رد مع اقتباس
ام عادل:هديل هديل وصمخ انشاءالله...
هديل نازله من فوق:هلا خالتي بغيت شئ ؟؟؟؟
ام عادل:بدري ...انتي صمخه او تتصامخين
هديل:كنت... قاطعتها ام عادل
ام عادل:كنت ما كنت اسمعي روحي سوي الشاهي والقهوه بعد شوي بيجون اهلي يله تحركي
هديل:ان شاءالله..ورحت تسوي اللي قالت عليه وخلصت تبغي تطلع فوق..
ام عادل:هديل ...؟؟؟؟
هديل واقفه على الدرج:نعم خالتي ..!!!
ام عادل:روشي ريمي وحماده ولبسيهم و نزليهم عندي يله بسرعه
هديل:ان شاءالله..طلعت لفوق وشافت عبدالله يركض ويضحك وقفت بوسط الدرج تناظره بستغراب وهو حاط اصبعه على فمه يقول اووووووووووش.....
لان تعرف هبل اخوها وجلست على الدرج تترقب وش يسوي..وفجاءه انفتح باب غرفه عادل بقوه وطلع منها وليد وباين عليه معصب مره ويتلفت يمين وشمال يدورعلى احد ولما شافها هدأ..
عادل واقف عند اخته:هدوووله ..
هديل تبتسم:هلا وليد...
عادل:بسالك شفت احد دخل غرفتي؟؟
وقبل ما تجاوب تذكرت اخوها عبدالله فعرفت انه مسوي شئ فحبت تكمل اللعبه...
هديل:لا ماشفت احد ...ليش؟؟....عادل يعرف ان هديل ما تكذب فعشان كذا صدقها
عادل:لا بس احد رشني بمويه وانا نايم ومالحقت عليه..وبعدين انتي وش مجلسك هنا ؟؟
هديل:هاه ...امممم لابس حسيت رجلي نملت وجلست اريحها ليش..حرام الجلوس بالدرج؟
عادل يمشي عنها بيروح لغرفته:لا مو حرام بس انتي نسيتي انه مايجوز وانه ...
قاطعته هديل بخوف:بس بس خلاص لاتكمل..عالطول قامت وراحت غرفه حمادة وجلس عادل يضحك عليها وعلى خوفها..وعلى دخلته للغرفه هاجمه عبدالله برشاش المويه وهو فاطس ضحك
عادل بقهر:هييييييييه وجع انا كنت حاس مايسوي الحركات الا انت شله..عبوووود
عبدالله فاطس ضحك عليه لانه تقريبا تسبح..فقام على اخوه اخذ الرشاش لان عبدالله ماقدر يتمالك نفسه هو يرش على اخوه...
وليد بعصبيه:انا اوريك يا الثور..وجلس وليد يرش على عبدالله اللي ميت ضحك
عادل معصب:وجع ضحكت من غير سنون احر ماعندي ابرد ماعندك صدق ان ما عندك سالفه
عبدالله وهو يضحك:هههههههه ياخي وش اسويبك ههههههههههه موراضي تقوووم قلت ياولد استعمل معه الخطه رقم 11ههههههههه..
عادل:وفرحان حظرتك وبعد مسميها خطة11 يا فلاحتك بس
عبدالله:اكيد مسميها عشان يا شاطر ماتتلخبط مع باقي الخطط يعنى كل طريقه لها خطة ورقم
عادل:اقول لاتكثر ..وش تبي انت الحين زاعجني
عبدالله:ابد والله اشتقت الى اخي الغالي الى اخي الحبوب الى...
عادل قاطعه:اخلص وش تبي سيارتي ماراح اعطيك اياها..وبعدين وين تبي تطس ؟؟
عبدالله:والله بروح انا فواز بنتمشي شوي وبرجع والله ياعادل ماراح اتاخر ..
عادل:طيب..عطيت امي خبر؟؟ اومثل كل مرة...!!!
عبدالله:لا تخاف قبل ما اروح بقولها انت هات المفتاح الحين والله ابلشني ولد عمتك بسرعه
عبدالله ماعنده سياره عشان كذا ياخذ سياره عادل برغم انه يعرف يسوق ويدل كل الاماكن اللي ماتخطر على البال بس حكم سنه ودراسته.. رفضت امه تجيب له سياره عشان ماتشغله عن الدراسه
عادل:خذ الاذن من امي وتعال كلمني ....OKودخل الحمام اللي بغرفته عشان ياخذ له دش
هديل تحاول تصحي حماده اللي مو راضي يقوم فراحت تدغدغ فيه عشان يصحى وكانت ريمي عندها وفاطسه ضحك من هديل وحماده
هديل:يله حماده حبيبي قوم يله..وتدغدغ فيه هو يصارخ من الضحك وشافت ريمي اللي كان الوضع جايزلها ...
هديل بخبث:هاه ريمي تبين اجرب فيك..هزت ريمي راسها بالنفي وهي تبتعد عنهم بس ماخلتها تنحاش عالطول مسكتها وهي تضحك بصوت عالي وشالتها وحطتها بجنب حماده فجلست تدغدغ بالاثنين وهم فاطسين ضحك
حماده:ساني ساني ...هزيل
ريمي:اني اني زيل...(يعني ثاني ثاني هديل)
هديل :لا ماراح اسوي لين ماتقومون و اروشكم وبعدين اسوي لكم اللي تبونه يله قدامي
سحبت يد حماده وعالطول قام اما ريمي معروفه بالعناد الا الحين او مافيه..فرضت تقوم
هديل:يله حبيبتي الحين عبووود بيروح البقاله وبيجيب حلاوة لحماده وانتي لا..
لما سعمت طاري حلاو وبقاله قمزت من السرير تتسابق على الحمام ضحكت عليهاوهي تقول بنفسها ياحبل الاطفال للبقاله والحلاوه ..
جلس عبدالله بغرفته وهو يفكر وشلون يقنع امه لانها ماراح ترضى بالسهل وقطع عليه حبل افكاره الجوال ولما شاف مين رد عالطول
عبدالله:ياخي ترى ازعجتني مافيك صبر..
فواز:بسم الله ..طيب سلم بالاول مو تهب فينا
عبدالله هو يبتسم:ولايهمك السلام عليكم..زين كذا
فواز:ايه توك تصيرعبود اللي
اعرفه هاه وينك فيه ساعه انتظرك
عبدالله مستغرب:اي ساعه الله يهديك مالي الا ربع ساعه مقفلين ومتفقين على كل شئ
فواز:المهم تجي او لا ..؟
عبدالله:اكيد بجي بس ابي خطة اقنع امي فيها...!
فواز:حنا نبي موافقه عادل وش دخل امك بالموضووووع .؟
عبدالله:يا ذكي انت وش فيك عادل طول عمره ماقل لا..المشكله الكبيرة امي !!!
فوازمستوعب:اهاااااا قلتلي امك طيب يا حلو وش رايك تقولها انك تبي تروح تجيب من ناصر اغراض...
عبدالله يضحك:هههههههههههه اقول كثر منها انت ماتعرف امي زين تحب تعرف كل صغيره وكبيره...
فواز:طيب امممممممممممم قولها اني غايب اليوم وتبغى تعطيني جدول الاختبارات والملخصات وغيره
عبدالله:والله فكرة ..اثريك داهيه وانا اخر مايعلم طيب واذ قالت ان اليوم الاربعاء او اتصل عليه
فواز بدءيعصب:وش فيك دلخ انت دبر نفسك بنفسك يله انا انتظرك..باااااي
عبدالله مستغرب :باااااي ..طرار ويتشرط..وطلع عبدالله من غرفته يبغى يروح لامه وتقابل هو هديل بالممر ..
هديل:اشوفك طالع على وين ..؟
عبدالله:هديل طلبتك قولي تم ..؟
هديل :يوه ياعبود من متى وانا ارفضلك طلب من غير ماقول وش عندك امرني ..؟
عبدالله:مايامر عليك عدو..امممم ابيك تقنعين لي عادل يعطيني سيارته لمده ساعتين..؟
هديل مستغربه:الله ساعتين وين تبي تروح ؟ وبعدين ماعتقد عادل يصبر على سيارته ..
عبدالله:انتي اقنعيه تكفى هدوووووله طلبتك..
هديل:بحاووول معه واذ رفض بقوله ساعه ..؟
عبدالله:زين اهم شئ اطلع شوي مواعد فواز بطلعه...
هديل وهي تناظرة بخبث وتبتسم:طيب بشرط
عبدالله مستغرب يقول بنفسه غريبه هديل تطلب او تتشرط لانها ماتطلب شئ دايم تقتنع باللي عندها ..
عبدالله يبتسم:امرني هدووووله كم هدووووله عندي...
هديل مبتسمه:اممممممممم دامك طالع ياليت تمر على ستاربكس وتجيب فربتشينوا ..
عبدالله يناظر فيها بمكر:وانتي وش عرفك فيه..؟
هديل مستغربه:تموت على بلاغه الشف ..نوف ذاقته وتقول جربيه
عبدالله:ماخربك غير نوف هذا ام الدوابير..
هديل:حراااام عليك والله مافي مثل هالبنت ..
عبدالله:ايه دافعي عنها بس بكرة تقووولين عبود ماقال المهم ماطلبتي يا الغاليه بس قولي لعدووول لاتنسين بروح اخذ الاذن من امي وبجي ..OK
هديل:ولا يهمك انت روح جب الموافقه وراح تحصل اللي يسرك..
عبدالله وهو ماشي عنها ولف عليها ويطير بوسه على الهواء ابتسمه من حركه اخوها..دخلت غرفه عادل لقته بالحمام ياخذ دش جلست تنتظره وبعد ربع ساعه طلع وكان لابس فنيله وسروال طويل وحاط الفوطه على راسه واستغرب ان هديل تنتظره اكيد في شئ مهم مو من عوايدها تنتظرني اما هديل كانت ميته من الحياء "وش خلاني انتظره بغرفته كان انتظرته برا"وقطع عليها افكارها
عادل:هاه هدوووووله وش عندك ؟
هديل مستحيه:كل خير بس ابي منك طلب ولا تردني ..
عادل:افاااا يا هديل متى رديت لك طلب امريني وش طلب الغاليه ..؟؟؟
هديل تعرف ان اخوانها يحبونها بسبب امهم وطريقه معاملتها وكل ماتقارن بينهم وبين مرت ابوها تخنقها العبره وتسكت وتحاول تكون طبيعيه واكره ماعليها الشفقه وكانت دايم تحذر اخونها من ان يشفقون عليها بس وضحولها انهم يحبونها على انها اختهم الحبوبه...قطع عليها عادل
عادل:هدوووووله وش فيك..؟
هديل تبتسم:مافي شئ اممممممممم ايه صح عبدالله يبغى ياخذ سيارتك لمدة ساعتين ؟
عادل:نعم نعم ساعتين وين يبي يطس هذا .؟
هديل:والله مدري بس مسكين خله يروح يتمشى ترا اليوم الاربعاء و خله يفرله شوي
عادل:وانا اجلس مثل الحريم احط يدي على خدي انتظره لالالالا قوليه I'm sorry
هديل تضحك على طريقه اخوها:طيب هو طلبني وانت تقول ماقد رفضتلك طلب
عادل:هدووووله حبيبتي والله مقدر مواعد نواف وصديقاني وصعبه اخلف الوعد..
هديل:طيب خذه معك وربي يكسر الخاطر عشاني حطه عند فواز وهم يدبرون اعمارهم..
عادل:ماطلبتي يا الغاليه اوامر ثانيه..
هديل تبتسم:لاسلامتك يالله انا استاذن بروح اشوووف اخوانك الصغار..
وطلعت من غرفه عادل الغرفه اخوانها الصغاروشافت حماده محتاس بلبس الجزمه وريمي مثل براءه كل طفل تناظر فيه جلست هديل عند حماده تبتسم كملت لبسهم وشالت ريمي ونزلوا تحت
عبدالله:يمه تكفين والله ماراح اطول ساعه وبرجع ..حب راس امه
ام عادل:لاتطول والا والله يا عبووود اذ مارجعت بعد ساعه راح احبسك مع هديل انت تسمع..
كانت هديل واقفه تسمع الحوار حكم القوي على الضعيف ما قالت شئ اكتفت بتنزيل راسها وانتبه عبدالله لنظرات امه اللي متجه لهديل وشاف هديل واخوانه الصغارولاقال شئ لانه لوحاول راح يخسرالطلعه ففضل السكوت
ام عادل:بس ماتطلع الا اذ جت امك موضي وخالتك هدى وحنان تسلم عليهم..
عبدالله مستغرب:متى بيجيون ؟؟
ام عادل:بعد المغرب ...تعال يمه حماده انت وريمي اشوف لبسكم
راح لها حماده واخته ريمي ..كل مايسوي شئ حماده تسوي مثله كانهم تؤام وقف عند امه وهو يبتسم
ام عادل:والله عندك ذوق ياهديل تعرفين تختارين المهم روحي نادي عادل خليه ينزل وانتي بعد روحي تعدلي وتزيني تعرفين امي تحب تكونين معنا ...
