يالله ياللي من ترجاك ما ظام
ياخالق الانسان والرزق بيديه
اتردلي غالي فقدته من اعوام
شلون يهجرني وانا ميتن فيه
في غيبته حالي غدا جلد وعظام
الله وكيله ماحسب قدر مغليه
هدم صروح الحب بالهجر واوهام
مايدري ان الهجر صعبه تواليه
كنت احسب ان الجرح تمسحه الايام
واثر الجروح تزيد لا حل طاريه
القلب متعبني وهايم به هيام
وعن وصل غيره مالقى شي يرضيه
ماكنت احسب الحب همن وآلام
ولاكنت اظنك بالفراق حيل ترميه
اهون علي من الفراق حكم الاعدام
لاتسكن ظنونك خفوقي وتسليه
خذها نصيحه والوعد دوم قدام
من يأمن الدنيا تراها تصفيه
وحتى زمانك لو صفا يوم ما دام
اكسر غرورك قبل قلبك يغطيه
رد مع اقتباس
المشاركة الأصلية كتبت بواسطة ضي الشمس
