نركض مع الايام في كل ديرة
ونأكل لحوم الغير من دون تقصير
محدن درى بالآخرة وش مصيره
كلن يحاول بس جمع الدنانير
احدن هواه الصيد ويحب طيره
واحدن طموحه كيف جمع المغاتير
واحدن همومه بس يرضي مديره
واحدن يحاول كسب حب الغنادير
محدن عمل لجل الحياة الاخيرة
يوم الحساب ويوم عرض التقارير
في يوم ما ينفعك شمل العشيرة
ولاينفعك شهرة قصيد وجماهير
ولاينفعك فعل الذنوب الكثيرة
من عمرك اللي راح كله مخاسير
يالله دخيلك جعل بالأمر خيرة
ويالله عسانا من هل الدين والخير