من الاسباب الي تأدي الى ارتفاع المهور هو انظر لأصغر الامور التي لا تسمن ولا تغني من جوع و خاصة ان في مجتمعاتنا معطين كلام الناس أهميه كبيييييييييييره ((مع انه كلام الناس ما يأكل عيش ))
و السبب الثاني أن البنت مخليه ف بالها ان كل شي تبي تشتريه من يوم هي و صغيره بتحققه لما تتزوج و كل شي فخاطرها بتشتريه من المهر و بعد الي يصدمك يقولن ليلة العمر ويخلنها ليله خياليه وكلها هذي الامور من المهر ف يطلبن كثير <<<< يحسسنك انهن بس بيعيشن ذيك الليله بس و ان بعدين ماشي حياه ما يفكرن ان المبلغ الي بيصرفنه حق ذيك الليله يكفيهم حق كم شهر جدام
و السبب الثالث الاباء احيانا لو البنت مقتنعه اقتناع تام بان المهر أفظل يكون بسيط الانها تفكر لذاك اليوم و دوم و حاطه ف بالها ان المهر الوايد راح ياثر على حياتهم بعد الزواج لكن الاباء يرفضون و يطلبون المهر الغالي على شان لان كل تفكيرهم ايش بيقولوا الناس
و الحل الامثل ف نظري ان كل عيله تكون واعيه اكثر و تفكر بمنطق و عقل و الدين لما فرض لمهر على الرجال ما على شان يرهق نفسه ب الدين و عيش حياته بعد الزواج ما يقدر يرفه زوجته و عياله او انه يوفر لهم حياه كريمه ((على فكره لما يكون على الرجال دين ما يكون رومنسي لانه باله مشغول و مشتت و ذهنه مش صافي حتى يكون رمنسي على شان كذا يا بنت اذا تبي زوجك رمنسي قللي مهر شوي<<< هذا نتيجه تحلليل مخي)) المهم نرجع لموضوعنا الاسلام لما فرض المهرحتى يبين قوامة الرجل على المرأة ...
ف الحل الامثل وعي الاسره في ذا الموضوع لان لو خلينا ان صندوق الزواج هو احد الحلول و العرس الجماعي كذلك فقط ك حل ما راح نجني فايده دام الاسر تتفنن ف الطلبات و خاصه لما يقولون لك مع الشبكة نبي الساعه من الماركة لفلانيه و العباه من المحل لفلاني ما تقل قيمتها عن المبلغ لفلاني و الحم نبيه مال عنزه شعرها ذهبي ايش هذي الطلبات هذا زيران ما عرس .....
رد مع اقتباس