محكمة الأباء (ضاع مستقبلي بين ام وأب أناني)

[غيمة ،]

صباح الخير

أتفق معك ان هذا الشي صعب ، مافي شخص طبيعي بيعيش بواقع مثل واقعك و بتكون نفسيته عال العال
لكن ، الحياة فيها الزين والشين من كل شي
ما أقدر أحكم على أمك و أبوك الأهم ندعي لهم الله يهديهم
الأهم انتي و أخوانك ، لا تحطي فبالك انه الحياة زواج و بس
و اذا تزوجتي بتنحل كل مشاكلك ، ما تعرفي يمكن تعيشي فالدرك الأسفل من جحيم الدنيا اذا أحين تعيشي في شي بسيط من الحجيم
بالمختصر لا تعلقي كل آمالك برجال يتزوجك !!(و لو كنتي تفكري كذا فهذا أكبر خطأ ، اي شي تسويه ما بيفيد لو ظلت هالفكره براسك)

اشتغلي على نفسك ، على حالتنا ما بقولك روحي دوري شغل ولا ادرسي عشان تاخذي شهادة
الأسهل لك و الأضمن ادخلي دورات و تعلمي شي ينفعك ، أو حتى من النت
منها تجيبي لك دخل يكفيك و منها تبتعدي شوي عن الأجواء الكئيبة إلي تعيشيها و تنجزي فحياتك
(الكروشيه ، ميكب ، طبخ .....) المجال مفتوح و أشياء سهلة
و كلها أشياء عليها إقبال و تحتاج وقت و ممارسة و تعلم
((كل ما ظليتي على السلبية و احساسك بانك اتعس بنت على وجه البسيطة كلما حياتك تكون من سيء إلى أسوء))
توكلي على ربك و علقي كل آمالك على نفسك فقط ، واعملي على سمعتك عزيزتي !
و بالنسبة للزواج سواء فكرتي فيه أو ما فكرتي لو الله راد لك زواج بتتزوجي ، فلا تضايقي نفسك فالفاضي
.. و نفس الشي بالنسبة لأخوانك ..

الله يحفظكم و يسعدكم و يوفقكم ، و يجزاكم الخير على صبركم ^^