خاب ظني...
مادرى من خاب ظني في عناده قاهرني
من غرامي صار تاجر باختصار(ن) ظالمني
في عيونه مية كذبه باعني ما خاف ربه
اعرفه حبه وحبه هذا طبعه تاعبني
واعتذر لي بعد زله واشتكى بالجوف عله
خل صابر عوق خله والخطأ ما صار مني
قال : -في لحظة- وربي!! يا حبيبي انت حبي
كلها نبضات قلبي ما لها غيرك تحني
قلت : كذبك ما يفيدك والخطا برهان كيدك
الهوى ما صار بيدك شوف قلبك جارحني
هاذي خدعه من حبيبي اعرفه زين وطبيبي
من بعيد ومن قريب اشعر انه ذابحني
صار عادي في حسابه حارمني في غيابه
كل وقتي في عذابه في مزاجه شاغلني
في وصاله مالي خاطر دام قلبه عني صابر
خلني بالليل ساهر والنجوم تسامرني
ذاب قلبي في غرامي ينسى ايامي وسلامي
هذا اخر من كلامي دام ظنه خادعني
ماني راجع في قراري لا يحاول في حواري
عزة النفس اعتباري واحلف انه خابرني
بقلمي /ناصر الضامري
رد مع اقتباس