صرنا نفكر في التبرج و لثامة !
و نكشخ , ونقضي عمرنا لـفّ في السوق!
نتبع مفاتن .. قبل نتبع شهامـة !
كن الجسد شهوة ماهو بـ دم وعروق !
الشـخص فينا كل همه غـرامه !!
كأنه عـشان الـحب و العشق مخلـوق !
نحكي بذوق مع العرب .. و ابتسامـة !
لـكن مع أهلـنا .. للأسف ما نعرف الذوق !
ننسى إن كـل انسان له فكرة و مقامه !
و نصنّف أهل المجتمـع تحـت أو فـوق
صار الرجال حلـمه , وجُـلّ اهتمامه
يصبح غني لو كان من مال مسـروق !!!
قليل .. من فـكّر بـ يوم القـيـامـة !
تفكيرنا كله يا : حش أو عشق أو شوق !
نبغـى حقوق انسان , لو هي علامة
و احنا أساسًا ما عطينـا ربنا حقوق !
نحكي عن الديـن , وعـن الاستقامـة
و بيــوتنا أغلبها خيانــات وعقوق ,
كلِ يبي يملي علينـا كلامـه !
كن الأوادم عايشة وسط صندوق !
وشلون يـفـرض مجتمع احترامه ,
وأكبر طموحاته : ( متـى الحرمة تسـوق ) ؟
رد مع اقتباس