مسااء الووورد
داشه ابا اهذر وافرفش قبل لا ارجع اذااكر لكن
قبل لا ادش مدونتي دشيت مدونة devil eyes
طبعا وايد احزني اللي كاتبتنه.. وف نفس الوقت
حسيت بشعور غريب..وبخيبة امل
واايد الحين يسبوا الاطباء وما قادره اتخيل
اني يمكن انحط ف هالموقف..ما اتخيل حد يدعي علي بهالطريقه
الموضوع ما سهل..شي صعب تتعامل مع اروااح..واايد محاسبين
يعني لو انا صايرلي نفس هالموقف بصير مينونه وبتحسب وبدعي عليهم نفس الشي..بس لو تخيلت عمري كطبيبه ما اتخيل حد يدعي علي بهالطريقه
يعني لو كنت مهمله استااهل لكن لو كنت العكس ما استااهل والله<<فيس يصيح..الحين حسيت شكثر الموضوع صعب..يسد الدراسه صعبه وتيي الوظيفه اصعب ومسؤوليه كبيره..عن جد بديت اخااف
الاسبوع الماضي ابوي يتكلم ع الاطباء..قلت له كأنك تمدحنا
ضحك وقال يمكن ف المستقبل تطلعوا احسن ويحاول يرفع
من معنوياتي..لكن صدقهم الاطباء الحين خاسفين بالدنياا هع..
لكن قسما كل شي حولي ما يحمسني>قلب متهشم
علووووه خل عنج هالهذره ما تدري شو بيصير لغاايته
ياا رب رحمتك وعفوك وتوفيجك..والله يرحم ويغفر للمسلمين والمسلمات الاحياء منهم والامواات<<كأني قلبت السديس
المهم والله حاسه غير بس هيك الحيااه
وتستمر الحيااه
بس تفلسيفه وشلي عمرج وسيري ذااكري
اصطلبي اشوووف واابوووي عليج<<فيس يطالعني بنص عين
تحيه كبيره لاختي devil eyes❤
صبرااا..فإن موعدنا معهم في جنان الخلد ان شاء الله
وكان الله في عون الجميع
واستودعكم الله❤