من فتيل الشمس صبح ٍ يِشْتعل
يِشْبهك لـمّـا تـشـبْ الاُمـنـيـات
حِين شفت الليـل بطْرافه ذبـل
ماذِكرت -إلاّ- جبينك والحياة!
كنت مثل الحلم لامنّه.. رحـل
تارك ٍ ليله وسط عيني يِبات
كان همّك هَـمْ، وغيابك جبـل
كاسر ٍ ظهري واكابر بالثبات!
أنْتظر والشوق لـلِّـقـيـا عَجـل
يحْتريك بْروح تسْألك النجاة
الحياه دروب واحلام وأمـل
وانْت حلم ٍ يِختصر كِل الجهات
اشرق بْعيني -أمانة- واكْتمـل
في دِجى صدر ٍ غدا عقبك شتات
شوف وجه الصبح في وجهي ذبل
يعْتريني الضيـق والظلمى عباة!
لا تـخـلّـيـني بـلا نـاس وشـمـل
ياغـنـا عـمـري ترى مالي غناة
من فتيـل (الحُب) دنيـا تِشْتعـل
وانْت.لي دنيا بكتْهـا الاُمنيات
شبْ نار الشوق واشْعلني وصل
صعب اعيشك روح..وغيابك ممات!
