تدري أمل عمري أني آصل رضاك

[المحبه للخير]

لا واللذي سوى عيونك .. وسواك
.. ماقلت أبيك ألا وأنا فعلا أبيك ..
الحب مايوخذ سوالف . خذ . و . هاك
الحب يقطع عرق عينك ويعميك
يدكني في تالي الليل دكاك
وإذا سألني عنك قلبي ؛ أزكيك
أموووت بك .. أعشق ترابك .. وماطاك
ومالاح صبح إلا وأنا أنوح وأبكيك
كني ملكت الكون إذا تضحك شفاك
تفداك روح اللي على النفس يغليك
أهواك .. تدري ويش تعني لي أهواك ..
أهواك معناها أنا .. ميتٍ فيك ..
لو ربع ماجاني من الشوق قد جاك
وربي الكريم ان ماتشيلك مواطيك ..
أن قاله الله والهوى الشين وراك
والله إن تبرد فبرد عشقي وأدفيك
تدري أمل عمري أني آصل رضاك
خذ كل ماتبغي .. على شرط يرضيك ..
سبحان من كب البهاء فيك وأعطاك
هسى عيونٍ شافت الزين تخطيك
ياحلو هم العشق . . ويازين بلواك
وماصابني من غم عساه يخطيك
قويت كل الناس وعجزت لأقواك
ياكثر ضعفك . . بس ياقوةٍ فيك

[امنتك الله]

يسلمووا اختي
كلمات جميله

[بـــن ظـــآآهـــــــر]

راقت لي الكلمات
ابدعتي الاختيار اختي العزيزة
لك مني كل الشكر والتقدير

[المحبه للخير]

يسلمووا اختي
كلمات جميله

كل الشكر لك على مرورك العطر
كلك ذوق

[المحبه للخير]

راقت لي الكلمات
ابدعتي الاختيار اختي العزيزة
لك مني كل الشكر والتقدير

كل الشكر لك على مرورك العطر
كلك ذوق

[حبي خالص]

المحبه اختيار جميل كالعاده
كلك ذوووووق خيتووووو

[اهلي ملاذي]

جميل جدآا أختي
تسلمي ع آلطرح آلرآائع$

[رايق البال]

هلا فيك المحبه ...
اختيار جميل وجدا رائع
الف شكر لجهدك المبذول .. كلك ذوووق
( نص يستحق النجوم الخمس)