الذكريات اللي على بالي .. أشهى
من واقعٍ تضحك لي أيامه السود !
لو إنها تسقي حنيني .. عطشها
لكنها .. لا جفت أحلامي : تجود
لا ضاق بالي .. من حنينه فتشها
ترجع عليه الروح معها دهن عود
وجروحي اللي كل دربٍ نبشها
أمشي .. وخطواتي على جرحي تعود
حبيبتي .. مدري من اللي وحشها !!
وأنا الذي من فقدها صرت : مفقود !!
كأن قلبي في عروقه نقشها
تنهيدة المحروم لا صار : موعود !
طيوفها .. مر الزمن ما خدشها
كأنها البارح هنا .. تنثر ورود
للحين في بالي هي أرق وأشهى
وللحين قلبي ما نسى عيونها السود
