قصيدة: تواعدني ع بكره
http://archive.omaniaa.co/showthread.php?t=384333
يسعد مساكم / صباحكم
من بعض قديمي اللي نشر زمان بالصحف بإسمي الحقيقي ..
لكل الأحبه اهدي بوح قلمي ....
تواعدني على بكره ..
وياما انتظر بكره
ومرّت بعد ذاك اليوم
ياسيدي ألف بكره ..!!!
وانت هناك ماتذكر
عيون(ن) للقا تنطر
تناديلك أيا قاسي
تعال وردّ إحساسي
وتتسائل أيا ناسي
ترى إمتى تجي بكره ..!!!؟
احبك قلب .. يغريني
بأشواقه ويناديني
إلا يالمنتظر .. وينك ؟
تعال ابحث عن دروبي
تعال ان كنت محبوبي
وفتّش عن عناويني
وانا لك منتظر .. بكره
اخوكم / رايق البال
~~~~~~~~
مسبع زهيريات(3)
http://archive.omaniaa.co/showthread.php?t=367471
يسعد صباحكم / مساكم
من جديد نلتقي مع هالفن والموروث الجميل بعد لقائي الأول والثاني
بكم في النصوص اللي قدمتهم ..
من جديد اقدم لكم كالعاده نصين متمنيا ان ينال رضاكم بوح قلمي ...
النص الأول :
ومرّت سنه ياسيدي ومن بعدها إثنين
وكان اللقا ياهوى في ليلة الإثنين
يوم إلتقينا سوى انتي وانا الإثنين
والبحر يضحك لنا ونمشي على سيفه
وكل(ن) غمد بالهوى في صاحبه سيفه
ولا حد شكى مننا ضيم وتحاسيفه
وفجأه افترقنا وكانت ليلة الإثنين
النص الثاني :
قول لي ملاك(ن) انت ولا بشر
وهل جيتني بالخير ولا بشر
لجلك ضحك خافقي والله وبشر
مني تلاقي حنان(ن) فايض ورقّه
ذا دفتر القلب شوفه ورقة(ن) ورقه
تلقى وداده يغني لك كما ورقه
ومادام انا حي تدلّل صاحبي وابشر
اخوكم / رايق البال
~~~~~~~~
قصيدة: ضنأ المآساه
http://archive.omaniaa.co/showthread.php?t=352207
يسعد مساكم / صباحكم
من قديمي بعض الشي الذي نشر بإحدى الصحف بإسمي الحقيقي طبعا ...
اتمنى ان ينال رضاكم ايها الأحبه ....
لا متى الصبر يااا أمة رسول الله
لا متى الحال ..على ماهو عليه يبقى ..!!؟
لا متى نعيش نتجرّع ضنا المأساه
واللي ظلمنا على هامااااتنا يرقى ..!!؟
بعد العداااله تبدّل شرعه ومجرااااه
ومن فيض جوره ألا كم صاحبي نلقى ..!!
ولجل انّه يهنى لزوم(ن) نخرس الأفواه
ولجل انّه يرضى لزوم(ن) نطلب الرفقا
وبعد السياده غدينا نتبعه كالشااااه
والنفس للذل غدت ياصاحبي عشقى
والعز فارق دياره هاجر(ن) مرفاه
للدااار ودّع وربّك يطلب الفرقاااا
هذي الحقيقه وهذا الواقع وفحواه
واللي فهمني يرّد لخافق(ن) مشقى
اخوكم / رايق البال
~~~~~~~
قصيدة: اشتقتلك
http://archive.omaniaa.co/showthread.php?t=339754
يسعد صباحكم / مساكم
لكل الأحبه اهدي ماخطه قلمي ...
اشتقتلك واللّي خلقني اشتقتلك
وناديتلك ارقّص على دق الخفوق
ارقّص حبيبي وخلّني بك امتلك
دنيا الغرام اللّي لها دوومي شفووق
يامن ملك كل الغلا يامن ملك
غرّب خفوقي ولا تعب خلّه شرووق
انته وانا قلبّ( ن) تملّك وامتلك
انته وانااااا غيمة مطربعد البروووق
آآآنا البحر وانته على متني فلك
وانته الهوى وانا إلك دوومي طرووق
يافاااااتني كلّ الغلااا اهديتلك
انته وانا ياهيييه عاشق ومعشووق
ما اجملك يااااصاحبي ما اجملك
كلّك حلااااا وكلّي انا مغرم يتووووق
احيا بهمسك .. ولا بغيييت امووتلك
بس انته ترضى ..وكلها الدنياااا ترووق
اخوكم / رايق البال
رد مع اقتباس