السلام عليكم ورحمة الله وبركاته
كيفكم؟
ان شاء الله راح احاول ادرج اكلات بسيطه من طبخي
وان شاء الله تعجبكم اذا طبقتوها
نبدأ
برياني سمك....
الادوات والمواد .....
-ارز حسب كميتك وسمك حسب كميتك ايضا
- بهار عماني وهيل وملح وزنجبيل وزعفران مطحون واذا ما عندك عادي استخدمي العادي
- خضروات (بصل .جزر.فلفل حلو.....الي تحبي تزيدي تستخدميه عادي)
الطريقة..
اولا .....تنقعي الارز ف ماي يكفيه ربع ساعه وتنظفي السمك ويكون الثلج رايح منه كامل .....
ثانيا تحطي ماي وملح ومن يغلي ترمي فيه الارز وتحطيه ينضج نصف نضجه وتصفيه في مشخل
ثالثا في نفس الوقت وانتي تحطي العيش
تكوني قصيتي بصل شرايح خفيفه والفلفل الحلو شرايح والجزر تبشريه وتحمسيه كامل بسمن او بزيت بس انا افضل سمن يعطي نكهه ورائحه حلوه من تحسي الحمسه تريد تجهز حطي شوي من البهار والملح رشه خفيفه فيه
بعد ما جهز كل هذا
جيبي الطنجره او الصفريه احنا نسميها
وحطي شوي سمن وبعدين شوي من الخضار المحموسه كطبقه اولى وفوقه طبقه من الارز وبعدين خضار
وبعدين جزء من العيش وهكذا واخر شي تحطي شوي من الزعفران المطحون ع حسب كيف انتي تريدي اللون الاصفر يكون مع الابيض كثير او قليل
وتحطيه ع نار خفيفه جدا لحد ما يستوي ويطلع بخار ما تقلبيه ...
رابعا
من جانب اخر تكوني مبهره السمك وقليه بالزيت
تبهريه بالبهار العماني وملح شويه وهيل وزنجبيل تروح الريحه
خامسا من يجهز العيش غرفيه وبيختلط الحب بيكون فيه ابيض وفيه اصفر وهناء وعافيه
اترككم مع بعض الصور
احساس روح
رد مع اقتباس