ظاهرة دخول اخوان العروس في القاعه

[أبـوالولـــيـد]

افكار غريبه

حريم طول حياتهن يعيشن عشان الستر
كل وحده تخاف يطلع حاجه من جسمها او شعرها.

وكل الناس معهم نظره عنها، ارتبطت بالحشمه.

يجي يوم العرس، بالطبيعه المكان مغلق والحريم ياخذن راحتهن.
وتكون ملابسهن ملابس سهره، من الازياء الشرقيه للغربيه، للكت والسواريه و المفتوح صدره او المفتوح ظهره، واللي فوق الركبه واللي تحت الركبه.

عموماً، حريات وقناعات، بس المشكله ترى حتى العريس، لما يشوف خوات زوحته و صديقاتها بهذي الاوضاع، ترى عمره ما ينساهن، وتبقى ذيك الصوره في الذهن، وكل ما شاف هذيك الحرمه، تخيلها بملابس العرس.

احس انه المغالاه في الانفتاح قذره، عادي لبسن اي شي
بس اذا دخل المعرس احتشمن، ترى حتى اخته المعرس ما حلوه يشوفها بوضع او ملابس مكشوفه،

تحصل الاخوات في البيت يحوطن بويل و ليسو، ومن يصير العرس يشوفها( كيم كاردشيان)

اتمنى التعقل من الحريم، والثقل من بعض الرجال.


اوين رايح القاعه عزوه، علوه ما ساير تو تحارب.

لا وسيف وخنجر

وش هذي الحركات، الثقل زينة الرجل، والحشمه زينة المرأة


وفي الاخير الناس احرار بتصرفاتهم، واحنا فقط نتكلم عن افظارنا بدون ما نفرضها على احد.
صباحكم ورد

كلامك عين العقل عزيزي
الحشمة في اللبس لابد منها
والتستر اثناء دخول الزوج امر واجب من الجميع


اذكر عرس احد اقاربي
وكان من البلدان المجاورة لنا
والمعرس ابدا ما خلوه يدخل مع الحريم
لين وصلوها له بزفة الى السيارة
كذا جميل جدا كان