الزمن يـنحت على صدر السـنين
لين عـرّى وجوه أحسبها صخور

تكشف عيون الحقـيقه لي كميـن
من صـديقٍ كان مسـند للـظهـور

طـاح من قـمـة مـعاليـقي إلـين
إنـدفـن غـالي بمـقبرة الـشعـور

الـعزاء في نزف إحساسي الدفيـن
كان صـبّه للأسـف في صدر بور

كنت أرجـو غلّـته لـو بـعد حيـن
لـين شكّـي راح في صدق البذور

الـصّـداقـه كنّـها نـورٍ وعــيـن
باصـر بـظلـمه كما أعـمى بنـور

لو دفنـتك ما نفـظت إلك الـيدين
دامنـي حـيٍ ومـؤمـن بالـنشـور

الخـطأ كسـرٍ لهامـات الـجبـيـن
والعذر جبـرٍ لصـعبـات الكـسور

ياصـديـقي إن دعـاني لك حنـين
الكـريم اللي تـفـضل بالحضـور



العاموري


لي عودة