+[.. الجزء الحاديــ عشر.. ]+


+[.. هذا لقانا يا اقربـ الناسـ ليـ قربـ وقربـ .. ]+
+[.. عسى الربـ يصلحـ منـ بينـ كلـ قريبـ مقربـ.. ]+



ربعنا انا وساروه كل وحده صوب حجرتهاا .. وجهزنا لنا كم بدله ووكم عبااه ووكم شيله ومابننسى اغاراضنا الشخصيه .. المهم خذينا كل شي مهم .. بصرااحه انا واايد مترووعه ومستانسه بنفس الوقت لاني بشوووف قووم خالتي ... وماعرف كم يوم بنتم هناك .. ولا وين بنقعد حتى ... ظهرت صوب الصاله لقيت ساره وامايه واقفاات وكل وحده حاطه شنطتهاا عدالهاا ..رفعت راسي لهن : وين خالي حمد ..
شفته ظاهر من الحجره وشال ويااه كندورتيين وكيسه : خلصتواا ..
: هييه ..
قاطعتهم : وسيف اخويه .؟؟
ردت علي امايه : عند خالج حميد وباجر بيي وياهم ..

ركبنا السيااره ونحن متجهييين لطريق بوظبي .. محد كاان يرمس كلن لاهي بتفكييره بس انا حاولت اقطع تفكيرهم : اماايه ؟؟ شو قالت لج خالووه يوم دقت تليفوون ..
تمت ساكته امايه عقب ردت : نحن كنا ظاهريين من بيت قوم مانع ودقت تليفوون تصيييح ؟؟ تقووولي الرفجه انكم تيوون .. علي ريلي يته جلطه ..وتمت تصييح ..
: الله يعيينهم ..
خيم الهدووء ع السيااره مره الثانيه ..بس عقب سمعت خاالي حمد يقووول : ريمووه ..لييش ماقلتيلي ان ربيعتج جي غااويه ..
تميت اطالع ساره وساره طالعني ونقعنا من الضحك : ههههههههههههههههههه ..
: عيبتك خالي ..
شفته يبتسم ويطالعني من المنظره : هيه ماشا الله علييهاا ..بس كانت كله منزله راسها ..مستحيه ..
سمعت ساره : هههههههههههههه اونها علايا تستحي ..
خالي حمد : ايييييييييييه حوو اسمها خالووه علياا ..
عاد انا وساره تمينا نضحك : ههههههههههههههههههه ...
تم خالي ساكت عقب قال : شفت اخوو ريلها المتووفي ..
هني انا سكت مارمت ارمس وسارووه طالعني ومسكت اديني جنها تقوولي هدي ..
سمعت خالي يقوول : بصراااحه ريااال له هيبته ماعلييه كلام ...
والله غصب عني دمعت عيوووني لطااريه واحسييت جسمي ينتفظ .. مارمست ولا نطقت بكلمه .. والله هالانسااااااااااااان طااريه يعذبني .... وانا ابى انسااه ..ليتك ماكنت معررس وليتك قلت لي من البدايه انك معرس .. ولا ماكنت فكرت فيك واخليتك تتملك كل افكاااري .. لعبت بمشاااعري ويوم احتجتك اكتشفت انك معررس وكاان هااي صدمتي ...
: بناات شو تبن ..
رفعت رااسي شفت واحة ادنووك ..وسمعت سارووه تقوله : خالي حمد نبى 2 بيسي و2 فيتامين سي و2 جيتووس لو شي و2 جلكسي و2 كندرر ..
خالي حمد : نعم نعم ... محد يسألج انتي .. بييب لكم غرشتيين مااي ويسدج وهذا واايد بعد ..
انا تمييت اضحك ع سوالف سارووه وخبالهاا .. وحسييت ان سالفت روحتنا لبوظبي هي اللي اثرت فييها وعرس خالي حمد.. يمكن استانست لانها بتغيير جوو .. مادريبهاا لاني ماشفتهاا جي مستاانسه من عقب وفااة احمد الا هالمرره ويوم خبر انه بيتقدم لعلايا .. تقربت منهاا ولوويت علييها بقوووو .. وهي دززني : بلااااج تخبلتي ..
امايه : شوو عندكن ..قوومن تماطن بالكشييش بعد ..
والله يوم اتذكر الموقف يوم ضرابتي انا وساره اضحك : ههههههههههههه ..
سااره : امااايه نحن وين بنقعد في بوظبي ..
اماايه : بنقعد في الفندق ...
بطل خالي حمد باب السيااره .. ومد لنا كيسه ..وهجمت سارووه على هالكيسه : الله جلكسي ..كندرر .فديتك خاالي زيين يوم يبت لي سندويتش جبن ..
عصبت اناا : بس حقج ..
ضحكت سارووه : لالالالا يااب 4
ابتسم خالي حمد : ترااه مشكل ..عقب مانزور ريل خالتكم بنسيير المطعم ..
وصلنا بوظبي ..وتوجهنا سيده المستشفى ..نزلنا من السيااره وكل وحده ترتب نفسهاا طبعا انا وساره هب متغشياات ونقاب عقيته في البيت مايبته خخخخخخخ ..
دخلنا ورى خالي وامايه المستشفى ونحن نتبعهم .. شفت خالي حمد واقف عند الرسبشن ويتخبر عن رقم حجرة ريل خالتييه .. وعقب مشيناا وياااه .. وصلناا قسم الانعااش ... شفت حرمه كبيره واقفه عدال الباب وريال وبنييه .. تقربت امايه وخالي حمد منهم ونحن وقفنا بعييد .. شفنا سلاااااام طووويل تذرف له العيوون .. وبذاات يوم خالتييه سلمت ع خالي حمد .. ياللــــــــــــــــــــه والله اني دمعت غصبن عني ..سارووه دزني : خالوه وعرفناها لكن منوو هذا ومنوو هااي ؟؟
قلت لها : الريال يمكن حسن ولا منصور اما البنيه يمكن لطيفه ولا اليازيه ..
: هههههههههههه شوو راايج انسيير صوبهم ..
رديت عليها بندفااع : لالالالالا قفطه بيقولون عنا ملقوفاات ..
: هيه والله صدقج .. خلنا هني ابرك ...
تقدمت اماايه والحرمه اللي كانت واقفه اكييد هاي خالووه منى سمعتهاا تقول : ماشا الله ماشا الله ..هييلا بنااتج ..
ابتسمت اماايه حقناا : هييه نعم ..
تقربت خالووه صوب سااره ولوت علييهاا : فدييتج يالريم كبرتي احييد امج يوم يابتج ..
ساره صدت صووبي هي واماايه ..عااد انا مارمت ايوود عمري تمييت اضحك : ههههههههههههههههههههههههههه ...
قالت لها امايه : هااي سااره الصغييره "اشرت علي " هاذي الريم العووده ..
تمت تضحك خالووه : هههههههههههههههههههههه ..تعاالي "مدت لي ادينها ولوت علي من الخااطر" فدييتج واايد تشبهيين امج .."تمت تطالع ساره" اماا هاذي تشبه ابووها سبحاان الله ..
شفت بنيه تتقرب مناا ..تقول حق اماايه : عرفينا ع بنااتج خالووه ..
سلمت علينا عقب عرفناا انها لطيفه عمرها 22 ..تخبرتها ساره : وين اليازيه ..
ابتسمت لساره : في البييت قااعده هي واخووي ضاعن ...
سمعت خالي حمد يقوول : خلاص نحن نستأذن ..
خالوه منى : وين بتسيروون .. بتردوون العيين ..
امايه : لا فدييتج بنسيير نرتااح في الفندق وبااجر بنييكم ..
خالي منى : والله مارقدتوا في الفندق وبيتي مفتووح لكم ..
خالي حمد : يابنت ابوووي لا تحلفييين ..
مني مني اليييييييييين ماطاع خالي حمد ان نحن نقعد في بيت خالووه منى ..سمعت خالوه منى تزقر ولدها : منصوور منصوور ..
تقرب منا : لبييه الغااليه ..
سارووه تصاصرني بأذنيه : ماشا الله علييه ..
: جب ماتستحييين ..
ابتسمت سارووه .سمعت خالوه تقووله : وصل بنات خالتك واختك وييب وياك الفواله ..
رفع منصوور راسه صوبناا : شحالكن بنات خالتي ..
انا وساره : بخييييييير
تمت لطيفه طالعنا انا وساره وطالع منصوور ..وشفتها ادز منصووور : اووووه عرفنا من وين لك هالعيوون العسلييه ..
خالوه منى : من خالته شريفه ..ماخذه من يدتكم لون العيوون ..
لطيفه بحسرره : خسااره لييش ماكنت عيووني ملووونه ..
لا انا ولا ساره ولا حتى منصوور علقنا على هالموضوووع .. بس صدق لون عيوونه نفس لون عيوونا ..بس نختلف بملامح الوويه ..ماشا الله علييه غاوي وشكله هااديه ..افففففففف بلاني جي ابصبص في الرياال ..سمعته يقول : يالله توكلنا ..
سمعت ساروه تقول حق امايه : اغراضنا في سيارة خالي حمد ..
عطاني خالي حمد السويتج سيارته وقال : خذن اغراضكن وعقب عطي السويج السياره منصوور يوم برد المستشفى برده لي ..
سرنا اول شي صوب سيارة خالي وخذينا غراضناا وباقي الحلاوه خخخخخخ ..عقب سكرت انا السيااره وتقدمت منصور وعطيت له السويج ..: اندوك ..
ابتسم لي : مانسيتي شي ..
هزيت رااسي بنفي ..
وعقب مشينا ورااه انا وسارووه ولطيفه تمشي عدااله ويوم شفت سيارته شهقت : ياووووويل حاالي فتك اسووووووود ...
كلهم طالعووني مستغربييين ..سارووه دزتني : حوو انتي ماقد شفتي نيساان فتك من قبل ..
قفطططططططت يالله يالفضييحه وهذا يطالع وابتسم ..زخخخخخخ صدق اني ملقوفه والله ظهر مني هالكلاام بعفووويه كانت ردت فعلي لا ارااديه ..
دزتني بدفااشه لطوووف : بااجر انا ويااج بنحووط فييهاا..
ابتسمت لهاا ..خخخخخخ بصرااحه احسهم غريبيين عناا ..وماتعودناا علييهم ولا شفتوونا مطيحيين المياانه ويااهم ..ركبنا السياره لطيفه عدال منصور وانا وراها وسارووه ورى منصور ...وكاان الجوو عندناا غيير يوم كنا بسيارة خالي حمد ..لطييفه الا تسالناا وتسوولف مستغغربه منهاا لو انا في مكانها وابووي طايح في المستشفى تلاقووني ميته صياااح ..اوووه نسيت اخبر ابووي انا نحن في بوظبي بطرش له مسج .. سمعت لطووف تسألني ..: اقوولج الريم شوو الكليه ويااج.
: هههههههههههه خلصتهاا ..
انصدمت : نعم متى ان شا الله ..
: هالسنه فدييتج ..
: مبروووك الغااليه وسارووه انتي أي صف ؟؟
ردت بمستحى اوونها تستحي : بسيير ثالث ثنووي ...
: ادبي ولا علمي ...
: لا علمي ..
: يالله يالله ... عندنا حد في العايله عقب حسوون داخل علمي ...هههههههههه...
سوويت عمري هبله ماعرف منوو حسوون : منوو هذا بعد ..
ضحكت لطووف : هذا اخووي العوود ..اصغر عن منصوور ..يدررس في لندن ..
سارووه تمت تطالعني وتبتسم ..حسيتها ميووده ضحكتهاا .. والله حتى انا بخااطري اضحك .. شهالعبط واللقافه اللي فيه خخخخخخخخ ...
عقب دخلناا شعبييه فييهاا فلل عووده وكبيرره .. وكل فله احلى من الثاانيه ... فجأه لف ودخلنا بوابه عوود ومشيناا سيده وفي هالطرريق كانت الزرااعه ع جواانب والوروود ... الحوووي كبييييييير بس منوور بليتاات السوور ... شي نافووره ع شكل جرره واااااااااااايد حلوووه ..قدام البااب اللي يدخلكم ع الصااله .. وقفناا قداام هالبااب ...ونزلنا اغرااضناا ودخلتناا لطووف : حياكم حياكم البيت بيتكم ...
تمييت اطالع ساره وساره طالعني ..بصراااحه بيتهم يجنن من برىى كيف من دااخل ...تقربت ساره مني وصاصرتني : اخاااف ادخل البييت ويغمى علي ..
والله ضحكت غصبن عني : ههههههههههههههه سكتي فضحتييناا ..
لطووف اطالعنا ::بتدخلن ولا اسحبكن بالقوو ..
دخلنا الصاله .. شوو اقوولكم ..تجننن ..تخبل .. ديزااين البيت من دااخل عجييب ...بيتناا نحن كبر هالصاله هههههههههههههههههههه ..اول ماتدخلوون من الباب لازم تنزلوون ثلاث درجاات ...وتشووفوون دري اللي يشلكم للطابق الثاني قدامكم ..لوون الصااله متدررج بني ع بييج .. لوونه كلاسيكي عجييب .. ومعلقيين ثريا"قمريه"فووق كبييره ..شكلها فخمه .. يالله شهالبيت ..
سمعت سارووه تقوول للطيفه : والله بيتكم غراااااااااااااااااام ..ماشا الله ماشا الله عن تقولوون بنت محمد حسدته ...
: هههههههههههه البيت بيتكم فدييتج ..خذي رااحتج ..
سمعت صووت رجولي مكبووت : لطييفه قوولي حق البشكااره تجهزز الفواله والعشا ..
: ان شا الله مسترر منصوور ..
تمينا انا وساره ومنصوور واقفيين بروحنا في الصااله .. حسييت شكلناا غلط ..بس ماشا الله علييه حشيم منززل رااسه ولا رفع عينه صوبناا وقاعد يلعب بتليفوونه.. اماا سارووه حليلها بعدهاا تتأمل في البيت .. وهب مستووعبه هههههههههههههه ..دزييتهاا : ايييه انتي هب شاايفه خيير ..
استحت ساروه وتمت تطالع منصوور : فضحتيني يالكلبه ..
: عيل اصطلبي ووقفي عداالي ..
: افففففففففف انززين ..
تمييت اطالعهاا بعدهاا تطاالع يميين يساار ..مااقولكم انها هب شايفه خيير خخخخخخ ...عقب يتناا لطوووف : بلااكن جي واقفاات ..لييش ماسرتن الحجره ترتااحن ..
تمينا انا وسااره نطاالع بعض ...عقب سمعناا منصوور : يعني البناات اول مرره ايين بيتناا اشدرااهن في البيت ..
حطت اييدها ع خصررهاا : ليييش مادلهن انتن بعد ..ترااهن الا بناات خالتك ..
سارووه لا اراادي : لا والله اتخيل ..
كلنا طالعنهاا مستغربيين .. عقب ضربتهاا ع رااسهاا .. وحاولت اصلح الوضع.: ههههههههههه مانبى نتعب ولد خالتييه .. وقلنا بتريااج ..
: اهااااا ..
يت وحده ترربع من فوووق ..بكشتهاا : حياا الله بناااااااااااااات خالتييه ..
ويت توايهنااا : شحاالكن بنات خالووه ..
سااره استانست يوم شافتهاا : بخيير ربي يعاافيج ..
وانا رديت عقب : يسررج الغاليه ومن صووبج ..
ردت عليينا وهي متشققه : بخيير من شفتكن .. تووها امايه دقت لي تخبررني انكن بتن وياا منصوور اخوويه "وصدت صوب لطوف" لييش ماخبرتيني كنت بتعدل لهن ..
لطووف بغيييض :تراااج متعدله ويهالكشششه ..جنه محد شعره طوويل الا هي ..
طالعت سارووه وتمت تطالعني بنظراات جنهاا فهمت قصدي "انها نفس شي دوم تفل شعرهاا وتلعب به وانا اقول لها نفس الرمسه "
ابتسمت لنا يزووي وتقربت مني : هاا هالسنه ثالث ثنووي ..
ساره ولطووف تمن يضحكن ومنصوور واقف بعييد ومايخصه بشي ..قلت لها : انا الريم العووده وهااي سارره اللي بتسيير ثالث ثنووي ..
قفططت يزووي بس عقب ضحكت من موقفهاا :سووري هههههههههههههه ..
ضحكت ع شكلهاا : هههههههههههههههههههه افاا علييج مااستووى شي ...
صدت لطيفه صوب يزووي وقالت لهاا : دلييهن حجرة الضيووف ..
قالت يزووي بندفااع : لالالالالالالالالا بيرقدن وياااي في حجرتي ..
لطووف بغييض : يمكن البناات يبن يااخذن رااحتهن ..
سااره بندفاع : لالالالالالالا انا برقد ويا يزووي وريمااني بحجرة الضيووف ..
لطووف : افاااا والريم ماتبنهااا ..
قلت لها : اصلاا ماارقد ويا ويهالوووو ..
ردت علي سااره بغييض : يااكبيييييييييره انتي ..
اوونهاا لطووف بتحاايز من بييناا : استووب بنات خالتي عقب تضاربن
تمت لطووف تضحك .. عقب سحبتناا يزووي فووق .. طبعاا الطاابق الثااني مايقل رووعه عن اللي تحت ..لوونه ازرق وديكووره كلاسيكي طررر وفييه ناافووره في النص ولوو رفعتوا راسكم لفوووق بتشووفوون السطح ع شكل قبه من زجاااج وفيه 4 ممراات عقب اشررت لنا يزووي ع وااحد من الممراات : هذا جنااح ابوووي "اشرت على اللي عدااله" هذا جنااحنا نحن البناات ..
دخلتناا ع وااحد من الممرات اللي مااشرت علليهم .. مشيناا في الممر عقب دخلناا ع صااله لوونها نفس لوونهاا ازررق فااتح والكرااسي اللي فيهاا نصهن ازررق ونصهن ابييض رووووووووووعه الصااله تفتح النفس ... فييهاا ستااره عريضه قالت لناا يزووي هااي بلكوونه ... داخل هالصاله شي 3 ابوواب دخلتناا ع واحد من هالابوااب وقالت بمرح : هااي حجرة الضيووف حجرة الرريم ..
شهقت اوول مابطلت البااب صدق هب شايفيين خيير ..لوونهاا بييج وستاارتهاا لوونهاا فووشي وفي نص الحجرره شبرريه مزدووجه فرااشهاا ولحاافهاا لوونه فووشي شراات لوون الستااره ..شي تسرريحه وشي بااب داخل هالحجرره ..اشرت علييه يزووي : هااي غرفة الملااابس وشي بااب لحماام ..خلاص خذي رااحتج انا بسيير اراوي سارووه حجرتناا ...
قلت لها ابندفااع : لالالالالا تريووني في الصاله بتسبح وبتلبس عسب ننزل ربااعه ..
ابتسمت لي الياازيه : اوكيك بنتريااج ..
سارووه بغييض : عندج خمس دقاايق ..

ظهررن من الحجرره .. ودخلت الحماام اتسبح وخلصت لبسست كندووره مخووره لوونها اسوود وفووشي ..اووني اطقم ويالحجره .خخخخخخخ..سحييت شعرري وتكحلت وحطييت غلووس خفيف لوونه وردي وتعطررت ع الخفيف ..حطييت الوقاايه ع رااسي ومابنسى اكييد تليفووني ...بطللت البااب الحجرره فجأه اووني ابى ارووعهن ...
اوول ماشافتني يزووي تمت تصفرر : شهالززززززين بنت خالتي ..
اوووني استحييت : الززين بين عيوونج الغاليه ..
ظهرتناا من هالجنااح ودخلتناا جنااحهاا هي واختهاا ..... لوون الصاله نفس لوون الصاله الاولانييه ازرررق ..بس لوون الكرااسي يختلف ..يااي لوونهن ع متدرجاات الازرق .. صالتهم الصرااحه واايد رقيقه ..تنااسب جوو البناات ..
اليازيه تمت تأشر : الباب اللي ع اليميين حجره لطاافي واللي ع اليساره حجرتي والبااب اللي في نص حماام ..
دخلناا حجرتهاا ..شوو تتوقعوون حجررة أي مراهقه خبله اكييد لوونهاا وردي .. اول مادخلت سااره الحجرره نقزززت ع الشبرريه : يالله فرااشج مرريح ..
ابتسمت يزووي عقب نززلت رااسهاا .. تقرببت منهااا لاني صدق ترووعت من شكلهاا : بلاااااااااااااااج يزوووي ...
شفت دمووعهاا طايحه ع خدوودهاا : والله تمنييت الاقييكم بظرووف احسن من هالظرووف ..
عررفت انها تقصد اببووهاا : ان شا الله بيقووم بالسلاامه وبيستوووي احسسن عن قبل ..
مسحت دمووعهاا : اصلاا هب اوول مره يطييح ..بس هالمرره اقوى عن اللي قبلهاا "سكتت ونحن مارمسنا احترمناا سكووتهاا لان نعرف انها بتكمل "ادرري ان ابوويه متنااقر ويا خالي حمد ..بس صدقووني ان ابوووي ناادم الف مرره انه ررد خالي حمد .. وهوو دووم مايطرريه الا بكل خيير بس قداام اماايه مايمدحه ولا يطررريه ..
تقرربت سارووه منهاا ولووت علييهاا : هاا مااضي وان شا الله الله بيصلح من بيينهم وبتنتهي كل المشااكل ..
ابتسمت لهن عقب قلت لهاا : "رب ضارة نافعه" يمكن طيحة ابووي بتصلح العلاقاات ..
ابتسمت يزوووي : يالييييييييييت والله ..
قطع كلامناا رنت تليفووني .. شفت الشاشه علايا يتصل بك ... رفعت رااسي لساره وقلت لها : خالووه علياا ..
سااره تمت تضحك ويزووي شراات الاطررش بززفه بس عقب انا ظهررت عنهن وسررت اقعد في الكرااسي اللي في صااله عسب اتكلم ع رااحتي ..: مرحباا ملايين ..
سمعت صووتهاا وهي تشااهق وجنهاا تصييح...تروووعت علييهاا : بلااااااااااج علاياا ..
من بيين شهقااتهاا : لييييييش ماقلتيلي ان خاالج هوو اللي بيتقدم لي ..
رديت علييهاا وانا صدق مترووعه : لييييييييييش ؟؟
: ماكنت بخلييه يتقدم ويتفشل ؟؟