يوم طاب السهر عيت تطيب النفوس
.......................جت من الله وانا كم كنت محتاجها
كنها من حلاها كل ليله عروس
.......................خايفه من عيون الناس واحراجها
حي هالطول يا زول عساه محروس
.......................من عبث لوعة الايام وازعاجها
تزعل نفوس ولا تمتلي غيض روس
.......................من يقرب لها وضلوعي سياجها
لي متى وانت يا شوق القلوب محبوس
.......................طالت السالفه وابطيت بعلاجها
جعل قلبن على نار الغياب محموس
.......................يحترق بين صاليها ووهاجها
من خبر له غلا بين الضلوع مغروس
.......................غرسة كل ابو شعري من انتاجها
لا تقرب لك الفرقا هذيك الهجوس
.......................من متى والبحور تفارق امواجها
لازم اصبر على وجه الزمان العبوس ..
.......................لين سود الليالي يضحك احجاجها
من بغى يقطع الفرجه يعاف الجلوس
.......................لين ياصل نهايتها ومخراجها
كان شعري قصر ما طال شمس الشموس
.......................تستريح القصايد داخل ادراجها"
من ما راق لى واتمناه يروق لكم
رد مع اقتباس