28/1/2013
Monday
صبااحكم همسة روحانية كلها إيمان



اليوم بروح عنكم س3 تبداء رحلتي للديار المقدسة ...قلت ادش اسولف معاكم هع
البارحة رحت مع مملكة وماماتها سوينا شوبيج وخلصنا هع نسيت كم غرض عندهم
رتبت شنطتي وخلصت باقي الكاميرا ادخله بشنطتي

ظهري تكسر البارحة من مكان لمكان...ناس متحمسة
خخخخخ فديتهم انا.
وناس زعلانه هم فديتهم انا..



خبروني شو بيصير بمباراة المنتخب اوكيك لاتنسون بليزززز
( عاد موصية اللي بالبيت) هع.

المرة الماضية كنا جروب فوق 9 بنات شلة وحماس هالمرة قل العدد
يالله مااحس بالدرب وانام ادري صعب انام




12/2/2013
Tuesday
صبااحكم أمل وتفاؤل صباحكم محبة صباحكم وحشة
إشتقت لكم حيل حيل حيل حبايبي
كيفكم عساكم اطياب ومرتاحين؟؟؟

انا الحمدلله بصحة وعافية والعمرة كانت عال العال صح تعب شوي بس الحمدلله ع كل حال

تبو احكي لكم من اول يوم اللي هو كان الاثنين 28/1/2013؟؟؟؟

بحكيلكم....االأثنين رحلتنا كانت س2 ونص المهم انا داومت نصف دوام لان كان لازم اداوم اخلص كم شغلانة
وبدل ماارد البيت رحت اتشرى كم شي هع
وماماتي تتصل تعالي وتعالي ورديت البيت وتجهزت اتصلوا يقولوا س4 خخخخ
عاد انا رتبت اغراضي وطلعت توصيات
محد يغير شي من اغراضي محد يشيل شي من اغراضي والخ

بعدها وصلت س4 ورحنا عند مواقف حديقة الخوض وبعد فترة بسيطة جاء الباص وركبنا
الباص لونه احمر هع
طبعاَ انا ماجلست وراء قدام بعد الشباب وبدت الرحلة وبدت كل وحدة تقرب لنا شو طابخة
بس انا مااكل خخخخ ااف ع بطني
المهم كان العشاى تصدقون عيش بس عيش محترم !!! كنت جوعانه كذا اكلت

المهم الباقي مااذكر اذكر لحد الثلاثاء س1 او اكثر الباص قال بنزلكم المصلى تريحون وبالصباح بنكمل لحد ميقات
المهم الصباح الجماعة اكلوا وفطروا وانا اكلت نص فطيرة جبن ونص سنتوب
( شو اسوي مااحب اكل اول الصباح وانا والجبن موب ربع)


وصلنا المقيات بداية الصباح واغتسلنا وبعدها صلينا ركعتين وبدينا نلبي
لبيك اللهم لبيك....ألخ

وصلنا مكة ياااااسلام وأخيراَ وبعد عناء طويل دشينا غرفتنا كنا 4 اشخاص انا وماماتي ومملكة وماماتها
بعدها رحنا نعتمر شو زحمة ناس تدفش بعض...

الحرم فيها تصليحات المهم بدينا نطوف الاول الثاني لحد الرابع وأغمى علي
هع ماحسيت إلا الناس تكفخ فيني واشكال وانواع كل حد يعطيني ماي وياحجه وياحجه خخخخ
وحطوني بالقرب من الجدار اللي قرب الكعبة ووقفت مشيت شوي خبرتهم مااقدر وعاد شالوني

لحد صوب مقام سيدنا ابراهيم واخذت رست شوي بعدها رجعت نشاطي وكملت باقي الطواف
وصلينا ركعتين بعدها سعينا وتحللنا ( الحمدلله)
طبعاَ وصلنا بيوم الاربعاء....عند المقام مو وايد زحمة يعني سهل تطالعون الاثار اللي داخل وهم سهل تمسكون الكعبة والركن اليماني
بس الحجر الاسود صعب بسبب الزحمة يكفي تسلم عليه من بعيد

(عاد ماااذكر كل يوم شو صار بس اذكر الاشياء المهمة مثلاَ لما رحنا المدينة هع طبقنا باللفت خخخخ لحد ساعدونا
الحمدلله انكتب لنا عمر والناس خايفة وانا اقول الحمدلله توني طالعة من المسجد النبوي وصليت بالصف الاول بالروضة
(وهي روضة من الجنة) فديتني...



الرحلة كانت حلوة والزيارات من مسجد قباء جبل عرفات مسجد بلال جبل النور جبل احد ومنى ومزدلفة
امور كلها حلوة
والصلاة في الحرم تريح الروح نسيت اخبركم مرتين صلى فينا ماهر المعيقلي صلاة المغرب
صوته يهبل...هالمرة ماصورت لان المكان مزحوم وكل حد يشوتك من صوب والعربة اللي حق المعاقين ضربتني برجلي
هالمرة كلها دفاشة


نسيت اقولكم رحنا نتسوق من خلف هالبرج وسوق العتبية طبعاَ انا ماتسوقت الا الشي البسيط لان مافيني اشيل الف شنطة
اخذت مسك اممم ريحتها تهبل
خخخخخ والرحلة طيبة وماسويت فوضى اعجبكم واذا تذكرت شي بخبركم امممم صح رديت يوم الثلاثاء س2 بليل
عاد مو ابتسامة وفرحة لما وصلت خخخخ
ولك باك تو هوووووم