كان شبّ البرد فيني و احتما*
احطب لبالي من الذكرى عمر ..


اتذكّر وش خذا القلب .. و رما؟*
و الوجيه اللي على عمري تمر ..


وْ لا ذكرت اللي على حبّي نما*
قلت : يا خالد ترا هان الأمر ..


العمر يفداك يا عذب اللمى*
يا عذاب البيض .. يا سيد السمر


من عرفتك و السما ما هي سما*
النجوم تطيح .. و يغيب القمر ..


تجري بجسمي مع مجرى الدما*
و الحنايا لك مساحات .. و ممر


شف خفوقي عن هوى غيرك عما!*
و شف غراسه كيف ! .. يا كلّ الثمر ..


الحلا فيك لثلاث اشيا انتما*
للشهد .. و الطهْر .. و الورد الحمر


لا تضيق ان شفت عينيّ ابكما*
ضحكتك سحْر .. و سواليفك خمر


ما يبلّل خافقي قطرات ما*
لا غدى صدري من الوحشة جمر ..


صبّ لي وصلك .. أنا ميّت ظما*
برتويه .. وْ لا على قلبك أمر


العمر واحد .. نقص و لاّ نما*
و انت حبّك شي واحد ف / العمر ..!