+[.. الجزء الخامسـ.. ]+

+[..تدريــ وشـ يغيض الرجل بهوى البنتـ..]+
+[.. انهــ يعيشـ بواقع(ن) مادرابهـ .. ]+


رفعت راسي صوبه ..رديت عليه وانا مستغربه : انا الريم ..
تمت يطالعني مستغرب ويطالع سعيد ..وعقب رد يطالع الاوراق : مشا الله علييج شغلج ماعليه كلام ..
تم يصاصر سعييد وحسيته يتكلم عني مااعرف ليش ..بصراحه تروعت ماعرف ليش .. وعقب ظهروا من المكتب بدون مايقولون أي شي .. وانا بخاطري اعرف منو هذا ..يوم برد سعيد بتخبره ..لالالالالا شو بيقول عني ماتستحي تتخبر عن الرياييل .. اففففففففففففففف فضول ابى اعرف منو هاا ؟؟ شوي اسمع تليفوني يرن ..واشوف الشاشه لقيت مكتوب فيه المصرقعه ههههههههههههه هااي موزاان ربيعتي : ان الرقم الذي طلبته مغلق او خارج نطاق الخدمه حاليا يرجى الاتصال فيما بعد ..
نقعت مووزه من الضحك : هههههههههههههه شو عندج يالدبه ؟؟
: عندي ربيعه دبه تصدقيين ؟؟
: هههههههههههههه انتي دبه ويارااسج ؟؟
: متى بتسافرين ؟؟
: بااجر انشا الله ... واليوم بخطف اسلم عليييج ..
: يامرحبااا بج والله .. والعررس متى ؟؟
حسيتها استحت خخخخخخ مايليق عليها : بداية شهر 8 ..
: وزهبه متى بتتزهبيين ..
: بتزهب من لندن والبااقي بخلصه يوم برد .. لاني بتم اسبوعيين وعقب برد ..
: اهاااا مابتطوليين عيل هناك ..
: ماعلييه في شهر العسل بعووض ..
: هههههههههههههههههههههه مالت علييج اتخيل مصرقعه وفستان ابيض ..
: هههههههههههه ع الاقل احسن عن المفلووعه ..
: مااااااااااالت عليييج هههههههههههههههههههههههههههههههههه ....
رفعت رااسي لقييت سعييد يطالعني مستغرب على ضحكي .. والله تروعت منه فقلت لموزه : موزاان بخللييج بااي ..
رقعت التليفوون الخط بويهها حتى ماترييتها تقول بااي .. وهذا بعده يطالعني ماعرف كيف .. نظرااته غامضه ماافهمهاا ..بس والله تعذبنـــــــــــــــــــــي ..
حبيت اكسر الصمت : اقول سعيد منو هاا؟؟
قعد ع كرسي المكتب ورد علي بدوون مايطالعني : ليش شوو تبينه ؟؟
افففففف مااحب اسال سؤال وحد يرد علي بسؤال .غلاسه صح ..طبيته ولا رديت عليه .. وتمييت اقرا الجريده المحطوطه ع الطاوله وسوويت طااف محد شاف خخخخخ ... ماحسييت الا بحد يسحب الجريده من اديني .. انصدمت هاا شووا عنده يسحب الجريده ؟؟شو يتحرى عمرره ؟؟ يعلـــــــــــه ..افففففففففففف تمييت اطالعه بنظراات لاني صدق انصدمت ... وعقب سمعته يقوول : مااحب اسال حد ومايرد علي ..
طالعته بنظراات عصبيه : وانا ماحب اسال حد سؤال ويرد علي بسؤال ..
قعد ع الكرسي مقابلني مبتسم : سوري .. بس هذا بوعلي مدير فرعنا اللي في بوظبي ..
رديت علييه ببروود : يزووووووول ..
طالعني منصدم وعقب ضحك : هههههههههههههههههه ليش ؟؟
بعد تضحك ويهالرااس : لا بس ماا رتحت له ..
تووه كان بيرمس بس رن تليفوون المكتب ورفع السمااعه .. حسيييته ساكت وتم يطالعني مستغرب وعقب يمكن خمس دقايق " ورد تم ساكت وعقب نقع من الضحك "ههههههههههههههههههه لالا عندنا عليااان ... مسموحه اختي باي .. سكرر التليفون ورد يطااالع يقهر هالانساان ونظرااته تقهرني بعد : بتخبرج الريم عندج خواات ..
استغربت من سؤاله : هيه عندي وحده ..
: كم عمرهاا ؟
وانت شو يخصك بلاه هذا يتخبر عن سويره : عمرها 16بتدخل 17 "هني تذكرت ان عيد ميلااد ساره باجر" وبتسير ثالث ثنوي مقدمينها سنه ع المدرسه ..
: اهاااااا ... وخواان .؟
بلااه هذا شوو عنده : هيه عندي واحد عمره 14 ..
سكت عنه وعقب قال : منوو اللي كانوا ويااج في السور الصين ...
ههههههههه الله يساامحك لييش تذكرني بهذاك اليوم ..سكتوا سكتوا بسوي عمري عاادي : هاييل قوم خالي ..
وقالي بفضول : وشو عندكم متولفييين ..
والله مارمت ازخ عمرري : ههههههههههههههههههههههههههههههههههههه.
طالعني مستغررب وقالي : سوري ع الفضوول ..
حراام احرجته : لا عااادي .. قوم خالي عازمينا لاني نجحت وتخرج ..

حسيته يبى يسولف ماعرف كيف ..فقال لي : ترااني بسافر باجر المغرب وبرد عقب 10 ايام ..
ماعرف شو اقوله ..والله حز بخااطري سالفة السفر ..بصرااحه تعودت عليه وع نظرااته ..خلااص مابااه يفارقني ..ماعرفت بشو ارد عليه غير: تروح وترد بالسلامه ..وان شا الله تستاانس ..
سكت شوي عقب سألني وليته ماسألني : بتتولهين علي ولا بتفتكين ..

قفط ويهي ..هذا شوعنده خخخخخخخ اتخيل اقوله اكييد بتوله عليك ولا اقوله هيه بفتك ..شهالسؤال المحرج خخخخخخخخ .. فقلت بسكت ومابرد عليه ..
وحتى هو حس بأني انحرجت فغير السالفه ..تم يسوولف ويااي عن يوم كان في الجامعه حتى انا قاعده اخبرره سوالفي وسوالف ربيعاتنا في الكليه ..بصرااحه ارتحت ويااه وااااااايد ..تمييت اخذ واعطي ويااه بسوالف والله طيـــــــــــــــــــــب من الخااطر واللي في قلبه ع لسانه .. تحسووونه انساان راقي في تعاامل ..مااعرف كيف صدق يدش الخااطر غصب ..وبصرااحه يوم انا اكلمه اطالع ملامح ويه تحسووون الرجووله فارظه نفسهاا علييييييييه ادري مااستحي اطالع الرياال بس مارووم اغض نظر عنه خخخخخخخخخخخخخخخ ..
: سمحيلي الريم تراني واايد اهذرب ..
:هههههههههههه لا افااا عليك عاادي خذ رااحتك ...
: بتخبررج تعرفين حد اسمه علي ضااعن ..
تمييت افكر منو هااا :امممممممممممم لا والله ماحصلي الشرف ..
تم يطالعني بخبث : تدررين انه فييج لمحاات منهم ...
شوهاا ماشا الله عليه واايد مدقق في ملامحي ماشا الله علييه : الله يخلق من الشبه اربعيين ..
رن تليفووني شفت رقم سيهامووه الدريوليه : الووو ..
من الصوب ثااني : هاا ماما انا واقف برع ..
انتبهت لساعه خيبه انا من الصبح قااعده اهذرب وياااه ماشا الله علي ..اسولف وماانتبهت للوقت : خلاص الحيين بييج ...
توت توت سكرت بويهي هههههههههههههه .. قمت من مكاني : خلاص اسمحلي برد البيت السيااره تترياني ..
حسييت الابتسامه اللي في ويهه اختفت .. يالله يهالانساان شكثر يعذبني .. من اسبوع عرفته والحيين هب رايمه ع فرااقه 10 اياام ... وكيف يوم بيخلص التدرريب .. يالله ياربي الهمني الصبرر ..
سمعته يقول بهمس : الريم
تمييت اطالعه وانا اعض شفايفي من تحت النقااب ... مد لي ظرف لوونه وردي فوشي وقالي : اندوج هالظرف اقرييه ..ويوم برد بنتفاهم ..
شليت الظرف وانا متردده وسيده ظهرت من المكتب ..خلااص احس عمرري بصيييح هب راايمه اني افاارقه ..فقته وفقت اليووم اللي شفته فييه ..ليش اسبه لييش؟؟
يالله ياقلبي كله منك ؟؟ معقوله احبه ؟؟ ماااااااااااااااالت علي شوو احبه مااحبه شهالمنكرررر .. صح انا ماسوويت شي غلط والحب هب عييييب .. وصلت البيت سرت سيده حجررتي لان اماايه رووحها محد في بيت عمتي ناعمه ..انسدحت ع شبريه وبطلت الظررف ..قرييته مره ومرتين وثلااااااث .. ياللــــــــــــه معقووله يحبني ..؟في الرساله كلها ماشي غير انا احبج ياللــــــــــــــــــه .. حتى انا اقسم بالله هالانساان دش حيااتي ونهب قلبي بسهووووووووووله يالله يالدنياا ..
ربي يحفظك ياسعييد وين مااكنت .. صدق بتولهه علييه وع نظرااته ..وع ابتساامته .. .. اففففففففففففف ليش يساافر قهررر...

غيرت ملابسي وتسبحت عسب الصلااه .. وعقب ماخلصت صلاااتي ظهررت صوب حجرة سارووه .. ماعرف احس بكل خطوووه اليوم اخطيها احس بفرررح .. وينك عني من زماان .. دقييت باب الحجرره محد رد علي .. دخلت بدوون دق بيباان وخراابيط .. لقيتها ترمس بالتليفوون .. ويوم شافتني حطت صبعها ع شفاتها"بمعنى سكتي لا ترمسيين" ..تمت تهذررب ربع ساعه وعقب سكررت : هاا خيير شو عندج ؟؟شوياابج الحجرتيه ..
والله هالبنيه غبيه : ماااشي مافيه ارقد لان مووزان بتي تسلم علي اليووم ع العصر ..
بفضوول : وين بتذلف هااي بعد ..
: تذلف في عيينج ..بتسيير لندن عسب تتزهب لان عرسهاا بداية شهر 8 ..
: زيين زيين ..بنفتك من العااانس ..
: هههههههههههههههههههه لو سمعتج بتصفعج ..
: قصوورهاا ..المهم "وقالتها بفضوول" علوومه بن فاهم ..
فديت هالطااري انا والله : بااااجر بيساافر ..
وعقب نقعت سااره من الضحك : هههههههههههههههههههههههههههههههههه
استغربت منهاا : بلاااااااااااااج يالخبله ..
تمت تطالعني وهي تبى تسكت عمرهاا : اليووم دقييت لج ع المكتب ..احيدج انتي اللي ترديين علي .. قلت الوو هاا يادبه ..راعية بن فاااهم ..ويينه عنج الحبييب .؟؟
عقب سمعت .........

ماخلييتها تكمل لاني هجمت علييها ..الدبه يااافضييييحتيه عند سعييد ..ماعليه ساروه ..قعدت ع ظهررهاا ..
سمعتهاا تصاارخ : قووووووووومي ذبحتيني ...
قمت لاني حسيتها بتمووت : والله ياساروووه ان دقيتي ع المكتب ياويلج ..
وميته الحبيبه من الضحك : هههههههههههههههه انزين خليني اكمل ..
طالعتهاا بنظراتها وهي عاادي عندهاا كملت السالفه : المهم سمعت صوت ريال يقول الوو ..قفطت ههههههههههههههه قلت له الو سمحت اخووي عندكم الريم سعيداان هههههههههههههههههههههههههههه ..
ضربتهاا ع رااسهااا : شو الريم سعيييدااان بعد ...
وسااره ميته من الضحك : ههههههههههههه قالي لا عليااان ..
هني عااد مارمت ازخ عمرري تمييت اضحك ويا سااره وجني تذكررت يوم رد ع تليفوون ومن جي تخبرني اذا عندج خواات : ههههههههههههههه طاش ماطااش شو عليان وسعيداان بو ضرووس هههههههههههه ..
سكتت سااره شووي وعيونها تدمع من الضحك : بقوولج شوو استواالي اليووم ..
: وشو استواالج بعد ..
: شوويخ دقت لي تليفوون ..قالت لي بخطف عليييج بعطيييج شي انزيين .. وانا سرت اتلبس واتكشخ ..
سالتها: شو لبستي ان شا الله؟..
حسييت تغيرن ملاامح ويههاا : لبست بنطلوون اسوود وبودي اسود وعلييه قميص كويتي يوصل ليين الركب ..لوونه اسود وتركوواز..تحييدينه هذاك اللي شريته من مول الامارات ..
رديت علييها : هييه اذكررره ..
: المهم لميييت شعري ذيل حصاان ..المهم اني كشخت ..دق جررس البيت ظهررت البشكاره تبطل البااب وانا اووني لحقتهاا ..وازقر شوويخ من ورا البااب الصغيير ..شيخوووووووه تعااااااااالي ..ماسمعت ردهااا ..فظهرت لها رااسي تحريتها تتغلس ولا يظهرلج اخووهاا قداامي ..
مارمت اززخ عمرري ضربتهااا ضرب : انتي بلاااااااج اليووم ..فضحتييناا ..
سااره تمت تضحك هب راايمه تزخ عمرها من الضحك ..ههههههههههههه .. : خلاص تووبت الوقايه مابتخووز عن رااسي ..
بفضوول : وشو يبى اخووها يااي ..
سارت صوب الكبت ويابت صندووق لوونه عناابي وفيه قلووب شكله حلووو هب عوود صغيررر شوي : وشو المناسبة يابت لج هديه ..
طالعتني سااره بغييض : لانه عييد ميلادي بااجر يالشينه ..
: ايووااا كل عاام وانتي بخيير ..
حسيتها بتمووت من الغصه : بس واااااااااااااااايد علييج نبى هديه نبى عزيمه ..
: تراا بااجر حفلة عييد ميلاادج ...عزيمي ربيعااتج..
تشقق سااره من الوناااااااااااااسه : وااااااااااااااااااااااااااااااااااااو اخيراا بنسووي حفله .."نقززت علي" فدييت روووووووووووووحج انا والله قسم بالله انا احبج ..
:هههههههههههههههههه خلااص خوورزي ذبحتيني ..

ظهررت من الحجرره وساره عااد بدت تدق لربيعاتها عسب الحفله وانا سرت ادور اماايه عسب اخبرهاا .. لقيتها قاعده في الصاله هي وخاالي حمد وعموتي ناعمه... سررت سلمت ع عمووتي ...
عموتي ناعمه : انتي ويينج مختفيه ..
: والله مشغووله بالدوااام وصدعته ..
خالي حمد : اللي يسمعج بيقوول موظفه رسمييه ..
: ترااهم يكرفووناا لان نحن متدرباات ..
اماايه : الله يوفقج يابنتي ويرزقج بولد حلال ..
امييين ويكوون سعييد من نصيبي خخخخخ : المهم بقوولكم شي .. ترا بااجر نبى نسووي حفله ..
اماايه : وشو المنااسبه ..
: عيد ميلااد سارووه ..
عااد عمووتي ناعمه عووقهاا سارووه : فديت رووحها بتدخل 17 ..ياربي كبرت هالبنيه ..
خالي حمد يبى يغايضني : شهالمنكرر عيد ميلاد ومااعرف شوووووو ..يلاا مااشي حفله ..
يقهرر صح : احلااااااااااااااا هنااااااااااااااااااك.. خلااص نحن عزمنا البناات ..وماباقي غير زينة الحفله والاكل ...
عموتي ناعمه : خلااص عيل عقب المغرب بنسيير انا ويااج كارفور وبنااخذ اغراااض ..
قمت من مكااني وجني وصلت للي ابااه : خلاص عيل تم..
خالي حمد : عاادي احظر الحفله ..
طالعته بغييض : لا والله .. هااي حفلة بنات هب حفله عائليه ..
خالي حمد : هههههههههههههههههههه ماعليه ان ماخربت الحفله عليكم ..

سرت عنه ومارديت علييه .. لان مووزه دقت وقالت انها عند باب بيتناا .. ظهررت صوب الحوي ولقييت مووزه تسوولف ويا عيالنااا سيف وخليفه وفلاح ..: ايييه انتي شو تبينهم عيالنا ..
قربت مني تسلم علي : مابااهم عندي هاادف ...
خليفه : منوو هادف ..
سيف : هادف ولا جول ههههههههههههه ..
هههههههههههههههه والله انهم خبال : مايخصكم يالله دخلووا داخل شو موقفنكم عند البناات ..
اونهم مؤدبيييييين ساروا بدوون مايردوون علي غريبه : حياااج مووزه قربي ..
: لا فدييتج خلاص انا بسير فهد اخوي يتريااني ..
:لا وييين توو النااس ..
: والله يالله يالله طااع اييبني صووبج المهم السمووحه منج شي بخااطرج من هنااك ..
: لا فدييتج سلاامتج ودقيلي ..
: ماعلييه بحاول ..
سلمت علي وساارت ..حراام ماقعدت الله يردها لي بسلاامه .. اففففف الحيين شوو اسوي ملل ..كلهم سافروا سعيد ومووزه حرااااااااام ابااهم ..خخخخخخخ ادري بتقولوون عني يااهل بس صدق ابااهم .. بتوله عليهم ... والحيين شو اسووي ..اوووه صح بدق على علايا بقوولها تي حفلتناا ..دقييت ع رقمهاا ..سمعت حسها من الصوب ثااني : مرحبا ملاييين ولا يسدن فذمتيه ..
: مرحب لاهاااااااااان قدره ..
: وينج يالحلووه ماشفتج في الدواام اليووم ..
: ترااني متعووده علييج انتي تييني ..
: لا والله ..
: هيه والله ..اصلا مكتبج مادله ..
: حد مايدل مكتب سكرتيرة المدير العاام ..
:ههههههههههه هيه اناا ..
: ماعليه ان يييتج مره ثاانيه ..
: ههههههههههههههه خلاص يوم السبت انا بييج ..
: خلاص صاار بتريااج ..
: المهم يا الحلوه بااجر حفله عيد ميلااد اختيه وانا عازمتنج ..
: بااجرر .. لييش بااجر شوو ؟؟
: باجر الخمييس يالحلووه ..
: اممممممممم خلاص عيل بشووف وبرد لج جواب ..
: ماشي تشووفيين ابااج تيين ..
: ماعلييه .. الحين سمحيليه بسيرر اسلم ع قوم سعيد ..
يالله فديت هالطااري حظج ياعلاياا : خلاص عيل وسلمي ..
: ههههههههههههه اوكي فداعت الله

سكرت عنهاا وانا سعيد شاغل كل تفكيري والله هالانسان .. يعذب حتى وهو محد يالله فديت رووحه .. وترد لي بسلااامه قوولوا اميييييييييين ..

المهم ع المغرب خطفت علي عموه ناعمه ويا سيهامووه الحلوه خخخخخخ سرنا الجيمي مول .. ودخلنا سيده كارفور ..وتمينا ناخذ مال الزيينه وماعرف شوو ..وسرنا صووب تهااني الخليييج واريج ناخذ لهااا هدايا ... وعقب ظهرنا من الجيمي مول وسرنا صوب الاهليه (البروزنيك) سرنا صوب لابريووش وتفقنا وياهم ع الكيكه وسويت .. ورديناا البيت ..حاولت بعمتيه تي تسهرر ويانا بس ماطااعت اونها هب راقده من الصبح .. دخلت البييت وحطيت الاغراض في المطبخ و عقب سرت صوب حجرة امايه لقيتها زاخه التليفوون ترمس ..تمييت واقفه ع راسها وسمعتهاا تقوول منصوور وابو منصوور وعرفت انها تكلم خالووه منى ... والله هالانساانه بودي اشووفهاا .. خالتيه اخت امي ومانعرفهاا .. كل من خاالي حمد ..سمعت انه هو ريل خالوه منى متضاربيين من جي مانسيير صووبهم .. قهرررر اكييد عندها بناات كبري .. ظهرت من عند امايه عسب ترمس خالووه ع راحتهاا وسرت صووب حجرتيه .. غيرت ملابسي ولبست بجاامه ..بطلت الاب توب مالي وتمييت اسمع اغااني وقصاايد .. وعقب تمييت احوط في المستنداات مال كمبيوتريه لقييت مجلد مكتوب علييه (سجل محادثاتي) بطلت فضول خخخخخخخ ..تمييت اقرا محادثااااااات سارووه .. ونص المحادثات طنازه ونصهن مالييل المعجباات يتغزلن في ختييه هههههههههههههه امبونها سارووه ماداني سوالف البناات والمعجباات الا تسايرهن ..وعقب بطلت محاادثه .. تمييييت اقراهااا وكل مااقرا حرف فيهاا يزيد فيني الغييييييييييييييييض : ساروووووووووووووووووووووووووه !!