Post برد الشتاء واقف على ضلوعي الجرد
مدخل .....
" حنا على ابواب الشتاء " / والشتاء برد
و النار هذي ما يدفي حطبها
و [ برد الشتاء ] /واقف على ضلوعي الجرد
وعيني اشوف الدمع / ياكل هدبها .!
يا ورد ما مرك دفا العمر / يا ورد
عدت سنينك / ما اعرف اللي سلبها .!
،
و[ الشتاء برد ] / واشتاقه /و احن اله / واخافه..
و المساء فيه / متغطرس / و متكبر / و اناني .
و الليالي ف الشتاء / تقصر ولو طال انتصافه .
ب السوالف / و الدفا / والبرد / ما بين المحاني
و ال [ الحنين ] اللي مرافيه / تهشمها ضفافه .
ما لقى / في صدري الا حسرة بين / المواني .
من يعلم [ حسرة الايام ] / لا تشيل الكلافة .
ما ذبحني / غير مونتها / و تكشيرة زماني .
ومن يعلمها الوطن هذا خذا ريقي../ جفافه
وما ترك في [ فمي ] الا غصة تجرح لساني !!
و من يعلمها الشتاء هذا وهب كل ارتجافه
ل الحنين اللي نصاه ال [ العيب ] ب عيون الاماني
و ما يحس ب [ برد قلبك ] / غير من يسكن شغافه .!
كل. ما / خيم عليك ال برد / جابته الثواني .!!
الدفا ما هو ب فرو / تلبسه / والا لفافه
الدفا روحك تضمه من غلا / في روح ثاني
والشعر..[ دمع الشتاء ] ./ بالله وش عذر انجرافه .
ل اندفق من عين قلبي دمع / ضايقني مكاني
و الزمن لو باعني للضيق / ما الحقته حسافه !
عادته ف الناس / يرميهم و انا وقتي رماني !!
ما علي معي [ النوايا البيض ] و ال طهر وعفافه
و الزمن وش عاد لو مرة مثل غيري / نساني !؟
و السهر و الشعر الارعن وانتي و جسر الرصافه !
موطن برد الشتاء سماه / في صدري اغاني
رد مع اقتباس