اتوقع ان الحل الانسب للتخلص من مشكله وجود مواد منتهية الصلاحية بعمل ادارة مشتركه بين المحلات التجارية تكون اشبه بالتحالفات التجارية لاجل تبادل المصالح بين اصحاب الانشطه المناسبه لبعضها بحيث ما يكون فيه زياده لمنتجات استهلاكيه تتراكم في المحلات وتكون عباره عن خساره للجميع وخلونا نقول ان فيه 10 محلات تجاريه منافسه لبعضها لكن في نفس الوقت مسانده لبعضها
ونضرب مثال بمنتج ( أ ) وعدده في كل محل مع معدل بيعه وتاريخ صلاحيته
المحل ( 1 ) عنده عدد 37 منتج ( أ ) ومعدل بيعه الشهري مثلا 6 منتجات نوع ( أ ) وباقي 6 شهور مثلا على تاريخ صلاحيته والقابل لانتهاء الصلاحية بشكل نهائي منتج واحد من نوع ( أ )
المحل ( 2 ) عنده 0 منتج ( أ ) ومعدل بيعه الشهري مثلا 5 منتجات نوع ( أ )
باقي المحلات من ( 3 ) الى ( 10 ) اعداد منتجاتها وتواريخ الصلاحيه متفاوته اعلى واقل
بدال ما يتم الاتجاه لشراء منتجات يتجه عدد منها الى الخروج بشكل نهائي بدون فايده وتكون خساره على المحل ويدفع كلفتها بشكل اضافي صاحب المحل او المستهلك
يفترض يكون فيه تنسيق بين المحلات التجاريه ان العدد الزايد قبل وصوله لفتره نهاية الصلاحية بفتره طويله يتوزع بين المحلات الي تحتاج نفس المنتج ويكون عليها طلب من المستهلكين
بمعنى المحلات من 1 الى 10 تعمل بيع لمنتجاتها بسعر الكلفه على بعضها وتغطي احتياجات بعضها وكأنها تتبع ادارة واحده وتوزع منتجاتها مابين الفروع بحسب تفاوت استهلاك الناس للمنتجات
او يكون الحل الثاني من شركات التوزيع ومحلات الجمله بحسب درجات المحلات التجاريه ومعدلات الاستهلاك فمو كل المحلات يناسبها عدد كبير من كل منتج فمثلا محل ممكن عملائه يشتروا في اليوم مآت او الاف الاعداد من نفس المنتج وممكن محلات تستمر شهور وما تبيع الا نسبه محدوده من الكميه المشتراه بالجمله فلو مثلا منتج يباع منه بالحد الادنى 120 منتج من نفس النوع ممكن يتم تجزئته بفائده تتوسط سعر التجزئه والجمله ببيع 12 منتج من نفس النوع او 24 او اقل او اكثر بالشكل الي يتناسب مع المستهلكين لان في العاده تكون نهاية الصلاحية للمنتجات عند المحلات الي ما يكون عليها اقبال او عدد المستهلكين فيها قليل او دخولهم ما تكفي لشراء كل المنتجات قبل انتهاء صلاحيتها او محلات صغيره مبيعاتها متدنيه
فلو انعمل توزيع باعداد اقل لانواع المنتجات او انعمل تحالفات ما بين المحلات لاجل تغطي حاجة بعضها حتى يغطي كل محل على الثاني ويتجاوزوا بشكل جماعي مشكلة انتهاء الصلاحية للمنتجات الي ما عليها اقبال يناسب الكميات الي يتم شرائها بالجمله
رد مع اقتباس