فـــــضــــفــــضة ثـــقـــافـــية

[نـــــــقــــــــاء]

انا عادة اذا شفت المحل مزحوم بالسيارات وواقفين ورا بعض رحت مكان بعيد ووقفت لو امشي كيلو كله عشان ما اتعرض لمثل هذه المواقف لاني عصبي وما اتحمل الاستخفاف بالناس وعدم الاحترام لهم لذلك اتبع سياسة ابعد عن الشر وغني له . لكن لو حدث ان احد قفل علي فذلك حسب ظروفي اذا كنت فاضي انتظر بسيارتي وما اعصب بل بالعكس احيان يجي احد يسكر علي واقول عادي خذ راحتك اذا ما تطول . ولو كنت مشغول وسكر علي اتضايق واموت قهر اذا شفته جاي بس ما اكلمه واكتفي بنظرة احتقار لاني لو تكلمت ممكن يتطور الموقف ويصير فيه تأخير اكثر ومشاكل لذلك اتحمله ثواني لين يفارقني . انا مرة كنت بطلع من البيت الساعة 12 بالليل ولقيت واحد مسكر على سيارتي ماقدرت اطلع ورجعت البيت لان ماكان شي ضروري وما عصبت لكن كتبت ورقة ولصقتها على سيارته قلت ماذا سيكون شعورك لو جيت وجدت كفرات سيارتك الاربع على الارض مافيها هواء ابد .. ترى لو تكررت بيصير لك كذا .
في الختام احيان تعذر الناس بسبب عدم توفر المواقف ويجي واحد بيأخذ له حاجة ماتستغرق خمس دقايق ومايلقى موقف ابد هل بيروح يوقف على بعد 2 كيلو ويجي مشي عشان حاجة ما تأخذ خمس دقايق صراحة صعبة لذلك يجب على الناس ان يتحملوا بعضهم لبضع دقايق والصراحة ترى اغلب اللي واقفين ما عندهم التزام ضروري وفاضين لو انتظر ربع ساعة ونص ساعة مايضره .. لكن حنا بطبعنا مستعجلين بدون سبب هذا بالنسبة للمحلات كالسوبرماركت ونحوه اما اللي يسكر على البيوت او الطريق العام ويسبب ربكة وازدحام وتعطيل للناس فهذا انسان اناني ومايستحي ويجوز الدعاء عليه.
شكرا لك استاذتنا الكريمة على الطرح لظاهرة منتشرة وقد تسبب بمشاكل جنائية كبيرة

صحيح إذا كان دخوله خمس دقائق عادي
ومثل ما قلت البعض مستعجل بدون
وسالفة كتابة الورقة حلوة حقيقة خاصة إذا عادي عنده يقطع على الناس يمكن يخاف على سيارته ويبطل سلوكه هذا وتصرفه .