ممتلي جوفي غيابك ... جيتك أملاني / أناك

[رايق البال]

يسعد مساكم / صباحكم
هلا بالجميع ..
لقاء متجدد يجمعنا احبتي واتمنى ماراق لي يروق لكم ...




اتحرى الصبح يصحى ..... وأبتديه بركعتين ..



وامتطي صهوة سكوتي .... وآتطأطأ لك هناك

يصطفق هـ التيه وجهي ، وإيتساقط لك أنين ...

ممتلي جوفي غيابك ... جيتك أملاني / أناك

لامتى والصبر شيخ(ن) .. ملتحف ثوب الحنين ؟

لامتى والشوق طفل(ن )..... محتضن همه يبيك ؟
جيتلك والقلب يصرخ .. لـ آخرك ياهيييييه لِين
طالبك تضوي شموع(ن) .. ذابت / إبحروة لقاك

ماتشوف الغيم ذايب .. في زهور الياسمين ..

يعشقه

يخشى ذبوله

يفتديه من الهلاك ..!!

ماتشوف الليل يسهر ... في لقاء صبحه سنين

ينطره

يلبس نجومه

يحرسه كنّه ملاك ..!!
ماتشوف الشمس ليلى ... قيسها بدر(ن) حزين

تشرقه

تعشق ضياءه

تختشي هذا وذاك ..!!

كنت اهز الغيم يغرق.... من هماليك جبين

كنت اغيض الشمس لّنك .... بس تمنحني دفاك
كنت احب الصيف لاجلك .... وآتمنى توت/ تين
كنت تسقيني وصالك .... يثمر بروحي غلاك

من سنه والغيم يسقي وحدتي بالحزن / دين

شوفني لازلت صحرا كيف ترضى لي اذاك ؟؟؟

يعني : هذا اللي بغيته .... تترك الحسرة تبين

شوفني بعدك اعاني .. وانتَ مهملني / وراك

عاشقك حلمه تضايق .. لاغرق بالدمع / عين

مغرمك هـ الوقت شحّه .. شآخ ليله ماغفاك

عاشقك صدره بدونك .. صار للضيقه سجين ..

ينطرك والدهر عدى ...... وانت تلحقه / إبـ جفاك ..

دام ناوي في بعادك .... خلني أو ( قووول وين) ..؟؟

.... راح تاخذني بدوني ../ ثم : ترحل بي معاك )

و...... آتريق عشق ذابل .. وابني الاحلام / طين

واتمنى الصبح يغفى ... يمكن ... إيجيبك مساك

ابتديت الدرب (رحله ..... وانتهيت / إبـ خطوتين ..

وامتطيت الصمت ..

وابقى

ريح تاهت في مداك ..


اخوكم / رايق البال

[صدى صوت]

الله االه .. اختيار جميل جدا اخي رايق .. يعطيك العافيه
نص روعه

[الرميثي]

نص رائع
يسلموووو استاذ ع الكلمات الراائعه ..
يعطيك العاافيه

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

[نسر البوادي]

الله الله عليك استاذي رايق البال ابيات فاقت الروعه وانتقاء للحرف اجمل يعطيك الف عافيه ياذوووق

[حبي خالص]

الله الله عليك استاذ
اختيار رااااائع
وذوق جدا رااااااااااااااااقي
دمت مبدع ومتألق

" نص يستحق النجوم الخمس "

[رايق البال]

الله االه .. اختيار جميل جدا اخي رايق .. يعطيك العافيه
نص روعه

صدى
تسلم والله
الف شكر لمرورك وتعليقك اللي اسعدني .. كل الود لك مني

[كل الحكايه اشتقتلك]

اختيار جميل سيدي
مودتي

[رايق البال]

نص رائع
يسلموووو استاذ ع الكلمات الراائعه ..
يعطيك العاافيه

الرميثي
تسلم والله
الف شكر لمرورك وتعليقك اللي اسعدني .. كل الود لك مني

[نورمان]

قصيده جمييله وذوق رفيع
احييك عليه