-{ أبي أعبّر لك عن أشواقي . . /

[مجنونك ما يخونك]

أبي أوصف لك مدى حبّي ولكن خانني التعبير
..............وأعبّر لك عن أشواقي ولكن جتني العبره !!


عن أكبر حب بالعالم عجز حرفي عن التصـويـر
..............تعدّى حبي لشخصك حدود العالم بأسره !!


محبّه بـ صـدق ياعمري . . ولابه نيّة التزويـر
..............حبيبي الله لو تعرف .. غلاك بقلبي ياكبره !!


واكبرمن غلا قيس الليلى وعنتر لعبله ويالزير
..............أكبر من غلا أم لـ طفل مبتدي عمره .!!


غلاي أكبر ، و بك يكبر وأحسه عايش التطوير
..............يزيد و يزيد في قلبي ، و يملك ميزة العشرة !


غلاك أكبر من إني بيوم أخطه بحرف وتسطير
..............وحبك وصل بقلبي . . سنام المجد والشهره !


أحبك .. كثر الناس ، كثر البشر ، وكثر الخيــر
..............وكثر ما بالصحاري رمال . . وكثر ما فتّحت زهره !


وكثر ما بالبحر من ماء وكثر ما بالسما من طير
..............وكثر ما جتني طيوفك .. ومعهن .. زانت السهره !


وكثر ما بالسما نجمه ، و كثر ما للفشل تبريـر
..............و كثر ما للفرح بهجه . . و كـثـر ما للحزن جمره !


أحسّك تسري بـ دمّي و حبك ما يبي تفسير
..............حبيبي آآآه لوتعرف . . . مدى تاثيرهـــا النظره !


أحبك ؟ ليش ما أحبك ! وأرفض مبدأ التغييـر
..............و أنا اللي قبل ما أعرفك . . حزين وضايق صدره !


أحبك كثر ما أحبك ، وأدري .. خانني التعبير
..............عجزت أوصف لك إحساسي ولكن تكفي النظره

[رايق البال]

هلا فيك مجنونك ..
نص واختيار ولا اروع الله عليك الله
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[الصممت هيبةة]

نص جميل ..
يسلموو على طرحك الرائع ..

[بقايا طيف]

الشكر الجزيل للاختيار الجميل
والذائقة الرائعة
نص في غاية الروعة والجمال
دمت وسلمت

[الرميثي]

نص رائع
يسلموووو اختي ع الكلمات الراائعه ..
يعطيك العاافيه

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ