[ الــقهر ] :إن شفت دمعات الرجال / و [ الأمل ] إحساس في عين الضرير

[مجنونك ما يخونك]

[ الــقهر ] :إن شفت دمعات الرجال / و [ الأمل ] إحساس في عين الضرير

صبآإحكم ~ مسآئكم جووري وسكر‘ ..

قصيدة .. [ بلآد الحلم ] ..

لـ صآنع الإبدآع ,, الشآعر / أحمد الصآنع

::

*

*

جاني واحد و قال : بسأل كم سؤال,,

وقبل يسأل قلت : أنا ماني خبير !




قال: جاوب بس , يا ولد الحلال

وكل كلمه حِطَّهَا .. فبيتٍ صغير






قال نبدي : شنهو تعريف المُحال..؟

قلت :

خَل هالكلمهـ

فـ البيت الأخيـر ..!





القهــر: إن شفت دمعـات الرجال..

والوطن : ( إنسان ) .. مِتغيِّر كثير,,






والطفل : لعبه على شاطـي الرمال..

والأمل : إحساس في عين الضرير,,







الوفا : [ قلبين ] .. يجمَعهُم حلال..

والرَجُل : اللـي علـى أهلـه يغير,,






والرجا : لا قلت : للواطـي تعال..

والفشل : مدري .. ولكنـه مرير,,






والشعر : في وقتنا .. بدر وطلال..

زين وأوَّل : حيـل يعجبنـي جرير ..!







والغلا : إحساس إلى حَـد الخيال,,

والعِشِق : لا شفت مَعشُوقِك تطير..







والجفا : إعكس مفاهيم / الوصال,,

والوَصِل: يعنـي تأكَّـد فيك خير..







والعقل : تِسْفَـه أقاويـل الجهال,,

والجهل : إن قلت عن نفسك كبير..







والخطر : لا صار ما عندك مجال,,

والبلا : إن صرت معدوم الضمير..






والعجب : لا صرت تسأل منهو قال,,

والتعب : إن كنت تِبْحَثْ عن مصير..







الغنى: بالنفس ما هو راس مال,,

والفقر : من كان .. بأعماله فقير..







يكفي يكفي .. أسئله إنهي الجدال,,

ويالله علمني عَن .. السِّر الخطير..







ما أبي تضرب لي في غيرك مثال,,

قول : عنِّك وإعتبر سِرِّك في بير..







جات طعنـه مِن جنوبك والشمال,,

يعني وضعِك بين مِن حُولك خطير..







صاحبـي وإن ضاقت بعينك ليال,,

لك فرشت القلب مفروش الحرير..







في [ بلاد الحلم ].. ممنوع العقال,,

والمصيبه الشعب ما أختار الأمير..







وما ألومك .. كان شدِّيت الرحال..

دام بيتك جرح / وفراشك حصير,,







و هذا تعريفي إلى كلمة : مُحَال..

شي ودِّك فيه ولا يمكن يصير ..!

[رايق البال]

هلا فيك مجنونك ..
نص واختيار كالعاده لايجيده سواك
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[اهلي ملاذي]

نص رآآئع جدآآ مجنونكك
تسلمي ع آلطرح آلمميز
خآالص آحترآمي/!

[الرميثي]

نص رائع
يسلموووو اختي ع الكلمات الراائعه ..
يعطيك العاافيه

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ