رواية عِشق بِلا قُيود.

[نوارة الكون]

3))عِشقٌ بِلا قُيود.. . ، . رفع صوته ابو حمدان مستنكراً كلام "حاكم"/افاا يا حاكم وانا ابوك.. عطايا الرجال ما تنرد.. هاللحين وحده من البنات صارت من حقك حاكم خاف يكون أخطأ أو اساءوا فهمه/.. بو ناصر تمنى لو يستمر رفض حاكم له، رغم اعجابه به لكن جماعته لن يقبلوا بهذا الزواج/الحق لك يا ولدي حاكم كان في قمة حيرته ومرتبك، و تفكيره مشوش،لم يتوقع حدوث هذا الشيء لكن من اللازم ان يقرر/تم طال عمرك.. بس مب اللحين لنتم عارفين اهلي بديره ثانيه و.. بو حمدان قاطعه بابتسامه/قلنا تملك عليها… و بعدين حددوا الزواج ماهي مشكله بو ناصر من وراء قلبه/خلاص وحده من البنات لك وانتهى الجدال يا حاكم حاكم اصبح في حيره لم يتوقع الزواج الآن ولو كان بوده لطلب تلك الشجاعه بإسمها لكنه لا يعرف اسمها..،اخذ قرار لا يريد فيه اهانة الرجال و ليتخلص من هذا الموقف الذي وضعهم به ابو حمدان/ تم طال عمرك ملكه بس.. وبعدها بنحدد الزواج براحتكم...والزواج راح يكون بالدمام و انت شاهد يا عم <<<يقصد بو حمدان بو ناصر/خلاص الليله تنام هنا.. ومن بكره تتملك عليها. حاكم ببتسامة مجامله/الضيف اسير معزبه.. امرك طال عمرك.. بو ناصر/وبالنسبه للتحاليل لا تخاف اخو البنت موظف في مستشفى وبيدبر هالشيء..حنا عطيناك البنت وما راح نوقف الزواج علشان تحليل ابتسم حاكم ابتسامه صغيره سرعان ما اختفت، شعر وأنه مُلزم بالرضا... بو ناصر صاح في اولاده/القهوه يا عيااال.. وجهزوا الذبايح . حمد اقبل وفهم الذي حدث من مشاري و كتم غيضه. . شباب العائله كلهم عارضوا.. ولو بالسر.. مشاري اخو منال همس لبجاد بغضب مكبوت/قل لعمي مستحييل اختي تتزوج واحد من قتلة ابوها.. ماحنا موافقين بجاد بهمس/يصير خير.. ، . ، . بحضن أمها تضع رأسها بصمت وهي تشعر بالدفء و الامان/.. ام ناصر بحنان تمسح على شعر ابنتها/الحمدلله اللي رجعك لي سالمه وبخير.. توق اخذت يد أمها من رأسها و قبّلتها/اشتقتلك يمه.. ام ناصر/وانا اكثر يا غلاتي.. انفطر قلبي عليك دعيت ربي بكل سجده وبكل صلاه يحفظك ويسخر لكم ولد الحلال اللي يرجعك لي ..والحمدلله توق تذكرت "ولد الحلال"وتكلمت بعفويه/اشهد انه ولد حلال و شهم يا يمه.. ام ناصر بابتسامه/الله يحفظه لشبابه ويرزقه توق بتنهيده/اميين بهذه اللحظات دخل ابو ناصر وهو ينادي/توووق توق قفزت من مكانها واتجهت له مسرعه كالطفله الصغيره ورمت نفسها باحضانه/ابوووي ابو ناصر ضمها بحنان الاب.. ودموعه تملأ عينيه/يا ربي لك الحمد رجعت لي بنتي توق مسحت دمعة والدها بابتسامتها وهي تدمع/يالبى رووحك يا شيخ ال صارم كلهم بو ناصر وهو يمسك اذنها يمثل التهديد/وووين رحتي وخوفتيني عليك توق قبلت يده بندم/تووبه يبه ..ان شفتني طلبت منك السياره ثاني مره كسر راسي.. و اسفه على السياره اللي اعدمتها عليك، ماكنت ادري ان هذا بيصير لكن ابشر بالعوض وانا بنت فهد ابو ناصر ابتسم وهو يتأملها بسعاده، هو من اعطاها السياره وسمح لها.. انتبه لذراعها المجروح وخاف/بسم الله عليك وش ذا.. من وش.. نزل منك دم واجد؟.. يوجعك؟ من وراءه دخلت ذوق اختها الكبيره وهي تتخصر/الله لنا كل هالدلع و يا دهينه لا تنكتين علشان اخر العنقود هاااه الكل ضحك عليها.. توق ضمت والدها بدلع تغيضها وتكلمت مازحه/حرررره انا اخر العنقود ابو ناصر اكمل عنها بابتسامه/سكر معقود ذوق ابتسمت بسعاده برجعة اختها اللي ياما وقفت معها ومع زوجها وقفات ماتنسي/فديتكم كلكم ، . ، بخيمه ثانيه.. جالسه منال بعدما حكت لأمها.. استلقت تريد ان تريح جسمها و تنام.. ام منال ضلت تفكر بعدما اخبرها ولدها مشاري عن ما ينوي فعله "ابو ناصر"..خافت كثير مما سيحدث مستقبلاً. وهي ترى الكراهيه بعيون اولادها.. دخل مشاري اخو منال وكانت ملامح وجهه تنطق بالشر/مناااال منال قفزت من فراشها واقفه بخوف/سم يا مشاري مشاري اتجه لها وامسك بشعرها/وش طلعك معها هاااه وششش.. ماقلنا بلا مشاوير السياره هذي هاااه والا ماتفهمين ام مشاري ابعدته عن ابنتها/يا ولدي هدي اعصابك اللي صار صار.. والحمدلله اللي رجعت بالسلامه مشاري بضيق/ياليتها غرقت بالسيل ولا انقذها ولد البراك منال نزلت دموعها بندم وهي ساكته.. مشاري بعصبيه/واللي غابني ان عمي ناوي يزوج حاكم وحده من بناتنا… يخسسسسي ويعقب منال بغرور/من قال اني بتزوجه ياخوي.. مستحيل مشاري/افضّل اني اذبحك بنفسي ولا اني ازوجك لابن قاتل ابوي ام مشاري حست جروحها تنفتح من جديد.. ولكنها انسانه عاقله، ياما مرت بظروف اصعب وتحملت وهي مؤمنه بقضاء ربها وقنوعه/يا ولدي قاتل ابوك اخذ حقه وقصوه من سنين.. هالكلام مايجوز، شبلاك تفتح جروح قديمه مشاري بغضب عارم/انا جرحي اليوم تجدد يمه. وماني مستعد اشوف مهازل او ان وحده من بناتنا يتزوجها هالحاكم هذا.. منال سكتت و دمها يغلي،تظن ان اخيها معه كل الحق.. نسبهم مع هذ الرجل سيفتح ابواب الحزن من جديد.. ، من جهه اخرى.. انشغلت مها في تسكيت اختها هياء التي انصدمت بان زوجها لم يكن بانتظارها بل انه لم يبحث عنها معهم و قد اهمل كل اتصالاتها.. .. . . ، . على طرف الخيام من بعيد، يقف حاكم ويحمل هاتفه/هلا تميم السلام عليكم تميم على الطرف الثاني بالجوال/وعليكم السلام هلا حاااكم ووينك يا ولد تاخرت وروعتنا عليك حاكم/معليش صارت لي ظروف يابن الحلال.. تميم/وينك فيه؟ حاكم تردد وبعدها نطق/بقولك بس لا تقول لجدي ولا عمتي ولا احد. مفهوم تميم خاف/ليه.. وينك فيه؟ حاكم/اسمع انا عند فهد ناصر الصارم… تميم عقد حاجبيه/انا اخو صيييته تبي فزعه يا ولد وش العلم حاكم ابتسم على حماسه يعرف انه متهور/يابن الحلال اسكت.. وش فزعته.. انا عندهم ضيف ماني مخطوف هههه وبعدين اقولك باقي العلم.. يلا سلام بروح مجلس الرجال مابيهم يشرهون علي.. سلام.. حبيت اطمنكم بس تميم/سلام…. / / / / / في خيمة مجلس النساء وفي جلسه منفرده.. ابو ناصر جمع البنات الثلاث بدون هياء لأن هياء متزوجه.. كانوا البنات قباله ع اليمين جالسات. تردد و ماكان طايق الكلام اللي بيقوله،بس لازم يقوله وصار اللي صار.. منال بحاجبين معقودين وتعابير عصبيه تشوه جمالها داائماً/نعم عمي.. وش الموضوع المهم مها تناظر بغباء وبراءه/عمي علامك ساكت خوفتنا توق ساكته وبانتظار حديث والدها.ليست مستعجله. تركت والدها على راحته. . بو ناصر زفر ضيقته و حاول ان يختصر الموضوع/في الحقيقه يا بنات مثلما انتم سمعتوا انا شهّدت الرجال والضيوف اني لأزوج حاكم وحده منكم ..كان فيه ضيوف اجناب واضطريت على هالشي وانا جاي اسألكم واخيركم من منكم بتقبل تتزوجه وتعفيني هالاحراج انا مابي اضغط على اي وحده فيكم بو ناصر لم يكن ينظر الى ابنته.. كان نظره على مها ومنال.. لا يريد تزويج توق له.. منال كانت متوقعه هذا الطلب ،وقفت باعتراض/اظن ما يحتاج تسألني عن رايي.. والله لو مابقى على وجه الارض من الرجال غير عند ال براك ماتزوج منهم وانا اخت مشاري. بو ناصر تفهم موقفها لان والدها هو القتيل والتفت لمها/وانتي يامها؟ مها خافت من نظرات منال الناريه وتأشر لها كي ترفض/ماقدر اتزوج يا عمي.. انا توني عمري 19سنه وهو اكبر مني واجد بو ناصر شعر ان روحه ستخرج.. هو الآن في ورطه.. وتفاجأ بصوت توق..! توق بواقعيه وثقه/اكيد ماراح تطيح كلمتك وهيبتك عند الرجال وانا بنت فهد.. منال التفتت ناحيتها بنظرات ناريه وكأنها عدوتها او هي من قتلت والدها.. بو ناصر وهو يخفي ضيق صدره/وش تقولين يا توق؟! توق بهدوء وبنبره باين مرتاحه/قلتلك انا راضيه اتزوج حاكم البراك، انت عطيتهم كلمه.. يعني لازم وحده مننا تتزوجه. بو ناصر شعر باختناق و وقف وهو يحاول يبتسم رغم زعله/اجل مبروك عليه انتي يا بنتي.. بكرا الملكه في المحكمه وانا الولي.. راح انوب عنك بالمحكمه.. ترضين يا حبيبت ابوك اكون وكيلك؟ توق ابتسمت برضا واتجهت له و قبّلت رأسه/اكيد أرضى يا حبيبي.. علشانك يالغالي..انت وكيلي بو ناصر بادلها الابتسامه و خرج.. منال حاولت تكبت غضبها لكن لم تستطيع اتجهت لتوق وهي غاضبه/خلاص بتتزوجين ولد البراك هااه؟!! توق ابتسمت بلامبالاه/مثلما سمعتي ملكتي بكرا. منال بعصبيه غير مبرره/اعترفي انك حبيتيه يالخاينه توق مستغربه تصرفها/انتي انهبلتي وش خنتك فيه؟..اصلاً لازم وحده فينا تتزوجه.. ماسمعتي كلام ابوي؟ منال فقدت عقلها من غضبها وفقدت التركيز بكلامها، اشرت باصبعها السبابه بتهديد ناحية توق/يا ويلك لو سويتيها وتزوجتيه… بكرره وقت الملكه اكسحيه و ارفضيه.. خليه هذا ابوه قاتل ابوي ماافهمين انتي توق استغربت هالسخافات/انتي رفضتي الزواج منه علشان ابوك ..صح؟… اوكي انا مثلك انا وافقت على الزواج علشان ابوي… ما راح افشّل ابوي قدام الرجال يا منال علشان حضرتك ،و اصلاً حاكم ما سوى شي غلط وحتى انه ما خطب.. ابوي اللي عرض عليه هالشيء . منال بجنون/بس ابووه قااتل ابوووي توق مسكتها لتهديها/منال حبيبتي، قاتل ابوك انتي اخذتي حقك منه وحكموا عليه بالقصاص وقصوه خلاص.. ليش انتي معصبه من تبين ينقتل بعد؟!.. افهميني منال ماراح افشّل ابوي قدام الناس علشانك منال نزلت دمعتها/لان ابوي اللي مقتول مو ابوك..دمي يغلي وانتي ببرود بتتزوجين ولد قاتل ابوي.. من اللحين لا انا اعرفك ولا تعرفيني.. خرجت وتركتها.. توق ناظرت مها بقلّة حيله/شفيك تناظريني بعد،لا يكون عندك عقدتها اللي عيشتنا كره من سنين.. مها بعد تفكير بسيط/شوفي صحيح اني اصغر منكم كلكم بس تراني عاقله.. واحد قتل واخذ جزاه وتحققت العداله وانتهى الموضوع.. ليش نزعل وحقنا قد وصلنا توق بضيق/بلاك ماتعرفين يا مها.. هذي بس البدايه والله يستر..لولاي شفت الحزن بعين ابوي ما وافقت.. وانا اللي بتحمل كل الكلام المسموم اللي بيجيني ..ماراح ارتاح ادري اني بتعب بس الله يعين مها بنظرات شك/توق.. ! توق كانت بتطلع ولكنها ألتفتت عليها/وشو بعد؟! مها خائفه من ردة فعلها ولكنها لا تستطيع كتمان ما بخاطرها بالعاميه "شي يقرقع بقلبها ولااازم تقوله"/اممم توق استغربت/وش بلاك انتي؟ انطقي والا خليني اروح ترى ماني رايقه مها قررت تقول/انا مستغربه شوي منك.. توق رفعت حاجبها اليسار وابتسمت بسخريه/ووش استغربتي يا ست مها مها قربت منها و خفضت صوتها/انتي هذاك الليل كنتي مرعوبه من كونه غريمنا.. وبعدها حسيتك بردتي من هالناحيه.. وحتى صار عندك ان التفكير بالماضي شي عقيم وماله داعي بما أننا اخذنا حقنا من قاتل عمنا!! توق وكأنها فهمت قصدها/ايوه.. وبعدين وش صار مها خافت من نظراتها،و عيونها حاده/اظن كلام منال صحيح انتي فعلاً حبيتيه.. توق استنكرت كلامها بنبرة زجر/مهااا..خليك في حااالك اصرف لك.. حاكم بكره بيكون زوجي.. وهو امر واقع لا محاله.. فاذا انا تكلمت هالكلام انا جالسه اخفف عن نفسي هم ارتباطي فيه لا اكثر.. والا عمي متعب الله يرحمه عمري مراح انساه..بعدين مهو انتي والا منال اللي تملون علي مشاعري.. ان حبيته وان كرهته..فاهمه يالبزر.. "قالت هذا الكلام و خرجت" مها ندمت انها تحدثت معها و ادخلت نفسها بينهم، من الافضل ان تضل هي بعيده.. ومحايده.. / /

/
دخل المجلس ابو ناصر ووقف قبالتهم/اسمعوا يا جماعه بكرا ملكة حاكم البراك على بنتي توق الصارم..

جلس فهد و همس لولده ناصر/دبر لي فحص طبي بكرا لتوق وحاكم..
ناصر بضيق لانه غير راضي ومضطر ان ينصاع لأمر ابيه/يبه اعتبر التقرير الطبي موجود ولدي فهد موظف بالمستشفى اللحين اكلمه ويضبط امورنا..
،
حاكم رفع راسه وهو يتلقى التبريكات والتهاني.. ويرد بمجامله.. وقلبه يرجف من الخوف ان تكوون بنت غير التي يريدها.. سيتوقف قلبه من كثرة انقباضاته ..وهو يتذكر لمست يدها. ويمني نفسه ان يرجع يلامسها من جديد..
كل الامور تجعله يفكر بها.. بهذه الاثناء تذكر أمه التي طلب منها البحث له عن زوجه ولم ينتهي بحثها..
الآن تزوج.. ولا يعلم كيف تكون زوجته لا شكلها ولا شي.. هي مجهوله بالنسبه له.. هنا خاف ان تكون البنت "البكايه".عندها سيُصدم.. .


بالجهه المقابله يجلس حمد يرمقه بحقد ، ويحسده على توق ويتمتم بداخله( اخخخ يالقهر لو تزوجها واحد من عيال عمها كان هي قريبه مني.. لكن تتزوج واحد من قبيله ثانيه.. هذا اللي يغبن.. لكن ماراح يمنعني منك الزواج يالحبيبه، بالعكس).<<حمد اقرب ما يكون للشيطان..


اخوة منال تركوا المجلس .. وتبعهم بعد قليل ابو مها وهياء.

بجاد ببتسامه/حي الله النسيب الجديد
حاكم ارتاح لابتسامته ولوجهه البشوش/تحيا وتدوم..
بجاد وهو يربت على كتف حاكم/عز الله انك كفو يا حاكم.. ولو هي ذبيحه ماعشتك
حاكم/كفوك الطيب..
جلسوا يتجاذبون اطراف الحديث.. اما البقيه ذهبوا و ناموا بعد العشاء ..
،
.
،
.
،
.
،

.
في مكان اخر.. *
شيهانه واقفه بخيمة المجلس ويدها على رأسها دليل وجود مصيبه غير مصدقه كلام تميم/انت وش تقول يالخبل

تميم وهو يعدل نسفة شماغه/الله يسامحتس يا عمه..افاا انا خبل… الرجال توه مكلمني وهو عند العرب.. يقول معشينه الليله وبيجي بكرا او بعده ان شاء الله

شيهانه لم ترتاح للخبر/الله يستر من هالروحه.. وش وداه للآل صارم ..عسى خير يا ربي

تميم بجديه و قليل من العصبيه/عمتي اليوم كني شفت زول بنت برا الخيام.. ان كان عندكم احد من بنات عماني خلوها تحششم.. وش هاللبس اللي تطلع به

شيهانه تذكرتها لانها لم تقل للشباب عنها/هذي سلهام بنت عمك سعود

تميم انصعق لم يصدق وشعر ان الموضوع فيه لبس/انتي صاحيه؟!!.. عمي سعووود جااايب وحده من بناته هنا..غريبه!! طيب ليييه؟

شيهانه بحزن على سلهام وتخاف من تميم ومواقفه ضد البنات، لم تحبذ ان تشوه سمعت سلهام وفضّلت ان لا تفصح عن سبب وجودها هنا وحتى "الشايب" سكر ع الموضوع وتناساه/المسكيينه مو وجه بر وبهذله.. الله يهدي ابوها بس

تميم بلامبالاه وحاجب مرفوع بحده/خليها هنا احسن لها من هياتتها بالبحرين

شيهانه استغربت/وانت وش دراك انها كانت بالبحرين

تميم شعر انه "جاب العيد"،تذكر ذات مره انه كان مع زوجته السابقه بالبحرين و رأوها متبرجه مع شاب بالمول وزوجته عرفتها حينها.. وطبعاً سلهام اصلاً ليست مهتمه بالحجاب ولا تعرف تميم لحظتها..!!

شيهانه استغربت سرحانه/هيي وين وصلت،شلون عرفت انها كانت بالبحرين؟!!

تميم وهو ينفض صورتها التي يحتقرها من مخيلته/كانت تدرس هناك بجامعة الخليج

شيهانه استغربت اكثر منه/وتعرف عنها.. انت لا يكون تراقبها ،

تميم نسي نفسه و تكلم من بين اسنانه بحده/عمتي ترى طاريها يزعجني.. ووجودها هنا منرفزني اكثر،اقسسم بالله اني اتمنى اني اقدر اضربها واربيها.. وانا قادر.. اصلا هالبنت ماتتحجب ولا تتغطى عن الرجال

شيهانه خافت ان يكون هناك شي كبير لاتعرفه/انت وش تعرف عنها بعد؟ علامك تتكلم وكأنك شايل بقلبك،

تميم صد بضيق وغيرة رجل شرقي على عرضه الذي يشعر بأن هذه البنت ساوته بالارض.. ،

. ترك عمته واقفه مكانها و طلع يتمشى وينفس عن ضيقه ويقول بخاطره( دام ان عمي جابها هنا بقشها فأكيد 100% انها جايبه العيد.. وبدال ما يذبحها رماها عند عمتي في البر، ههه مفكر هالبر منفى!! )

شيهانه ضلت مكانها سكتت وهي مازالت مستغربه وهي ترى تميم يتركها وعليه ملامح الغضب.. اصبح بداخلها استفهامات عن ماضي سلهام ومليون استفهام عن كيفية معرفة تميم بها، رددت بضيق/الله يستر من اللي جاي
…
.
،
.
،
جالسه بخيمتها تعبث بشنطتها وهي على حافة البكاء.. وتتمم بداخلها (ياررربي وش هالعيشه.. فيه ناس للحين ساكنه بالبر!!. انااا اسكن بالبر ؟!! لييه وش ذنبي؟ ماقترفت ذنب يستحق هالرميه السخيفه هذي.)

بعد قليل اخرجت لها ملابس وتنهدت بقلة حيله وهي مازالت تحدث نفسها(بالله شلون بتسبح اللحين هااه.. فيني صيحه وقهر مكبوت)
دققت سلهام بالشنطه ،و لاحظت ان هناك شيء ما تحت جلد الشنطه ..وكأن احد وضع لها شيء.. لأن التي جهزت شنطتها اختها الاصغر منها.. بأمر من والدها.

دققت اكثر ولاحظت ان هناك فتحه صغيره و ادخلت يدها لتخرج هذل الشيء وتفاجأت انه هاتفها القديم ..وتذكرت ان والدها اخذ هاتفها وايبادها وكل شي يخصها من الاجهزه وكسرها امامها. لكن اختها أخفت لها هذا الجهاز القديم،ابتسمت بدمعه( حبيبتي ريومه )

..فتحت الورقه الملصقه فيه بلاصق..وقرأتها( سلهاموو حبيبتي بشتاااقلك واااجد الله يسامح ابوي ويسامحك بعد.. هالتلفون حطيت فيه شريحتي جوالي الكشاف حق الجامعه.. فيه ارقامك اللي تبينها مثلما تركتيها ماغيرت شي،اتصلي فيني اول ما تلاقينه او دزي مسج.. على فكره من حظك الشريحه فيها شحن 55ريال..وهذا رمز الـ sim ****)

سلهام تنهدت وهي تحاول ان لا تبكي لانها "قويه" ولكنها بكت بإحباط.. وهي ترى كل لبسها بناطيل لا تعلم كيف ستدبر نفسها.. لا يوجد سوى فستانين ناعمين لكنها قصيره يستحيل ان تلبسها هنا..
بل حتى عبائتها لا تصلح ،صحيح هي لاتهتم بالحجاب لكن امها نبهتها ان اعمامها اناس ملتزمين عكس والدها "غريب الاطوار" ..

تذكرت حبيبها الذي رُميت في الصحراء بسببه هذه الرميه بسبب حبها له واصرارها عالزواج منه… اخذت الهاتف وقررت ان تتصل به ، علّه ينقذها من هذه الورطه ليس عندها حل غير هذا الحل ما دام ان والدها غير مكترث بها.

شغلت الجهاز لترى شحن البطاريه وابتسمت وهي تراها فل ..اخذته ولبست "شيلتها الخفيفه" وطلعت لبرا. مستغله ظلام الليل..
اتجهت بعيداً خلف" الوايت" الذي تركنه شيهانه بالعاده خلف خيمة المطبخ ..وبهذه الطريقه ابتعدت عن مسامعهم..

ارسلت رساله الى اختها لتطمينها.. وبعدها بحثت عن رقمه الذي حفظته بالجهاز وابتسمت وهي ترى اسمه "هيثم" وتقبّل الشاشه،
اتصلت بالرقم وانتظرت الاجابه منه، وانتظرت.. وخافت ..واخيرا رد وتكلمت هي بصوت يرجف/ألووه هيثم

بالجوال رد هيثم بسعاده/هلا سوسو حبيبتي وينج فقدتج يالغاليه شنو انتي للحين بالسعوديه؟

سلهام بصوت يغص بالبكاء/هيثم حبيبي انت شايف الرقم عندك يعني اكيد للحين بالسعوديه.. حبيبي انا ضعت ضعت

هيثم استغرب/انتي شتقولين،وين ضعتي؟ كلمتي ابوج عن الخطبه؟

سلهام وهي تمسك الجوال بيدين مرتجفتين/كلمته ياهيثم وياليتني ماكلمته..عرف ان بيننا علاقه و فهمها غلط..

هيثم حاول تهدئتها/عادي انزين انا بخطبج ليش يسوي جذي..انا احبج سلهام ماقدر استغني عنج، متى بترجعين؟

سلهام/وانا بعد يا عمري اموت فيك..بس ماقدر ارجع.. ابوي رماني في البر عند اهله وما اعرفهم ولا اعرف انا وين
.. مقهووره يا هيثم.. اخذ جوازي وكل اجهزتي..احس اني بموت هنا يا هيثم تعال اخذني الله يخليك

هيثم تردد وتغيرت نبرته/شنو.. البر !!، ماتوقعت ابوج بهالتخلف ليش يسوي فيج جذي

سلهام خافت الشحن يخلص وهي ما شبعت منه/هيثم حبيبي بلييز الله يخليك تعال.. <<<انقطع صوتها

..شعرت بيد تسحب الهاتف منها و رجل طويل يقف أمامها و نظراته مخيفه وكأنه سيقتلها..
اسندت ظهرها على الوايت"التنكر" من شدة خوفها ودموعها تنزف وصوت مبحوح من البكاء/يممه ..شتبي مني انت؟

تميم وهو يزم شفايفه بغضب شديد و بقمة ثورته/كنت حاس ان عمي ما رماك هنا وعافك الا وراك مصيبه..

سلهام فقدت القدره على الكلام وهي ترى كمية الغضب على ملامحه، انكمشت على نفسها من شدة الخوف/..

تميم باحتقار وسخريه/اجل تبين فزعة حبيبتس هيثم هااه!! تحسبين ان مسألة هروبتس من هنا مثل الحياه ببيت ابوتس هااه و الا مثل الهياته في البحرين !!.. يالوصخه يالـ… ابي اعرف انتي ماتستحين؟ اكيد ماتستحين.. لان وحده متهاونه بحجابها وماتغطى من الرجال اكيد معدومة حياء

سلهام زادت دموعها ونزلت راسها بانكسار وهي البنت صاحبة الشخصيه القويه "المتمرده" والمعروفه بذكائها لكن ليس هذه الليله وليس بدون سند، فلا ملجأ لها بعد الله.. فاكثر الناس قرباً لها قد رماها في الصحراء.. فبمن تستنجد؟!! ضلت صامته.. وتتلقى كلماته القاسيه..

تميم مد يده وثبت وجهها بشراسه بقبضة يده القويه ورفعه تجاهها بعنف/اللحين مسويه انك مستحيه هااه!!! ..اللي مثلك يموت ازين له،قوليلي من هذا هيثم هاااه منهووو؟

سلهام حاولت ترد ولكن لم تستطيع وهو يثبت فكها بقبضته،،ودموعها بللت وجهها من شدة الألم .

تميم حرر وجهها من قبضته و تكلم من بين اسنانه/من هو هيثم؟
سلهام بقوة عين ووقاحه رغم قسوته وألمه لها/هيثم حبيبي.. وقرريب بيجي وبروح معه وافتك منكم

تميم اسقط الهاتف من يده و داس عليه وجعل منه قطع صغيره لا نفع منها ورجع اليها مجدداً و احكم قبضته حول عنقها وتكلم من بين اسنانه وعيونه الحمراء وقد نسي نفسه، فهي ليست من بقية اخواته، لكن كونها بنت عمه فهو يظن ان امرها يعنيه ايضاً/اقسم بالله لا اربيك يالوصخه، و معترفه بعلاقتك يا قليلة الشرف، انا ادري انك ما تتحجبين ولا تتغطين نفس البنات السنعات والا ما شفتيتي تجرأت عليتس، انا بربيتس.. و
سلهام قاطعته و حاولت تصرخ لكن لم يسعفها صوتها المبحوح/ااااه عمممتتي الحقـ..

تميم أغلق فمها بقوه مفرطه/اللحين انا دايخ وبروح انام وانتي صدعتيني ..ولكن انا بدبر موضوعك دواك عندي يا سلهام..تربيتك على يدي أنا ان ما قلعتك من هنا ماكون تميم.. لكن مو لحبيبك هيثم.. لا بزوجك واحد في بالي، وليته يقبل فيتس بعد ..، تفوووه

تركها بعنف و ذهب بعدما كسر الجوال تكسير واحرق قلبها بما فيه الكفايه .

جلست سلهام و اسندت نفسها على "تواير الوايت" الضخمه وهي تبكي بحرقه وقهر، متحسره على هاتفها
شعرت بأن هنا نهايتها لا محاله، .احباط العالم يكتسيها..
رفعت راسها للسماء ودموعها تسيل،
تشعر بحاجه مُلحه لأمها ذلك الصدر الحاني الذي انهار لدى خروجها من البيت… و تعب السنين ووثيقة التخرج التي لم تستلمها الا من فتره بسيطه، و الحياه المترفه ودعتها.. هنا النهايه يا سلهام.. لابد ان تقصيرها تجاه ربها هذا هو نتيجته.. فهل يكون العقاب الذي ينتظرها "تميم".. تساءلت مراراً هل سيحاول كسرها.. ان حاول فقط ان يكسرها حينها ستظهر له سلهام العابثه لا محاله..فالآن ليس لديها ما تخسره اكثر مما خسرت..

سمعت صوت كلب ينبح من بعيد.. وفزعت من مكانها و اتجهت للخيمه تركض ورأت عمتها شيهانه قادمه من خيمة الجد..
شيهانه استغربت حالتها/سلهام وش فيك يا بنتي
سلهام بوجه مبلل بالدموع ألقت نفسها بحضن عمتها وهي تجهش بالبكاء بدون ان تتكلم..تريد فقط حضن أم يحتويها..

شيهانه رحمتها وضمتها محاوله ان تهديها/انا حاسه بوجعتس ..ابكي وطلعي اللي بصدرتس..البكاء في بعض الاحيان راحه..
.
،