا على الساعه 7 وروحت بيت عمي لانه هناااك يكون شوي المشاكيك .. (بيتهم جنب بيتنا )
احلى شي لانه يتجمع الكل تحسه كأنه صباح العيد
لانه الكل يكون موجود والضحك والسوالف مال الطيبين
وكل واحد يمدحه مشاكيكه
وهالعيد اونه اخوي هو يالي مبهر المشاكيك
واجلس يمدح عمرره مدري منو ضاحك عليه بصراحه ˊˇ▂ˇ
مستحيل احد يفوت الجلسه المشاكيك والطبع الديو في المقدمه الجلسه
يوم خلصنا رديت البيت
وبعديت تجهزيت الشيخه استثنائيه وجلسنا نتتظر يجتمعوا عمامي عسب نتغداء
وعلى الساعه 2 تغدينا
والعصر روحوا المستشفى وانا روحت بيت عمي ( مع بنت الاسباد ..راعيت السنور المحترف )
ويوم رديت روحنا نسلم على اهلنا الباقين
وبعدين كان يوم المطعم العالمي ههههه ( المشهور معنا بالخلل العالمي )
ههههههههه هاللقب سالفته طويله بخبركم عليه مره ثانيه
Tuesday ( رابع العيد )
الشواء ...
نشيت عااد جايبين الشواء وجالسين اونهم يذوقوه هع
وبعدين جلست اشوف فلم هندي (يااخي مسخره كاان كله شليخ كذوب ) ˙︿˙
ويوم خلص روحت اتجهز وجلسنا ننتظر عمامي يجون
وتغدينا على الساعه 2 وشي
وبعدين جلسنا نسوالف والضحك انا شلتي هع (بنات عمامي ) ما حسينا بالوقت ابد غير لما شفنا الساعه ...
المغرب روحنا بيت عمي ( مع بيت الاسياد) نكمل المسخره يااخي هههههههه
جلسنا شويه ورجعنا ...
وجلست اسولف شويه مع ابوي وخواني وبالطبع مردغت شويه ملوووك هههه
ويوم حصلت الهزبه دخلت الصاله وجلست اشووف سحر الاسمر
وبس
والحين اقول ... عساه ان شاء الله ينعااد علينا كل سنه وكل حووول ^ـ^
وهذا العيد معنا ... احلى ما فيه جمعته الاهل ..
رد مع اقتباس