بما اني ترانزيت الحين في كوالالمبور.
بخبركم عن اليوم أو الأمس ..
بعد ما راحوا أهلي المطار جلست أجهز اغراضي طبعا توقعت الوزن زائد جلست انظف البيت وابند الكهرباء ع أساس بيمر علي علي يوصلني المطار سبحان الله كانت في حرائق في بندورا تبعد عن بيته 5 دقائق كان لازم يرجع يتأكد أن البيت ما فيه شيء راح بندورا الحكومة أخذت لهم فنادق في الستي وهناك 3 بنات لازم ينقلهن الستي يعني صعبة يمر علي اتصل علي كلمته ما يهمك انا بشوف أسماء اذا فاضية هي بتوديني وانت ما قصرت وصلت أهلي المطار جزاك الله خير .. اتصلت في أسماء قالت برد عليك بعد شوي بعدها اتصلت علي قالت يبجيك..
طريق المطار هذه المرة مختلف ما يشبه الأيام الماضية الطريق موحش الهلال واضح الستي ما لها نفس البريق الدرب لأول مرة طويل وشاق مشاعر مختلطة معقولة بودع هذا البلد الي كبرت فيه وتعلمت منه واكتسبت ناس أحبهم ويحبوني.. طيب كيف حياتي بتكون في عمان كيف اصرف على نفسي متى استأجر شقة أو مكان لحالي أعيش فيه اصرف على نفسي .. واجد أسئلة كانت تلاحقني للمطار الذكريات الجميلة في ملبورن أصدقائي سفراتي كل شيء سيهجر حتى انا لازم اهجر نفسي المستقلة لأن المجتمع يجبرك تكون تابع وحتى لو ما كنت تابع لازم تحترم الآخرين لازم ما تكون وحيد حتى لو هذه شخصيتك .. الكلتشر شوك صعبة شويه على المغترب في بلده ..
وصلنا المطار الشنطة الصغيرة طلع وزنها 11 وما بيدخلوها الطائرة اتفقت مع أسماء أعطيها شنطة الابتوب والايباد قلت لها دوري لحد ما ايجي دوري ولما يجي دوري واوزن الأغراض واخلص بجي أخذ اللابتوب والايباد من عندك قالت تم ونجحت الخطة الحمدلله .. والحين انا في كولالمبور انتظرطائرة عمان ساعة 9 و40 دقيقة
رد مع اقتباس