صــــرخـــة حـــنــيــن !!
تـنـسـكـب من غـيـم دمـعـه
وتـرتـجــع ف الصــمـت آهــه
ويـنـكـســر خـاطـر وخـاطـر
وانـت بـعـدك
م اسـتـراحـت فـيـك خـطـوة
ولا حـقــيـبـة ولا جـهـات
ولا نـســت دنـيـاك مـيـنـا
ولا مـطــارات وتـذاكــر !!
وكـلـما يـعـصــف حـنـيـنـي
ويـسـتـبـد الشــوق فـيـنـي
أرجــع أندهْ لـك وقـلـبـي
وعـيـن أشــواقـي ف بـابـك :
ويـنـك أنـت يـا حـبـيـبـي ؟!
ويـنـك انـتـه يـا مهـاجـر ؟!
تـكـفـىَ إِرجــع
تـكـفـىَ إرجــع يـا مُـنـايــا
الســنـيـن الـلـي خَــذَتـكْ
غــيَّــبــتـنـي فـي غــيـابـك
تـكـفـىَ إِرجــع يـا مـســافـر
فـصــول هذا الـعــام راحــت
والـســـنـة عــدَّت وطــافـت
ومـا بَـقـىَ
- لـو بـنـحـسـب وش بَـقـىَ -
غـيـر تـذكــار الأمـاكـن
لا مـشــت فـيـهـا خـطـانا
يـشــتـعـل فـيـنــا الحــنــيــن
وطـيـف من أحـلـىَ الســنـيـن
مـا مـجــرد بـس عــابـر !!
مـا بَـقـىَ غـيـر الشــحـوب
فـي مســاحــات الفــراغ
واخـتـنـاقـات المـشـاعـر
مـا بَـقـىَ
لـو تـجـي تـشــوف الـورق
غــيـر بـصـمـات الـدمـوع
وأبـجـديـات المـواجــع
يـا مـلامـحـنـا الحــزيـنـة
يـا تـنـاهـيـد الـلـيـالـي
يـرتســم فـيـهـا النـزيـف
آه فـي صــرخـة قـصــيـدة
ووجــه فـي صــورة خــواطـر
مـا بَـقـىَ
بـعـد مـا راح الـحــكــي
وضـحـك بشـــفــاه الـفــرح
وعـطـر في همس النـوافــذ
وحـضـن في ضمة يدين
مـا بَـقـىَ إلا وتــر
فـي دنـدنــة عــود (ن) حــزيـن
ونـاي فـي لـيـل الـبُـكـا
وقـلـب تــايـه بالدروب
إِن عــرف لـلـصــبـر أول
مـا عــرف لـلـصــبـر آخــر !!
مـا بَـقـىَ إلا الشـــتـا
وعـمـر يـبـحـث عـن دِفــا
ووحـشــة أيــام ( ن ) كـئـيـبـة
تـنـكــتـب فـي ذي الـدفــاتــر !!
وانـا فـي دنـيـا غــريـبـة
صــوت حــزنـي خـلـف صــمــتـي
وكـذبـة الـبـســمـة بـوجـهـي
وانـا فـي آهــي ودمـعـي
لا شـكـيـت ولا بـكـيـت
آه يـا حــزنـي المُـكـابـر !!
شعر / سعيد مصبح الغافري
______________________
