أجمل الأيّام ساعةْ ذكريات
واصْغر الاحلام دايم باكيه !
آآه ماقْسى إحتظار الاُمنيات
وآآه ليـت الآآه منّي كافيه..
المسافة ضيّقت صدر الجهات
واتْركتْ.لي خطوتين وهاويه
للظلام أللي مثل قطعةْ عباة..
أو طريق ٍ يختصرك بزاويه !
كِل حلم ٍ عاش فيني فيني مات
والبقى..
براس الجروح العاريه !
وش أكْثر شي يسْرقني على الذكرى.. سُوا غيّاب
إلامني سهيت -وجا- رسول الشـوق ياخذنـي
يودّيني على آخر ليـل جمّعنـي مَـعَ الاحبـاب
وانـا والله مـاودّي.. عقـب غيبـه يذكّرنـي!
تِكَفْكفْني ذعاذيع الولـه وارحـل كِمـا اسـراب
حَداها الوقت للغربـة / مثـل مالوقـت غرّبنـي
أسافر.. للبعيد أللي ترك جرحـي بـدون ثيـاب
وآهيم بسكّـةْ المنفـى | وارد أرجـاه يعْتقنـي!
على الماضي رجعت ابلا وعي كِنّي فتحت كْتـاب
أو الأحرا.. فتحت أيّام نسـت وشلـون تكْتبنـي
عزاي أني مثل ذنب ٍ تِمـادا بالخطـا..| ماتـاب
ألا ليت البشر تدري.. وش أللي كـان يمْنعنـي!
(غلا من راح) أو يمكن.. وفا عن ذكرهم ماغاب
تِشتّتنـي بِقاياهـم | واشـوف الحلـم يجْمعنـي
تِكبّرت وكبرت وطحت.. على كبْري معاي (عْتاب
يِردّد للمسا هو ليه؟) صبـاح الخيـر يجْهلنـي!
أنا الصبح اليتيم أللـي شـرق فيهم|وفيهـم ذاب
أنا الليل العقيم أللـي هقيـت الأمـس يشْرقنـي
حنين الوجد / واللوعة / وخاطر عقبهم ماطـاب
أساير وحشتي عَلِّي.. أصـادف مـن يدوّرنـي!
إلامنه دعاني الشوق -للذكرى- وبكيت أحبـاب
أقول الله يِجازيهم علـى الذنـب.. ويصبّرنـي!
إنتظرت بـ هَمْ يرجع شيْ فات
لكـن سنيني تعـدّت../ خاليه
وش بعد أرجي إذا ماتت حياة؟!
ماهي لحيةْ طبْ (وأجر وعافيه)
العمر قفّى../ وخلاني وصاة..
في عيون الضيق شمعةْ زاويه!
للحزن ناي/ ومقام /واُمسيات
وللصدر ليـل وذيابه عاويه !
أجمـل الأيّام (غفوةْ) ذكريات
واتْعس الأيّام../ دايم باقيه !!
رد مع اقتباس