شو الاطباق الرئيسة اللي تضيفون معازيمكم وهل شرط تذبحون لهم؟
في عمان:
ما قدر لنا من طبخ يعني لو غداء بيكون رز ولحم او دجاج أحيانا يطلبوا من امي تسوي سمك ..( مكبوس / قبولي / مرق حسب الطلب هههه ) وسلطة وشبس وبعد كذا فواكة وشاي وحلى ما تيسر ... لو عشاء لا لازم أصناف ع الاقل 3 أصناف .. اذا عندنا ذبيحه والناس متعنين لنا وقاصدينا مثل أحبابنا مال السعودية او الكويت والامارات نذبح لهم وضيافة لهم طول ما هم جاعدين عندنا .. وكذلك لو كانوا من أصحابنا في عمان وجايين من مكان بعيد وعندنا الذبيحة نذبحها اذا ما عندنا نشتري لحم من المسلخة ..
في استراليا:
بسوي برياني دجاج لانه حلال وسلطة ومعكرونه بالباشميل .. وفواكة وحلويات من المحل وعصاير وشاي عشاء او غداء نفس الأكل بس قد اعمل بيتزا شوارمة فريد شو ما يطلع عندي في الثلاجة وأصحابي ما هم ضيوف هم يتصلون يقولون نفسنا كذا وكذا والأمور طيبة .
جاءك ضيف فجاة من مشوار هل تكلف حالك وتشتري مالذ وطاب عسب كرم الضيف ؟
اشتري ليه لا مو كل يوم بيجوا عندنا ما بغينا نشوف وجه الزين لا اقبل علينا ههه
بخصوص النساء ماعندك شغالة بالمنزل هل تفضلين بعد الغدا الضيوف يساعدونكم بعملية الترتبيب والغسيل؟
في عمان:
هم يسألوا بس اذا بياخذوا الاغراض معي للمطبخ عادي بس ما يغسلونها وكذا عيب خاص لو أول مرة ولا مش انا معهم كثير .. لكن لو نعرفهم واهلنا او أعز أصحابنا اقولهم حتى المطبخ لو يبوا يغسلوه يغسلوه ههههه
في استراليا:
غصب من عينهم ينظفون ويغسلون بعد متعبه حالي من العصر في المطبخ اعمل طلبياتهم ..اجلس في كرسي هزاز والبركة في البنات البيت بيتهم هههه
لما تعزمون شخص تفضلون يجي قبل الوقت المحدد او يجي فقط يعبي بطنه ويروح؟؟
حياه الله بأي وقت الشرف لي قدومه ما بنختلف في الميعاد وكل شخص وظروفه .. أحيان يتأخرون لأسباب فعادي
كل الشكر لك عزيزتي طرحك
رد مع اقتباس