مدخل ..
اضحك . لامني ذكرت ؟ ايامنا الحلوه
وليا ذكرت انها راحت ! .. جلست ابكي
كن الشقا ( بير ) واحلام الصبا ( دلوه )
وكن الحزن ؟ .. في صميم القلب ,, متركي
الشك !! (( قطع نفوس )) .. كانت بسلوه
وانا عقب حسن ظني .. هزني شكي ؟؟مرات ؟ مرتاح ,, والقى البال في علوه
ومرات ! محتار ! .. واعجز لابغيت احكي
نكتم ونشكي من الاحزان في خلوه
واليوم ؟ في صمت ... لا نكتم ولا نشكي
لو ان ؟ دنيا الشقا ياصاحبي حلوه
ماكان ؟ شفت الطفل يولد وهو يبكي !!!
كفايه .. وماحصل بالأمس يكفينا
لاتحني ايديك ,, خل دموعك الحنا
الى متى ؟ نكذب ! .. ونوهم امانينا
مليت اجامل .. واقول انا واقول انا
تعال عند المكان .. اللي ضوى فينا
عشان أوريك وش صرنا ؟ ووش كنا ؟
خلنا نتوادع ( هنا ) .. ( هنا ) تلاقينا
( منا ) بدى الحب .. لازم ينتهي ( منا )
ماللزمان أي سبه .. في تجافينا
وش له نلوم الزمن ؟ دام السبب حنا !
صارت صباحاتنا ,, تشبه أماسينا !
لابانت الشمس ! ,, والعصفور ماغنا
لو ندري بنفترق ؟ ماكان حبينا
ولا تركنا ( قلوب الحب ) تتمنا
وش هو نسوي بعد ! .. وش هو ماسوينا
مقسوم .. والله كتب ( حكم القدر ) عنا
في الحب ( أحاسيس ) ..ماتوصف بأغانينا
أسمى من الوصف ,,, وأرقى من تخيلنا
(( موضوعنا منتهي )) .. ماعاد يمدينا
عمر خسرناه ! ,, لايمكن يرد إلنا
واذا رجعنا لبعض ولا تراضينا !لاتحسب انا ,, برنجع مثل ماكنا
،
،
الله معك ماني بميت لاهجرتيني
وحقك علي ان كنت أحن لدمعتك .. واقسى ؟
انا البحر ياللي على جالي عبرتيني
وانتي .( رياح لغربتي ). واهدابي المرسى
لاجيت برقد يالعيون اللي .. سهرتيني
يطري .. لعيني وقتها .. ان السهر ممسى
تصدقين ؟ اني نسيت .. انك نسيتيني
وتصدقين ؟ اني ذكرت .. اني نسيت انسى
كنت احسب ان الصد قاسي ؟ لا جفيتيني
حتى .. تفارقنا وعرفت .. ان الفراق اقسى ..!!
رد مع اقتباس