استبشري يا دار بالقايد المغـــــوار
ياللي عزم للعالي وبالعز نالـــــــه
استبشري ياعمان بسلطان الأحرار
قدم لشعبه كل ما هو استحالــــــــه
ياللي رفع اسمك في كل الأقطـــــار
بالعز ناله ودون المعاديين شالـــه
إنتي عمان العز ياأرض الأبــــرار
تستاهلي كل خير قابوس سعالــــه
إنتي عمان الخير يا درة المحــــار
ياللي رفع اسمك معروف منالــــه
قابوس نور عمان ونفحة الأزهار
قابوس نور بدد ظلام الجهالـــــــه
قابوس يا مجد من محال ينهـــــار
من يغنم بشرواك حظه سعالـــــه
حر ولد حر سكن بيت الأحــــــرار
ياللي رفع شعبه عن بيوت الرذاله
وخليتهم أخير من الناس الأخيــار
وفكيت عنهم من قيود الجهالـــــه
يا مرحبا نفح الخزامى والأزهــار
يا مرحبا من حقق لشعبه نوالـــه
هذا صريح القول نهديه أشعـــــار
عد الحصى والرمل والغيث وهماله
كل الشعر قابوس من هيبتك محتار
وهذا قصيدي ما يسدد مجالــــــــه
وندعي الرحمن العالي الجبـــــــار
يحفظه قابوس في عزه وجلالـــــه