تذكرت موقف

ما أنساه ..


في عملي السابق كان يتطلب منا حجز مواعيد للناس
و بحكم اني كنت اشتغل في هالقسم كنت اتواصل مع الناس بالهاتف لحجز مواعيد واستقبال اتصالاتهم و استفساراتهم
و نحن عدة بنات في هالقسم


كان فيه زبونة تتصل و دائما تطلب تتكلم معي و صرت متعوده عليها كثير و لكن ولا ف عمري شفتها
يعني دوم اسلوبها طيب و تضحك و تسأل عني لو كنت ما موجوده .. يعني ممكن تقولوا صارت بينا صداقه و علاقة طيبة.

و في مره اهي اتصلت عشان تخبرني انها رايحه العمره و تقول "حنان تريدي شي؟" قلتلها سلامتك فقط ادعيلي ..

و بعد كم شهر اتصلت أأكد موعدها و ما ردت يعني تلفونها مغلق ..
و فيه رقم ثاني كانت حاطه رقم البيت..

اتصلت و اخذ التلفون أخوها ..
السلام عليكم ..
- وعليكم السلام
- أخوي اتصل من ...... عشان فلانه و حاولت اتصل ف تلفونها عدة مرات بس يبين انه مغلق.
- فلانة؟
- أيوا ..
- توفت قبل فترة بحادث و هي راجعه من العمرة .. توفت هي و زوجها و عيالها.
- ...........


والله اني بكيت عليها كأن حد من أهلي و ماقدرت حتى أكمل المكالمة
و سكرت ف وجه اخوها ..


بكيت و ف بالي أقول ياريت شفتها و سلمت عليها ..


دايما تجي ف بالي و ادعيلها ..هذا أثر الكلمة الطيبة و الاسلوب الطيب ..


الله يرحم جميع موتانا و يغفر لهم