بعد العمر جينا إلى ليلة اليوم
يا ليلة(ن) فيها النوايا تصفـت
ليلة وداعـ(ن) مر , ماتقبل السوم
ومن المعـاتب والمعانـد تعفـت !
مشيـة تـندم , مع مراسيل مهزوم
أقبل , / .. ولكن المسرّات قفـت !
قال:- أعتذرلك , قلت:- مايلحقك لوم
صد القدر , /.. ولا مشاعرك وفـت
لا تعتذرلي , منت بـ العذر ملزوم
نظرتك عن صدق المعاذير كفـت !
قفـى , وهو من حسرة النفس مصدوم
قفـى , .. ويـومه راح / كـان يـتلفـت !
في نظرته زحمـة أحاسيس وهموم
كنـه يقـول ( إن السعاده توفـت ! )
لو المفارق يوم , ومواصلـه دوم ؟
ماكانت الضيـقه بـ صدري تحفـت !
ولو كنت ماني مؤمن بـ شي مقسوم ؟
كان ذبحتني حاجة(ن) مـا تخـفـت !
حاجه بكوم , / وحبر الأوراق في كوم !
من حـرّها ! , كل المشاعـر تدفـت !
الّي ذبحني , وإنسرق منـّه النوم ؟
آثـار دمعه فـ الورق يـوم جفـت !
كلمات أخونا الشاعر التفاصيلي :
( مشاري سلطان المسعد )
