كـلـنا في الحـب قصة مـوجـعـه !!
نص شعري متواضع ردا على قصيدة (( أنت أغلى عشق )) للأديبة والكاتبة الكبيرة الأستاذة وداد روحــي
والمنشورة لها هنا بالسبلة العمانية بتاريخ 15 / 1 / 2017م
رابط القصيدة [ http://omaniaa.co/showthread.php?t=102807 ] مع التقدير ..
يا وداد الروح حـرَّكـتـي شــعـور
في فؤادي ظل مطرح مهجعه
كنت أظن الجرح نايم من دهور
والهوى ما عاد روحي تتبعه
ومن قصيدة شعر مكتوبه ف سطور
ألف نار ونار فيني مولَّـعـه !!
لو بغيت أنسى أو أهرب وأدور
ما ترك لي الشوق درب (ن) أو ســعـه !!
أمسنا اللي راح من عام وشهور
الحنين اليوم حـرفـك رجَّـعـه
منجرح ذا القلب وفي جرحه صبور
والورق إحساس ســطَّــر مـدمـعـه
والهوى واحد .. وفي كل العصور
كلنا في الحـب قصـه مـوجـعـه !!
يا وداد الروح يا بنت البحور
في عميق القلب إسمك أطبعه
لو أكون بعيد وديارك ف ( صــور )
ديرتي ف الـغــرب شــرقـك تـسـمعه
يا ضيا الدنيا . ويا أنفاس نــور
كان صبحي طـل شمسك مطلعه
البشاشة فيك عنوان وحضور
والكرم والطيب منك منبعه
لك ســلام القلب إن عــزَّم مــرور
لا أبد والله ما شي يـمـنـعـه
دامني وياك مـدّيـنـا جـســور
الـوفـا بـاقـي حــروف وأشـــرعــه
شـــعـر / ســـعـيد مـصـبـح الـغــافـري
ــــــــــــــــــــــــــــــــــــــــــــــــــ ــــــــــ
رد مع اقتباس