المشاركة الأصلية كتبت بواسطة محمد نااصر
السلطان قابوس قال ان كل عماني له الحق والحريه بابداء الراي , هذا انا رائي اقدمه ولي الحق كوني مواطن عماني واحمد الجواز العماني وليس لاحد اي دخل فيما اكتب .
انا لم اكتب اي شي غلط او من الشارع بل كل ما اذكره هو عين العقل والصواب والي يحدث في سلطنة عمان
ثانيا : سوف ابدا بذكر الآيه الكريمه :
" إِنَّ اللّهَ يَأْمُرُ بِالْعَدْلِ وَالإِحْسَانِ وَإِيتَاء ذِي الْقُرْبَى وَيَنْهَى عَنِ الْفَحْشَاء وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ" (النحل، الآية: 90)
بعد 41 سنه من النهضه في عمان اصبحت دولتنا هكذا :
عمان بلد الامان
عمان بلد الخيرات
عمان بلد النحاس
عمان بلد النفط
عمان بلد الغاز
عمان بلد الطاقه
عمان بلد المعادن
عمان بلد الاسماك
عمان بلد المليارات
بعد 41 سنه من النهضه في عمان اصبحت دولتنا هكذا :
عمان بلد يملؤها الفساد
عمان بلد يملؤها الفقر لدرجه ان البعض منهم يشحت ليجد قوت يومه
عمان بلد الواسطه الي ما يقدر واحد يلتحق بوظيفة عامل دورات مياه الا والواسطه في المقدمه
عمان بلد يملؤها الظلام من اناس خانوا الثقه واهتموا بتلبية رغباتهم الشخصيه ونسوا هموم المواطنون .
عمان بلد كثر فيه النصب وكثر فيه الغش والسرقه والاحتيال والدعاره والنوادي الصحيه والزنا واللواط وكثرت العاهرات وكثر وكثر وكثر .
سئل ذات مره احد تجار الاعمال عن اغنى دوله في الخليج وكانت الاجابه بعمان وسئل عن افقر شعب وكانت الاجابه بعمان .
كيف يكون هذا دوله غنيه وشعب فقير ؟
ثروات عمان كثيره لا تعد ولا تحصى ونسبه كبيره من الثروه تذهب للخارج او تذهب لاصحاب الكروش وتبقى نسبه بسيطه نبقى للمواطن الفقير .
المواطن صابر من هذه الحاله
المواطن ينتظر تغير الاوضاع
المواطن يبكي من سوء المعيشه
المواطن يصرخ نريد ان نعيش حياه سعيده
المواطن يعتصم لاخذ حقه
المواطن يتظاهر لمحاربة الفساد
المواطن يثور لفتح حياه جديده لعمان وشعبها
منذ شهر 4 تقريبا تم الاعلان عن صندوق زواج الذي اسعد اغلب العزاب ولكن اين هو هذا الصندوق ؟
هل تم رميه في سلة المهملات بعد ما تم تهدئة الوضع ؟
سمعنا بقبقه من الحكومه او من الجهات المختصه بان هناك سوف يكون بنك اسلامي للمواطن العماني الذي ادخل الامل في قلوب الكثير من العمانيين , ولكن اين هو هذا البنك ؟
هل سوف تفتقر الحكومه اذا تم الاعلان عنه والاستقراض منه ؟
او ممكن راح يكون مصيره كمصير صندوق الزواج .
سلطنه عمان هي اكثر دوله في الخليج الي فيها فوائد ربويه للبنوك , وقال احد تجار الاعمال الكويتي ان بنوك سلطنة عمان تاخذ فوائد كثيره من ظهور المواطنون .
يا حكومه عمان لماذا لم تقتدي باخواتك من الدول الثانيه في البنوك وغيره ؟ ام انك راح تفتقرين اذا اخفضتي ريال واحد للمواطن الفقير ؟
شرطة عمان السلطانيه 90% من ميزانيتها هي من ظهور المواطنون .
بطائق شخصيه
جواز
ملكيه
ليسن
فحص السيارات ومستلزمات السياره
شهادة عدم محكوميه
ليسن
تراي
كتشه
رقم سياره
وغيره
وغيره
والله يعزكم يمكن راح تحصل انه واحد يدخل دورة المياه في مركز الشرطى لازم يدفع عموله .
شهادة وفاه كانت ببلاش والحين بفلوس
شهادة ميلاد كانت ببلاش وتو بفلوس
بعض من الدول الخليج تعطي البطاقه الشخصيه وغيرهن للمواطن ببلاش واحنا لازم نبدي بطاقة الفيزا وبعدين خذ بطاقتك .
متى انتعدل ؟
من انتصلح ؟
متى ايخوز الفساد والطمع ؟
متى راح نشوف دوله تطبق شرع الله ؟
محصل امس واحد مخرج من السجن ومسجون 3 ايام ولما سالته مو مسوي قال ماشي بس شويه كنت شارب ,
بالله عليكم 3 ايام لشارب الخمر و6 اشهر لزاني او مغتصب واسبوع لسارق .
ليس الدوله ما تطبق شرع الله تعالى في الزاني يجلد والقاتل يقتل والسارق تقطع يده ؟
اعتبري يا عمان من الدول الاخرى .
بغينا نتصل ما نحصل غير عمان موبايل والنورس الي ما تتكلم دقيقه غير سارقه عليك رصيدك .
ندخل نت دقائق وراح الريال .
نورس + عمان موبايل = الضحك على العماني
وبغينا نفتح النت نحصل عمانطل مويه النت بطي ك السلحفاه والاسعار نار وما موجوده شركه غيرها تنافسها .
مو انسوي يا ربي كلها عمان مشاكل من ساسها الى راسها .
تم دفع حوالي 10 مليار دولار لعمان مساعده ماديه من دول الخليج لانهن عارفات ان الشعب فقير وما لاقي مو يوكل .
10 مليار دولار ما يقارب 2 او 3 مليار ريال عماني ولما سالوهم هين وديتوهن قالوا خليناهن للبنيه التحيه .
اي بنيه تحتيه هذه واي خرابيط ؟
41 سنه وبعدها البنيه التحيه ما مخلصه , عجب هين كنتوا قبل عن 41 سنه هل فيكم العمى ولا موه ؟
في عمان بالاخص اذا بغيت تخلص معامله لازم تصف طابووووور وطبعا هذا ما عندك واسطه اما لو عندك واسطه رايح تخلص امورك بسرعه والفقير ينتظر .
وهذا الي حاصل في عمان من واسطات في العمل وغيره والشخص المتعلم عنده شهاده بس ما عنده واسطه يفوض امره لله تعالى .
منافقين وكذابين ولعن الله الراشي والمرتشي منكم .
كثرت النوادي الصحيه وكثيرت بيوت الدعاره في عمان وهذا كله بسبب قلة الوازع الديني والحكومه هي المسوؤله عن هذا الانحطاط الي يصير ولو مانعه من اول ومطهره المكان من هذه الاوثان ما حصل الي حصل .
ودام ان قائد الدوله يعلم بهذه الامور ليش ما يسوي شي ؟
ما سر توقيف السماعات الخارجيه للمساجد ؟
فقط اثناء مظاهرات صحار تم اعادتهن
ما سر ايقاف الاذان قرب قصر العلم لمدة 3 ايام اثناء قدوم الملك الالماني ؟ هل علشان ما يضره صوت الاذان ؟
ليش وقفت الصلاه يوم الجمعه في سوق نزوى , هل علشان حظره االرائيس الالماني يزور الجامع هو وحرمه العاريه ويزورا السوق ولا شو ؟
قال الرسول عليه السلام :
من راى منكم منكرا فليغيره بيده فمن لم يستطع فبلسانه ولم لم يستطع فبقليه وذالك اضعف الايمان
صدق الرسول عليه السلام
وقابوس قادر يغير هذه الاشياء بكلام واحد وما يحتاج يغيره,
بس مو انسوي دام ان الملك امر بذالك .
الكثيرون من اهل البزنز اعمت النقود بصيرتهم لدرجة انهم صارو يرون ان النقود هي كل شي والمناقصه الي مقدارها مليون بدون غش وسرقه راح يحطوها ب5 مليون وثلاثة ارباع المبالغ في الجيب .
سؤال :
ليش السلطان قابوس امر بترقية البنات المشاركات في العيد الوطني وهن حتى سنه او سنتين ما خلصن ؟ والعماني الجندي يحتاجله 5 سنوات علشان يعطى نائب عريف
يا رجال كذا ما زين ولازم تساوي بين المواطنون .
قابوس قال منذ سنوات هذه العباره :
سوف احاول بقدر المستطاع ان تعيشوا حياه كريمه هانئه . والحين اكثر من 20 سنه من هذا الكلام والامور تزداد سؤء .
في شهر مارس من عام 2011 حدث مظاهرات عارمه في صحار السلطان قابوس خاف ع نفسه وعمنصبه انه يحدث له مثل ما حدث في تونس ومصر وغيره ثم امر بوظائف وزيادة رواتب وصندوق زواج وبنك اسلامي وغيره وغيره
بالله عليكم وين كله هذا بالاول وليش ما عطوه للمواطن من الاول بدل لا تستوي مظاهرات وغيره
والله اني تعبت من الكتابه وما عرفت مو اكتب ومو اخلي وانا اشكي حال المواطن والدوله
متى يا قابوس يحصل العدل
نريد المساواه ونريد العدل
افق يا قابوس قبل ان يقع الفاس ع الراس....
رد مع اقتباس