نصف الأفكار ورث ونصفها اكتساب
_______ ونصفها شي حرام ... ونصفها شيّ عيب ...!
ان ذبحنا الوصل .. ولاّ ذبحنا الغياب
_______ يا الله أني .. دخيلك من .. رداة النصيب ....!
الغلا اللي .. بلا رأفه ورحمة جناب
________ يشعل القلب نار .. ويشعل الراس شيب ...!
يضحك الما علينا ، لاطردنا السراب
_______ مثل مايضحك ( الواثق ) على المستريب ..!
ضمّني .. لو بعدك العمر كلّه خراب
_______ فيني من الوله .. طفله , وكهل , وغريب ...!
قبل اعرفك احسب لكل حاجه حساب
_______ وعقبك ادركت ب ان الوضع حظ ونصيب ..!
شوف كفّي نبت فيها من الشوق باب
_______ تنبض أذني يبو الصوت .. الرحيم الرحيب ..!
من فطام الجهل .. حتّى بلوغ الكتاب
_______ وانت .. من بينهم ماتذكر الاّ .. بَ طيب .....!
ليت ماني من اللي .. يركبون الصعاب
_______ ليتني جرح .. ف ذراعك ، ولا له طبيب ......!
يقرب القرب ... ولا يغرب الاغتراب
______ والله ( انْك الحبيب ) ، ووالله ( انْك القريب ) ...!
رد مع اقتباس