ياهي كثيرة حكاياتي من اسراري
واسراري ياهي كثيره من حكاوينا
ليه المطر له حزن ماهوب متواري
وليه السفر به حنين .. وليه مشقينا
ياطفلة الروح .. كوني نور مشواري
ودي لو انسى دقايق .. حزن ماضينا
لك جيت اهز المسافة ... واخذ بثاري
من دمعنا بالحـنين ... ومن اغانــينا
ماعاد اقدّم لطفل الياس ..... اعذاري
ولاعاد اعض النواجذ لجل امانيـنا
على النهر وان ذكرتك ترقص ازهاري
على البحر وان ذكرتك يضحك المينا
من دافع الشوق ترميني لك اشعاري
نور ٍبصدر العتاب .. وفي خطاويــنا
ياطفلة الروح... جدّن لجلك افكاري!
مهما كبرنا... كبر هذا الغلا..... فينا
