انا والقلب من غلطه ماهي من ضمن غلطاتي

[حبي خالص]

كئيبه ليلة البارح " توآرت " بإنكسآر اثنين
انا والقلب من غلطه ماهي من ضمن غلطاتي

عبث منها بدون اسباب " تشلع " مهجتي نصفين
وانا في عشقــــه حتى حرمت العين غفواتي


رجاء لا تشيل "العتب " كان الهدف حرفين
اذا ما تعرف مو خطايه اسمع الاتي


على ذاك الطريق "المنتمي" للشك والتخمين
مشيت وياكثر ما بعثــرت فالناس نظرآتي


اناظر في الوجوه "والملامــح" طيب وبعدين
انا من وين الاقي لك طريــق يحث خطوآتي


اقول هناك لا يمكن "هنــا" يمكن هناك تبين
شعاع الضي واشــراق الامل وتلملم شتآتي


رسمتك حلم "غايب "عن حياتي من يجي عامين
لقيتك علم وايدينك تعــطر كل صفحاتي


وجيت انثر لك "احسآسي" وشوقي واحتراقي لين
تركتك في وضــوح تشوف حزني وانكساراتي


ابيك تحس في همي وتلمــس" رعشة الكفين"
ابيك تحس في وجـــدي عليك وجمر زفراتي


لاني كنت احسب الحظ مثل "سهيل" للسارين
سريت ولا لقيت سهيــــل في كل اتجاهاتي

"فمان الله" برحل والجروح تعانــق السكين

بســافر بالالم من شان ما ارضخ لاجل رغباتي


ابرحل عنك واترك لك "حكايه" داخل القوسين
تمتع بعدها باللي تطــــــــوله من معاناتي


مصير "الشـــوق" يعثى في حنايا مهجتك وتلين
بوقت فيه يا بعـــــدي عليك وصعب جياتي


انا يوم اشتكيت من "الولــع" ومن السهر والبين
ظننت انك تحس بثورة اوجاعـــــي ولوعاتي


اثاري "الشـــوق" ما يرحم ونار الصد عن نارين
كواني جمرها الحــــارق وانا في غمرة اسكاتي


عشان اني صبرت اتزيد" جرحك " في الحشا جرحين
وانا ما كنت اظــــن الصبر يخلف فيك هقواتي


ابصبر لين يشكي"الصبر" من صبري وبصــبر زين
و اروح بعيــــد وادفن صرخة احزاني وآهاتي


على الله" والجــروح" اللي بقلبي عن ثلاث سنين
عســــى ربي يخفف نزفهـــا وتجف دمعاتي


ولكن لو تلاقينـــــا و"خانتني" دموع العين
ترى ماهو بكـــا هذا عتب ذاتي علــى ذاتي

[عملاق الشعر]

حبي خالص


نص في غااااااااااااااية الروووعة اختي


سلمت يداك المبدعة وذوقك الراقي

"نص يستحق النجوم الخمس"

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

[حبي خالص]

حبي خالص


نص في غااااااااااااااية الروووعة اختي


سلمت يداك المبدعة وذوقك الراقي

"نص يستحق النجوم الخمس"

يسلم غاليك أخي
شرفني وأسعدني مرورك
شكرا لك

[نسر البوادي]

حبي خالص تسلمين ياذوووق ابيات غايه في الجمال يعطيك الف علفيه

[حبي خالص]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

شكرا لمرورك العطر عزيزتي

[حبي خالص]

حبي خالص تسلمين ياذوووق ابيات غايه في الجمال يعطيك الف علفيه

يعافيك ربي أخي
شكرا للمرور العطر

[رايق البال]

هلا فيك حبي خالص ..
الله عليك الله اختيار جدا راقي كالعاده
الف شكر لجهدك واختيارك وتفاعلك الجميل
طابت لياليك ..

[بقايا طيف]

الشكر الجزيل للاختيار الجميل
والذائقة الرائعة
نص في غاية الروعة والجمال
دمت وسلمت

[حبي خالص]

هلا فيك حبي خالص ..
الله عليك الله اختيار جدا راقي كالعاده
الف شكر لجهدك واختيارك وتفاعلك الجميل
طابت لياليك ..

ما عليك زود استاذ
شكرا للمرور العطر