احم راح اخبركم قصه قصيرة عني .. طبعاً جديدة .. ومحد يعرفه في المنتدى .. في يوم من الأيام الطفولية لي .. كان عمري 13 سنة .. وكنت اربي حمام فوق سطح بيتنا .. المهم كان كل يوم تنسرق حمامة .. ولا أعرف من اللي يسرقهن .. فجاءت على بالي فكرة .. نقلت الحمام الى جهة أخرى فوق البيت .. كان المطبخ مفصول عن باقي البيت .. وبينه وبين باقي البيت مسافة متر ونص .. فسويت قطعه خشبيه مثل السلم .. وخليته بين القسمين .. عشان أقدر أعبر من فوق .. وعقب ما أخلص شغلي .. اسحب هذه القطعة وخليها في مكان سري عشان محد يقدر يوصل للحمام .. ومرت الأيام والشهور والحمام في امان.

في يوم من الأيام رحت فوق عشان اعطي الحمام اكل وماي .. وجبت القطعة الخشبية ووصلتها بين القسمين .. عشان اعبر للجهة الثانية .. وهنا كانت المفاجئة المنتظرة .. لما عبرت في المرة الأولى حسيت بصوت طلع من القطعة الخشبية .. ما شليت اهميه .. الارتفاع كان كبير بين الأرض وفوق السطح .. لم خلصت شغلي مع الحمام .. اول ما جيت اعبر .. انكسرت القطعة الخشبية .. وعلى طول طحت من فوق إلى تحت .. وكانت الأرضية بسوايه بكاشي ..

عندما يكتب لك عمراً جديدة هنا تبدى الحكاية .. حسيت في لحظة السقوط .. انه فيه أحد حملني ووضعني على الأرض .. وعشان كذا ما حسيت بالم السقطة .. قمت من مكاني وكانت في هذاك الوقت جدتي الله يرحمها موجودة وجدتي الثانية وامي .. وانا اشوفهم وهنا يصارخن ويقولون مات الولد مات .. قمت من مكاني بهدوء ومشيت بضع خطوات .. وبعدها سقط على الأرض مرة ثانية .. المهم نجيت من الحادثة وكتب لي عمر جديد .. عشان أعيش الأيام القادمة .. لكن لم أنسى تلك السقطة .. وتلك الأيادي التي حملتني لاني أحسست بها فعلاً .. سبحان الله