مشتاق له والشوق فتت فؤادي ..
.. محتار في بعده وتايه ومنقاد !
ياكم تعب صوتي وانا اصرخ انادي ..
.. هل ياترى قلبك عن الحال نشاد ؟!
اسهر واشوفك ترقد الليل عادي ..
.. وانا حبيبك لي يجافيه لرقاد !
انا في وادي وانت تطرد في وادي ..
.. ارجع ترى قلبي به العوق يزداد !
عقب التفرق طاب شبك الايادي ..
.. طعم التسامح غير والهجر مافاد !
لو تعاند بعاند ويطغى عنادي ..
.. ياما طفى شمع المحبين لعناد !
ياطير ياللي باول الصبح شادي ..
.. وينك ترى وقت السمر طاب لنشاد !
الليل موحش دون صوته وهادي ..
.. ماغير انا وابيات نكتب على الضاد !
ياوردة فوادي يانرجس ياكادي ..
.. الي انكسر بالطيب يصلح وينعاد !
رد مع اقتباس