-
الزمن : مجهول لفقدآن الساعه الرمليه !
الإتجاه : جهة خامسه !
هنا والكرسي اللي من هجرته هزه إغيابك
وشارع تعشقه غيمه تبلل وجهة / الغابر !
سرت ذيك الزوايا والشجر والطير بأسبابك
تثاوب ليل ماغمض .. يضم اوسادته ساهر
لقيت الامس في يده حنينِ .. شاب ماتابك
مضى هالامس مابين الزحام ودوخته عابر
يردد لك ( انا صابر على تجريح مخلابك ..
انا صابر على بعدك الى بكره وانا صابر )
اشوف الشوق ماوطوط اظنه تاه في غابك
لبس ثوب الغروب وعلق اماله على باكر
فرش له حلمْ وارخى حاجبيه وصك دولابك
تقلب .. مادرى هالضيم حوله شبه متناثر !
ومر الريحْ .. يمسك في يمينه ريحة اثيابك
وقف نبضه يلوحْ ياعطر لاتختفي / ناطر !!
تعال وعانق الفجر العفيف .. اللي تغنى بك
بكى ومخدته ملت دموعه وانت مو شاعر
نزل من بؤبئيه اسراب هم و دمع متشابكْ !
صحى طفل الملامه واحتضن لعبوبته يآمر
هنا شاعر نحر شوقه وتحنانه على / بابك !
هنا بابك خذل شاعر !
هنا بابك خذل شاعر !
هنا بابك خذل شاعر !
هنا بابك خذل شاعر !
كفر بالصبر لان الصبر لامن غبت ماجابك
ولان الصبر ماجابك غدى في ملته / كافر
رسمة الوقت برشامه بكت من يد طلابك ؟
يغششك الوصال ومل قلبه . ينصحك ذاكر
زرع حبك وطاحت في يده ( تفاحة اتعابك )
دخيلك بادر إبوصله .. عشان إرضاوته بادر
ولازالت الساعه الرمليه / مفقوده ! .....
ناصر بن حسين
[
رد مع اقتباس