الـعـز مـطـلـب والــمــراجـــل تـوافــيـق
والــهــون بـــــاب مـالـنـا فـيـه مــدخـــال
مالي على بعـض المواضيـع تعليـق
واللي تشوف العيـن مايشـرح البـال
أصـــد عـــن مـايـفـعـلــون الـمـخـالـيــق
لكـــن مايـخـفـى عــلــى الله مـثـقــال
ون شفـت بيبـان السـعـاده مغالـيـق
الصبر مـفـتـاحـآ عـلـى كــل الاقـــفـــال
وإذا لحقني مــن زمـانـي مــلا حـيــق
ازبـن عـلـى مـنـزل تـبـارك والانـفـال
الـفـقـر مـا عاب الـــرجال الـمـطـالـيــق
كمـا يـعـيـب الـــمـــال عــبـــادة الـــمـــال
جيـل المصالـح ينقضـون المواثـيـق
والجيل الاول فرق عن كل الاجيال
عاشو عـلـى شـــدة وعاشو عـلى ضـيـق
لكـــن صارو للشـيـم مـضـرب امـثــال
الـجــود مايـبـغـى دعــايــه وتـسـويــق
الـجــود بـالإفـعـال ماهـو بــالآقـــــوال
الكنز ماهو بـالـذهـب فـــي الـصـنـاديـق
الـكـنـز مـعـرفـة الرجـاجـيـل الآبــطــال
رد مع اقتباس