...(ملذآت الحيـــآة !)~

[راعية سمحة]

السلآآم عليكم عربنــــــآآآ..~

من أعذب الأبيآت يلي سمعتهآآ وحبيت أنقلهآآ لكم
..( ملذآت الحيآة!)للثنآئي الرآئع : لحآمد زيد ونآصر القحطآني

نـــــاصــر:
الله يا زين الليالي كل مانرجع ورا
شان الزمن ياهل ترى .. والا يا عالم وش جرى
لا طعم للضحكه ولااللقمه ولا حتى الكرى
والعمر ينقص مثل ما تنقص ملذات الحياة

ما فيه صدرالا وفاح ولا كلام الا انحكى
واللي شكا واللي بكا .. واللي على الحزناتكا
واللي خذا له بندق و دور خويه و ارتكى
حتى افلس وضاقت عليه الأرض من كلالجهات

حــــامــــد:
كلن يجود بنيته ولكل مؤمن مانوى
الكره داء بلا دوى .. واصابعك ماهيسوى
العين تتبع ما هوت والقلب يتبع ما هوى
وان قوّم الله القيامه نسأل اللهالله الثبات

مايجرحك غير الصغير اللي يحسب انه عظيم
لاهو بشهم ولا كريم .. ولا سراطٍ مستقيم
تعامله مثل الخوي ويعاملك مثل الخصيم
ان كانها من بابغيره ما يغار الا البنات

نــــاصــــر:
إلا على طاري النسا .. قلللنسا عل وعسى
تذكرون اللي نسى .. وتدلهون اللي قسى
وإلى تردى بعضنا .. تكفونيا جمع النسا
اخذوا الغتر والثوب واعطونا الغطاوي والعباة

يمارس الهاويهواه من المهد لين اللحد
حتى اكثر العالم جحد .. واصبح مااحد فاضي لاحد
منقدم السبت احسب انه دايما يلقى الأحد
لاواحلالاه سنتين من العصورالماضيات

حــــامـــد:
صحيح لي قال المثل : ما كل حاجة بالفلوس
المال مايجمع نفوس .. ان عزروس يذل روس
من صار للدرهم قدر والناس تنداس وتدوس
جمع الرجال الاوفياء يغنيكعن جمع الفتات

اللي يحسب ان الرجوله فالشماغ وفي العقال
وبالضيق ماهو راسمال .. وما يعد من الرجال
هذا اللي لي من ثورت في راسه الطلقه حلال
الموت خيرمن الحياه اذا الحياء بالناس مات

نــــاصــــر:
الفقر كرهنا بعضنا..والنبيمنه استعاذ
وان ما لقى الطاير ملاذ .. العمر تاليه النفاذ
إلى اجدبت كفالعزيز ولا غشاها الا الرذاذ
قل له عليك ان طعتني بالباقيات الصالحات

كنمبتسم واحذر يقال انه عبس والا بسر
حتى ولو جاك العسر.. تلقى مع العسراليسر
اجبر خواطر وانتبه ينقال خاطرك انكسر
وارسم حلومك في البياض مربعاتمربعات



حــــامــــد:
ياكثر ما عبنا الزمن واثر الزمن مافيه عيب
إنعشت ذيب ومت ذيب .. وكل فعلك فعل طيب
خذها نصيحه من مجرب قبل لا تسألطبيب
اذا عيون الناس باتت عين ربك ما تبات

الله عطاك الموهبه والله كريماليا وهب
لو حكيهم يشعل لهب .. واقلامهم توزن ذهب
ماتبت ايدين النبي تبتيدين ابو لهب
اللي جمع شتاتهم يقدر يرجعهم شتات

نــــاصــــر:
من هم بصعود الدرج .. لا يلتفت لليهرج
يصبر و لو حظه عرج .. والصبر مفتاح الفرج
وإن حس في صدره حرج .. والهمطول ما خرج
يجلس مع نفسه دقايق فوق سجادة صلاة

افتح عيونك للحياه أكثروناظر في علو
لو عنك احبابك سلو .. و اعداك في كرهك غلو
والله لو تصنع منالليمون مشروبٍ حلو
كان اكتشفت الوجه الأجمل للمحن والنايبات

حــــامــــد:
ان صابك من النايبات المعضله خطبٍجلل
واجتاحتك موجة ملل .. وإغرورقت عينك بلل
يا عل كتف الصاحب اللي ما يشيلكللشلل
ولا بارك الله بالرفيق اللي يسوي هالسوات

حتى ولو تقدر تبوق الكحلمن فوق الرموش
وتجري مثل جري الوحوش .. سواة رزقك ماتحوش
يعني بلا توفيق ربكلا تهوش ولا تنوش
يالادمي ما فات مات و كل ما هو آت.. آت

نــــاصـــر:
الله على قدر النصيحة فى القديم منالزمن
كلٍّ إلى قالوا تمن .. قال أشري وصاه بثمن
واليوم الآباء قبل الابنانصفهم ما ينضمن
وجدي على لقمان والا يا وجودي يا بْركات

تشكي مشاعرناالجفاف وكل صدرٍ فيه خوف
أزمة ثقه وأزمة ظروف .. الكل منها ما يشوف
من كثر ماقل العدل ما عاد يرجون الضعوف
من بيت مال المسلمين ايّ صدقه وايّةزكاة

حــــامــــد:
من عزه الله في ذرانا ذيفراش وذي غطا
نعطي ولا نرجي العطا .. ولا يجي منا الخطا
نصبر على مر اللياليلو يطول ابنا البطا
بعض الاوادم لو يموت من الفقر ما قال هات

ما يجتمع كفٍ جواد ومدةٍ متباهيه
خل الاوادم لاهيه .. واعط العطايا راهيه
ياتكرم الناسبشرفها , يا تغور بداهيه
لو صدق لك نيه تجود تجود لكن من سكات

[رايق البال]

هلا فيك راعية سمحه ..
الله عليك الله نص واختيار ولا اروع كما تعودنا منك
الف شكر لجهدك واختيارك وتفاعلك الجميل
طابت لياليك ..
( نص يستحق النجوم الخمس)

[أمآني!]

نص رآئعع،
يعطيك العإفية الغالية ع الإنتقاء.

[عملاق الشعر]

راعية سمحة


نص في غاية الجمال
وثنائي رائع ومييز دائما للشاعرين القحطاني وابن زيد



سلمت يداك المبدعة وذوقك الراقي

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته

[اهلي ملاذي]

نص جداآ جميل ومميز
آلف شكر لطرحك وآنتقآائك الذووق
خآالص آحترآمي /!

[حبي خالص]

ابدعتي راعية سمحه
نص واختيار جدا راقي
دمتي بذوق

[مجنونك ما يخونك]

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

[أزهار الكرز]

أبدعتي ف الانتقاء أختي