نوّخ ركابك وابشر بطيب الامال
والآدمي لا قال وعد(ن) يتمّه
يامحمد العمران يالنايف العال
ابشر بعز(ن) يدحر جيوش ظلمه
لك في حنايا القلب مرتع ومنزال
ولك في عيون الصّب ياصاح قمّه
ياصاحبي بالحب احوال واهوال
وفي ديرة العشاق اسرار جمّه
وللحب سكره وسكرة الحب تغتال
صبر(ن) نعلّق فيه روح(ن) وذمّه
وفي دنيتك ياخوي اشكال واشكال
والبعض لك ترياق والبعض سمّه
وفي الحب ياما عاشوا اجيال واجيال
وكل(ن) على بلواه اينوح همّه
وفي مجلس العشاق صادر ونزّال
والحب من رب المخاليق نعمه


ما شاء الله
أبدددعت أخيي
صح الله لسانك ، موفق "